Skessuhorn - 10.06.2020, Blaðsíða 22

MIÐVIKUDAGUR 10. júNÍ 202022
Framkvæmdir stóðu sem hæst þegar Skessu-
horn kom að Langasandi á miðvikudags-
morgun í liðinni viku. jarðvinnu var lok-
ið og mjög víða langt komið að steypa út-
veggi þeirra fjölmörgu sandkastala sem
reistir voru á sandinum þennan morgun-
inn. Verktakar voru nemendur í 1.-6. bekk
Brekkubæjarskóla, en vordagur var í skólan-
um þennan dag. Var hann nýttur á Langa-
sandi, þar sem blásið hafði verið til sandkas-
talakeppni.
Krakkarnir gengu hreint til verks og unnu
í hópum, þar sem nemendur í 1. og 6. bekk
unnu saman að gerð kastalanna, 2. og 5.
bekkur og svo 3. og 4. bekkur. Með fum-
lausum vinnubrögðum spratt upp mikil og
þétt sandkastalabyggð á örskömmum tíma.
Aðeins var lokafrágangur á lóðum og síkjum
eftir þegar klukkan sló í matartíma. Eftir
létta hressingu voru kastalarnir dæmdir og
á skólaslitum á föstudaginn voru veittar við-
urkenningar fyrir bestu kastalana í hinum
ýmsu flokkum sandkastalakeppninnar. Einn
ungur piltur sem kom að máli við blaða-
mann kvaðst þannig hafa sigrað keppnina
um konunglegasta kastalann í fyrra og var
staðráðinn í því að verja titilinn í ár.
kgk
Byggð reis á Langasandi
Gleði og ánægja einkenndi sandkastalakeppni krakkanna í Brekkubæjarskóla.
Gengið hreint til verks. Mikill metnaður var lagður í frágang og útlit sandkastalanna. Ánægjan í fyrirrúmi.
Það er mikil nákvæmnisvinna að byggja góðan sandkastala. Krakkarnir lögðu metnað í sandkas-
talagerðina.
Fumlaus vinnubrögð.
Ánægja með góðan
gang framkvæmda.