Skessuhorn - 01.07.2020, Blaðsíða 23

MIÐVIKUDAGUR 1. JúLÍ 2020 23
Mikið fjör í Kerlingarfjöllum, en kvöldvökurnar þar voru orðnar annálaðar fyrir
mikið líf og mikla gleði.
daga á sumrin og enduðu dagarn-
ir alltaf með kvöldvöku sem voru
orðnar annálaðar fyrir mikinn söng,
líf og fjör. „Það var sungið, dansað
og leikið,“ segir Sigurður og brosir
við minningarnar.
Með þeim félögum komu fleiri
góðir menn að skíðaskólanum eins
og Jónas Kjerúlf og komu börn
þeirra allra meira og minna að
starfsemi skíðaskólans. „Á kvöld-
in héldum við kvöldvökur þar sem
Eyjólfur okkar Kristjánsson mús-
íkant sem allir þekkja var þarna
með okkur mörg sumur og ég er
ekkert feiminn að segja að hann
er vel að sér í góðum íslenskum
söngvum því hann var í Kerlingar-
fjöllum að stjórna fjöldasöng með
mér og öðrum. Við vorum þarna
sex til átta manns með gítara fyrir
framan hundrað manns að stjórna
fjöldasöng og það var sko alvöru
fjör,“ segir Sigurður.
Gos setti strik
í reikninginn
Í Kerlingarfjöllum komu upp ýmis
ævintýri en í ágúst árið 1980 gaus
Hekla. Á þeim tíma voru Sigurð-
ur og félagar einmitt að fara heim
með hóp af fólki úr Kerlingarfjöll-
um og áttu von á hópi unglinga upp
í fjall síðar um daginn. „Það lagð-
ist þykkt lag af ösku yfir snjóinn
svo við Valdimar hringdum í Ei-
rík, sem var í bænum að sækja ung-
lingana, og sögðum honum að snúa
við, sem hann gerði. Við héldum að
það væri ekki hægt að taka á móti
hópi upp í fjall nærri strax. Eirík-
ur er rólegur og vel gerður maður
og hann var ekki að fara að hætta
neitt. Hann sagði bara; „strákar
mínir, við bara mokum þessari ösku
burt.“ Þú getur rétt ímyndað þér
hvað við hugsuðum, að segja okkur
að moka tvö til þrjú hundruð metra
braut til að skíða á. Eiríkur sagði að
það væri vel hægt og sendi svo af
stað til okkar bíl með öllum tækjum
sem til þurftu. „Svo mokið þið bara
svona 40 metra breiða rák og um
200 metra langa og þið klárið það
á svona tveimur dögum og þá koma
krakkarnir,“ sagði Eiríkur við okk-
ur og við gátum ekkert sagt annað
en já við því.“
Allir út að moka
Allt starfsliðið fór út, fólkið úr eld-
húsinu, lyftunum og allir sem gátu
haldið á skóflu fóru út að moka.
„Við gerðum þetta svona eins og í
heyskap, sópuðum í garða og mok-
uðum því svo saman í hrúgur. Við
vorum þarna með tvo skíðakenn-
ara frá Austurríki sem sögðust ekki
moka snjó því þeir væru bara þarna
til að kenna á skíði. Við fundum svo
inni í geymslu hjá okkur tvö segl,
örugglega svona um 20 fermetra
að stærð, og spurðum þá hvort þeir
gætu ekki mokað smá snjó á segl.
Þeir voru til í það og byrjuðu að
moka. Þegar seglið var fullt af snjó
tók annar þeirra undir annan end-
ann og hinn tók gagnstæðan enda
og svo brunuðu þeir af stað niður
brekkuna. þegar niður var komið
snarbeygði sá sem var á undan og
sleppti seglinu og hinn tók í. Snjór-
inn rauk af seglinu og þeir tóku lyft-
una upp aftur og mokuðu aftur upp
á seglið, svona hélt þetta áfram all-
an daginn. Eftir tvo daga var kom-
in um 40 metra breið og 200 metra
löng rönd á besta stað í fjallinu og
krakkarnir gátu komið og farið upp
í fjall að skíða. Þetta var stórkostleg
upplifun,“ segir Sigurður og brosir.
