Skessuhorn - 16.08.2020, Blaðsíða 8
MIÐVIKUDAGUR 16. SEpTEMBER 20208
Bitinn af hundi
AKRANES: Maður hringdi
í Neyðarlínu um sexleytið á
sunnudaginn, eftir að hafa
verið bitinn af hundi. Kvaðst
hann hafa verið á gangi eftir
Suðurgötu á Akranesi, mætt
þar ungri stúlku með hund í
bandi, en hundurinn hafi þá
stokkið upp og glefsaði í ermi
á jakka mannsins. Hlaut mað-
urinn blæðandi sár á hægri
framhandlegg. Leitaði hann
aðstoðar læknis á sjúkrahúsinu
á Akranesi og fékk sprautu.
Haft var samband við eiganda
hundsins sem fullyrti að hann
hefði aldrei gert nokkuð þessu
líkt áður. Dýraeftirlitsmanni
Akraneskaupstaðar var sömu-
leiðis gert viðvart. -kgk
Veiðimaður
sofnaði
BORGARBYGGÐ: Hringt
var í Neyðarlínu um kl. hálf
tvö aðfararnótt mánudags frá
veiðihúsi við Hítará og til-
kynnt um týndan veiðimann.
Seinna kom á daginn að hann
hafði gengið vegslóða frá Hít-
ará í átt að veiðihúsinu, en
síðan stytt sér leið og sofn-
að í kjarrinu. Maðurinn var í
þokkalegu ástandi en orðinn
örlítið kaldur og þreyttur þeg-
ar hann skilaði sér. -kgk
Undir áhrifum,
án réttinda
HVALFJSV: Laust eftir kl.
hálf fimm síðdegis á mánudag
var tilkynnt um útafakstur á
Vesturlandsvegi við Lyngholt.
Lögregla fór á vettvang. Öku-
maðurinn var látinn gang-
ast undir fíkniefnapróf sem
gaf jákvæða svörun við neyslu
amfetamíns. Var ökumaður-
inn því handtekinn, fluttur á
lögreglustöð og gert að veita
blóðsýni. Enn fremur reynd-
ist hann aka eftir að hafa ver-
ið sviptur ökuréttindum vegna
ítrekaðra brota á umferðarlög-
um. Ekki nóg með það, heldur
var bíllinn ótryggður og voru
skráningarnúmerin fjarlægð af
honum. -kgk
Hraðakstur
áberandi
VESTURLAND: Mynda-
vélabíll Lögreglunnar á Vest-
urlandi var við eftirlit í gær-
morgun, þriðjudaginn 15.
september. Milli kl. 6:30 og
7:30 var hann á Akrafjallsvegi,
þar sem hann mældi hraða 353
ökutækja. Þrír ökumenn voru
kærðir fyrir of hraðan akst-
ur. Seinna sama morgun var
hann við Ketilsflöt á Akra-
nesi, til móts við leikskólann
Akrasel, þar sem hámarks-
hraði er 30 km/klst. Alls voru
118 bílar hraðamældir og einn
ökumaður kærður. Töluvert
var um hraðakstursmál heilt
yfir í umdæminu í liðinni viku
og nokkuð mikið um háar töl-
ur, að sögn lögreglu. Sá sem
hraðast ók var stöðvaður úti á
þjóðveginum á 130 km hraða
á klst. Lögregla segir ríka
ástæðu til að auka hraðaeftir-
lit í umdæminu og undirbýr
nú eftirlit á ómerktum bílum,
eins og greint var frá í Skessu-
horni í síðustu viku.
-kgk
Ungir drengir á
krosshjólum
BORGARNES: Síðastliðinn
laugardag var tilkynnt um unga
drengi á krosshjólum við Arn-
arklett í Borgarnesi. Lögregla
kannaði málið. Um var að ræða
14 ára pilta og var foreldrum
þeirra gert viðvart um athæfið
auk þess sem barnaverndaryfir-
völdum var tilkynnt um málið.
-kgk
Hafna slysahættu
HVALFJSV: Vegfarandi sem
átti leið um Hvalfjarðargöng
hringdi í Neyðarlínu á miðnætti
kvöld eitt nú í byrjun vikunnar.
Sagði hann að vegavinna í göng-
unum skapaði slysahættu, búið
væri að loka akgrein í göngun-
um í blindbeygju þar sem erf-
itt væri að sjá umferð á móti.
Haft var samband við Vega-
gerðina vegna þessa, sem sagði
að verkið hefði verið vel auglýst
og merkingar um vinnu í göng-
unum væru til fyrirmyndar, auk
þess sem tilheyrandi vinnuljós
gæfu greinilega til kynna að
vegavinna stæði yfir. -kgk
Aflatölur fyrir
Vesturland
5.-11. september
Tölur (í kílóum)
frá Fiskistofu
Akranes: 5 bátar.
Heildarlöndun: 31.017 kg.
Mestur afli: Ebbi AK-37:
20.891 kg í þremur löndunum.
Arnarstapi: 5 bátar.
Heildarlöndun: 5.948 kg.
Mestur afli: Bárður SH-811:
2.973 kg í þremur róðrum.
Grundarfjörður: 10 bátar.
Heildarlöndun: 447.736 kg.
Mestur afli: Akurey AK-10:
91.902 kg í einni löndun.
