Skessuhorn - 21.10.2020, Blaðsíða 28

MIÐVIKUDAGUR 21. oKtóBER 202028
Vörur og þjónusta
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
H P Pípulagnir ehf.
Alhliða pípulagnaþjónusta
Hilmir 820-3722
Páll 699-4067
hppipulagnir@gmail.com
SK
ES
SU
H
O
R
N
2
01
8
Fyrir alla vigtun
Húsarafmagn
Töflusmíði
Iðnaðarrafmagn
Bátarafmagn
Bílarafmagn
RAFMAGN
vogir@vogir.is Sími 433-2202
VOGIR
Bílavogir
Kranavogir
Skeifuvogir
Pallvogir
Aflestrarhausar
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
• Bílasprautun • Bílaréttingar • Framrúðuskipti
BÍLASPRAUTUN VESTURLANDS
S: 860-0708 • Smiðjuvellir 7, Akranesi • bv.sprautun@gmail.com
Vinnum fyrir öll tryggingafélög
Pennagrein
Meirihluti Sjálfstæðisflokks, Samfylk-
ingar og Vinstri-grænna í Borgarbyggð
er farinn að minna um margt á borg-
arstjórnarmeirihlutann í Reykjavík.
Stjórnun og ábyrgð í stjórnsýslunni er
aukaatriði nema þegar um að er ræða mál
sem henta meirihlutanum. Það fer mikill
tími í að móta stefnur, búa til ferla, halda
fundi og gera úttektir á hinu og þessu.
Þessar úttektir og innri skoðun ásamt
ferlum og stefnum virðast hins vegar ekki
pappírsins virði. Mál enda út og suður og
svo norður og niður eins og dæmið sem
farið er yfir hér á eftir sýnir. Ryki er kast-
að í augu íbúa með því að vitna í stefn-
ur og ferla en staðreyndin er sú að það
stendur ekki steinn yfir steini. Jón og séra
Jón er orðatiltæki sem á vel við hjá þess-
um meirihluta.
27 milljóna
lóðahönnunarbíó
Eitt nærtækasta dæmið er hönnun leik-
svæða við skólahúsnæði sveitarfélags-
ins. Þar má sjá framúrkeyrslur á framúr-
keyrslur ofan. Hönnunarkostnaður við
útisvæði grunnskólans í Borgarnesi er
kominn í rúmlega 15,3 milljónir króna. Já,
þið lásuð rétt; 15,3 milljónir króna. Þetta
er bara kostnaður við hönnun útisvæðis.
Inn í þessari tölu er hvorki efni, vinna
eða tæki. Bara teikningar á blaði og ekki
nóg með það heldur afhenti meirihlutinn
þetta allt til hönnunaraðila án útboðs eða
verðkönnunar þrátt fyrir að byggingar-
nefnd skólans hafi ákveðið og bókað að
slíkt ferli yrði viðhaft. Sem er líka lög-
brot þar sem samkvæmt innkaupareglum
sveitarfélagsins á að bjóða öll þjónustu-
kaup út sem fara yfir 10 milljónir króna.
til vara er hægt að gera formlegar verðk-
annanir með forvali. Þetta er ekki allt og
bíóið heldur áfram. Á Kleppjárnsreykjum
er verið að byggja 30 barna leikskóla sem
þörf var á fyrir okkur íbúa uppsveitanna.
En þar eins og í Borgarnesi þarf leiksvæði
fyrir börnin og það þarf að sjálfsögðu að
vera vandað. En er það virkilega þess virði
að hanna leiksvæði þar sem kostnaðurinn
við einungis hönnunina er kominn í 11,8
milljónir króna? Aftur eins og í Borgar-
nesi er ekki neitt efni, vinna eða tæki inn í
þessari tölu. En eins og þetta sé ekki nóg
þá átti nú heldur betur að vanda til verka
uppi á Kleppjárnsreykjum og sleppa
við framúrkeyrslu eins og áttu sér stað í
kringum alla framkvæmd Grunnskólans í
Borgarnesi og samið var við arkitekt um
alla hönnunarvinnu leiksvæðisins. Samn-
ingurinn var undirritaður í nóvember
2018 og hljóðaði uppá 2 milljónir króna!