Heimsótti alla
skóla landsins
Árið 1988 hætti Sigurður að sjá um
skíðaskólann og einnig lét hann af
störfum í Heiðarskóla. „Það var
hringt í mig úr menntamálaráðu-
neytinu og óskað eftir því að ég
færi hringferð um landið að heim-
sækja skóla og hvetja til frekari
íþrótta- og félagsvirkni í skólum,“
segir Sigurður sem næstu þrjú ár
fór um landið og heimsótti hvern
einasta skóla. „Þetta var bæði ótrú-
lega skemmtilegt og fróðlegt,“
segir Sigurður. Árið 1995 tók líf-
ið enn nýja stefnu en þá fékk Sig-
urður beiðni um að koma til Kanarí
að kenna íþróttir og sjá um félags-
starf eldri borgara. „Ég hélt það nú
og fór í þessa ferð en svo varð bara
ekkert lát á þeim. Ég fór í svona
ferðir til Benedorm, Portúgals og
mest til Kanarí í um tuttugu ár. Þar
sá ég um félagsstarf, hélt kvöldvök-
ur þar sem var sungið og dansað og
fleira skemmtilegt. Þetta var alveg
dásamlegur tími,“ segir Sigurður.
Á þessum tíma kynntist Sigurður
seinni konu sinni Laufeyju Krist-
jánsdóttur sem var honum ómet-
anleg aðstoð í sambandi við starf-
ið þar úti. Laufey lést 10. desemb-
er 2012.
Stofnuðu kvartett
Söngurinn hefur verið snar þáttur
í lífi Sigurðar frá upphafi og segir
hann fjölskylduna alla mjög söng-
glaða. „Þegar við komum saman
er alltaf sungið og dansað,“ segir
Sigurður og brosir en hann er rík-
ur maður og á orðið stóran hóp af-
komenda. „Ég er forríkur maður og
á fullt af barnabörnum og er orð-
inn langafi og langalangafi, afkom-
endur orðnir 49 og tvö börn á leið-
inni,“ segir hann og brosir. Þeg-
ar Sigurður bjó á Ólafsfirði gekk
hann í Oddfellow regluna þar og
þegar hann flutti á Akranes færði
hann sig í Oddfellow stúkuna á
Akranesi. Fljótlega var hann kom-
inn í skemmtinefnd og kynntist
hann þar þremur öðrum söngelsk-
um mönnum og stofnuðu þeir sam-
an kvartett. „Við stofnuðum Ska-
gakvartettinn og útsettum einhver
lög sem við svo sungum um all-
ar sveitir í örugglega svona 15-20
ár. Við vorum með skemmtanir
um allt, fórum á þorrablót og aðra
viðburði og héldum uppi fjörinu,“
segir hann. En lék hann á hljóðfæri
líka? „Ég var nú alltaf með gítarinn
þó ég kunni ekkert á hann,“ svar-
ar Sigurður og hlær. „En það bjarg-
aði aðeins við að halda taktinum og
hljóminum,“ bætir hann við.
Heiðarskóli stendur
honum nærri
Aðspurður segist Sigurður ekki
hafa verið í skógrækt sjálfur en þó
hafi hann alltaf haft áhuga á henni.
„Ég hef ekki fundið tíma fyrir skóg-
rækt fyrr en nú. Ég stóð þó fyrir því
hér áður að sett væru niður einhver
tré í kringum skólann og í nánd við
hann. En svo var bara komið að því
núna að mig langaði að gera eitt-
hvað fyrir Heiðarskóla og búa til
svona skógræktarreit í minningu
um mína dvöl við skólann. Svona
get ég skilið eitthvað eftir mig sem
lifir,“ segir hann og brosir. Heiðar-
skóli hefur alla tíð staðið Sigurði
nærri og er hann enn í dag dugleg-
ur að koma á ýmsa viðburði í skól-
anum og fylgjast með krökkunum í
leik og starfi. „Mér þykir mjög vænt
um skólann og bæði starfsfólkið og
krakkarnir í skólanum eru yndis-
leg,“ segir Sigurður R. Guðmunds-
son fyrrum skólastjóri Heiðarskóla.
arg/ Ljósm. úr einkasafni
Skagavartettinn var stofnaður upp úr skemmtinefnd hjá Oddfellow reglunni á
Akranesi.
Sigurður var gjarnan með gítarinn á kvöldvökum í Kerlingarfjöllum.
Frá afhendingu Sigurðarlundar.