Ólafsvík: 12 bátar.
Heildarlöndun: 154.520 kg.
Mestur afli: Gunnar Bjarna-
son SH-122: 28.477 kg í fjórum
róðrum.
Rif: 7 bátar.
Heildarlöndun: 113.378 kg.
Mestur afli: Magnús SH-205:
38.469 kg í fjórum löndunum.
Stykkishólmur: 2 bátar.
Heildarlöndun: 8.520 kg.
Mestur afli: Sjöfn SH-707:
6.460 kg í fimm róðrum.
Topp fimm landanir
á tímabilinu:
1. Akurey AK-10 - GRU:
91.902 kg. 6. september.
2. Farsæll SH-30 - GRU:
78.444 kg. 8. september.
3. Sigurborg SH-12 - GRU:
64.502 kg. 7. september.
4. Hringur SH-153 - GRU:
64.236 kg. 9. september.
5. Runólfur SH-135 - GRU:
62.699 kg. 7. september.
-kgk
Hvalfjarðarsveit hefur hlotið heim-
ild Jafnréttisstofu til nota jafn-
launamerkið. Er það staðfesting á
því að innan stofnana sveitarfélags-
ins séu laun starfsfólks sem vinnur
sömu störf eða jafn verðmæt störf
sambærileg alveg óháð kyni. „Mik-
ilvægum áfanga er náð og þakk-
ar sveitarstjórn öllum þeim sem að
vinnunni komu og óskar starfsfólki
sveitarfélagsins til hamingju með
niðurstöðuna,“ segir í fundagerð
sveitarstjórnar.
arg
Síðastliðinn fimmtudag var skrifað
undir verksamning milli Vegagerð-
arinnar og Ístaks hf. um lagningu
fyrsta áfanga í breikkun Hringvegar
um Kjalarnes, milli Kollafjarðar og
Hvalfjarðar. Í þessum fyrsta áfanga
verksins verður 4,1 km vegarins
breikkaður frá Varmhólum að Vallá.
Núverandi vegur verður 2+1 vegur
með aðskildum akbrautum. Í verk-
inu felst gerð hringtorgs við Móa,
tvenn undirgöng úr stálplötum við
Varmhóla og Saltvík, áningarstaður,
hliðarvegir og stígar. Fergja á veg-
stæði og framtíðarstæði stíga með-
fram hliðarvegum.
Verkið er samstarfsverkefni Vega-
gerðarinnar, Reykjavíkurborgar,
Veitna og Gagnaveitu Reykjavíkur.
Verkinu tilheyra ræsi, regnvatns-
lagnir, veglýsing, lagnir fyrir upp-
lýsingakerfi Vegagerðarinnar og
breytingar á lögnum veitufyrirtækja.
Áætluð verklok eru 2023. mm
Lögmennirnir Sverrir Sigurjóns-
son og Sigurður Jónsson hafa tek-
ið yfir rekstur lögmannsstofu Inga
Tryggvasonar, LIT, í Borgarnesi.
Munu þeir reka þar lögmanns-
stofu undir merkinu Land lög-
menn. Tóku þeir yfir húsnæði Inga
að Borgarbraut 61 í Borgarnesi
og mun því skrifstofa þeirra verða
á sama stað og skrifstofa Inga var
áður. Jafnframt munu þeir sjá um
rekstur fasteignasölu á sama stað
undir merkjum Domusnova fast-
eignasölu.
Sverrir og Sigurður reka einn-
ig lögmannsstofu og fasteignasölu
á Selfossi undir sömu merkjum.
„Sverrir og Sigurður bjóða gamla
viðskiptavini Inga sem og nýja
hjartanlega velkomna,“ segir í til-
kynningu frá þeim félögum.
mm
Maður slasaðist alvarlega í mótor-
hjólaslysi á Útnesvegi við Saxhól
síðastliðinn sunnudag. Talið er að
hjólið hafi lent í lausamöl í vegkanti
með þeim afleiðingum að ökumað-
urinn féll af hjólinu og endaði utan
vegar.
Maðurinn var með fullri meðvit-
und eftir slysið og þegar hann fékk
aðhlynningu á vettvangi, en tal-
ið er að hann hafi hlotið innvort-
is áverka, að sögn Lögreglunnar á
Vesturlandi. Var kallað eftir aðstoð
þyrlu Landhelgisgæslunnar, sem
sótti manninn á slysstað og flutti á
Landspítalann í Fossvogi.
Sjónarvottar urðu að slysinu og
telja þeir manninn ekki hafa ver-
ið á mikilli ferð þegar slysið varð.
Hann reyndist hins vegar ekki hafa
réttindi til að aka bifhjóli, að sögn
lögreglu. Málið er til rannsóknar.
kgk
Svipmynd frá vettvangi. Ljósm. af.
Slasaðist alvarlega í bifhjólaslysi
Land lögmenn opna
lögmannsstofu í Borgarnesi
Karl Andreassen, framkvæmdastjóri Ístaks, og Óskar Örn Jónsson forstöðumaður
framkvæmdadeildar Vegagerðarinnar skrifuðu undir samninginn.
Ístak breikkar fyrsta áfanga
Vesturlandsvegar á Kjalarnesi
Hvalfjarðarsveit fær jafnlaunavottun