Hvað gerðist? Þetta er bara hönnun,
nú má ekki misskilja mig á þann veg að
mér finnist ekki mikilvægt að hafa fallega
hönnuð svæði við menntastofnanir sveit-
arfélagsins en fyrr má nú vera. til að setja
málið í samhengi við eitthvað sem að við
öll þekkjum þá var kostnaður per. íbúa
(1. jan. 2020) í Reykjavík vegna Brag-
gamálsins 3.164 kr. en lóðahönnunarfí-
askóið í Borgarbyggð er nú þegar búið að
kosta hvern íbúa sveitarfélagsins (1. jan.
2020) 7.009 kr. og er þeirri hönnun ekki
allri lokið enn. Braggamálið í Reykjavík
var gott dæmi um stórkostlega óstjórn,
en það er nú sennilega barnaleikur mið-
að við framúrkeyrsluna í þeim verkefn-
um sem meirihlutinn hefur farið af stað
með í Borgarbyggð. Hönnun leiksvæðis á
Kleppjárnsreykjum er komin 490% fram
úr áætlun og í Borgarnesi 337% fram úr
áætlun. En Bragginn frægi í Reykjavík fór
einungis um 160% fram úr áætlun.
Slönguspil í
boði meiri-
hlutans
Erfiðir tímar eru
framundan í rekstri
Borgarbyggðar og er meirhlutinn eins og
vant er á hröðu undanhaldi frá raunveru-
leikanum og staðreyndum um rekstur.
Ekki á að skera niður í rekstri eða staldra
við í framkvæmdagleðinni og draga and-
ann djúpt og átta sig betur á hvaða afleið-
ingar þessi tekjumissir sem hefur orðið af
völdum Covid-19 muni hafa á fjárfest-
ingagetu sveitarfélagsins, heldur á að taka
lán ofan á lán til þess að borga óráðsíuna.
Hvernig á svo að borga af þeim lánum?
Á kannski bara að setja okkur í þá stöðu
að neyðast til þess að hækka álögur á íbúa
enn frekar? Loksins þegar búið var að ná
tökum á rekstri Borgarbyggðar sem hófst
með vegferðinni „Brúin til framtíðar“ árið
2014 og búið var að greiða niður mikið af
skuldum þá er eins og setja eigi fólk aftur
á byrjunarreit. Þetta er eins og að vera að
koma í mark í slönguspili en lenda á næst-
síðasta reit á slöngunni og fljúga aftur nið-
ur á upphafsreit. Það er allavega morgun-
ljóst að það er íbúum Borgarbyggðar fyrir
bestu að núverandi meirihluti láti það bara
vera að framkvæma meira. Meirihlutinn
virðist bara ekki hafa yfirsýn yfir verk-
efnin sem hann fer í og kostnaðurinn fer
ekki bara út og suður heldur líka norður
og niður, eins og sést glögglega á þessum
hönnunarkostnaði og það væri óskandi
að þetta væri það versta en því fer fjarri,
yfirferð á öðrum framkvæmdum sveitar-
félagsins bíður betri tíma.
Davíð Sigurðsson
Höf. er sveitarstjórnarfulltrúi Framsókn-
arflokksins í Borgarbyggð.
Leiðin út úr yfirstandandi atvinnukreppu
er mikil áskorun. Ráð jafnaðarmanna við
þessar aðstæður eru skýr, felast í því að
fjölga störfum, efla velferð og að skjóta
nýjum grænum stoðum undir útflutning
og verðmætasköpun framtíðar. Lykilorð-
in eru vinna, velferð og græn uppbygging
um land allt. Það er ábyrga leiðin og lítil
hænuskref duga ekki.
Það er úrslitaatriði nú, að stíga fram af
meiri festu en ríkisstjórnin áformar í fjár-
lagafrumvarpi fyrir næsta ár. Efnahags-
áætlun Samfylkingarinnar fyrir árið 2021
sem kynnt var á dögunum er hins vegar
afgerandi, svarar kalli samtímans og mark-
ar um leið fyrstu skrefin í átt að grænni
framtíðarsýn jafnaðarmanna fyrir Ísland.
Á örfáa þætti hennar er drepið í þessari
grein.
Fjölgum störfum strax
Við þurfum að leggja höfuðið duglega í
bleyti og leita leiða til að fjölga og skapa ný
störf með hraði, bæði í einkageiranum og
hjá hinu opinbera. Jafnaðarmenn benda
á nokkra möguleika í því sambandi. Nú
er t.d. lag til að ráðast að undirmönnum
í heilbrigðiskerfinu, í velferðarþjónustu,
í skólunum og í lögreglunni. Beita þarf
að auki virkum vinnumarkaðsaðgerðum,
bæði ráðningarstyrkjum og námstengd-
um úrræðum. Þá er brýnt að veita sveitar-
félögum miklu meiri stuðning en áform-
að er. Rauði þráðurinn er einfaldlega sá að
vinna gegn því að kreppan dýpki enn frek-
ar og verði langvarandi, hindra uppsagnir
og langtímaatvinnuleysi.
Eitt ár án
tryggingagjalds
Skynsamlegasta skattalækkunin fyrir fyrir-
tæki við núverandi aðstæður er tímabund-
in lækkun tryggingagjalds sem felur í sér
að árið 2021 verði í raun tryggingagjalds-
laust ár hjá einyrkjum og smáfyrirtækjum.
Þessi lækkun skilar sér einnig til lítilla og
meðalstórra fyrirtækja þar sem skattur-
inn leggst flatt á alla vinnu. Aðgerðin ýtir
þannig undir fjölgun starfa. Að óbreyttu
er hætta á að veirukreppan muni strá-
fella smærri fyrirtæki meðan stórfyrirtæki
stækka markaðshlutdeild sína og hækka
verð í skjóli veikari samkeppni.
Atvinnuleysisbætur
og sveitarfélögin
Á einstökum óvissutímum sem þessum er
niðurdrepandi að halda bótum atvinnu-
leysis- og almannatrygginga í lágmarki.
Það má heldur ekki skilja sveitarfélög eft-
ir í miklum þrengingum en þeirra málum
hefur ríkisstjórnin lítið sinnt, þau hafa tak-
markaða tekjumöguleika. Sveitarfélögin
bera hins vegar ábyrgð á mikilvægri vel-
ferðarþjónustu í nærsamfélaginu sem
þyngist í erfiðu árferði – og hana þarf að
verja en ekki skera niður.
Ríkisstjórnir annarra
Norðurlanda hafa heit-
ið því að bæta tekjufall
sveitarfélaga að fullu.
Ríkisstjórn Íslands hefur bætt tekjufall fyr-
irtækja en vanrækt sveitarfélögin. Ef ekki
verður bætt hér úr, þá bitnar það verst
á þeim sem síst skyldi og leiðir til fækk-
unar starfa sem eykur á vandann. Hvort
tveggja, hækkun grunnbóta og stuðningur
við sveitarfélög, er vel til þess fallið að örva
heildareftirspurn í hagkerfinu.
Horfum fram
Við stöndum á þröskuldi nýrrar tækniald-
ar og vænta má mikilla breytinga á næstu
árum í atvinnuháttum um heim allan.
Loftslagsváin er kunnuglegt umfjöllun-
arefni og er tvímælalaust stærsta áskorun
sem mannkynið hefur staðið frammi fyr-
ir. Framtíð lífs á jörðinni veltur á því að
ríki heims taki höndum saman um rót-
tækar breytingar á framleiðslu og lifnað-
arháttum. Við Íslendingar erum rík þjóð
og búum yfir gnótt endurnýjanlegra auð-
linda. Við höfum því skyldum að gegna
við heimsbyggðina og komandi kynslóðir.
Hvar eru tækifærin?
Efnahagsáætlun Samfylkingar ber þess
merki að jafnaðarmenn eru sér meðvitað-
ir um þá þróun sem þarf að eiga sér stað
um land allt í nýsköpun, menningu, fjár-
festingum og framkvæmdum undir merkj-
um grænnar atvinnubyltingar. Þar er m.a.
drepið á atriði sem snerta matvælaiðnað-
inn, þ.m.t. landbúnað, lífræna eldsneytis-
framleiðslu, orkuskipti til sjós og lands, líf-
tækni, garðyrkju og skógrækt og fjölmörg
fleiri atriði.
Ábyrga leiðin er ódýrari
Þegar allt er tekið saman er ábyrga leiðin
ódýrari en leið ríkisstjórnarinnar. Ástæð-
an er sú að í fjárlögum og fjármálaáætl-
un stjórnarinnar birtist engin áætlun um
hvernig koma megi hagvexti aftur í gang,
draga úr atvinnuleysi og slá á þá miklu
óvissu sem nú heldur aftur af fyrirtækjum
og fjárfestingum.
Vinna og velferð eru meginstef í öllum
þeim efnahagsaðgerðum sem Samfylk-
ingin boðar. Þær eiga það sameiginlegt
að fjölga störfum, halda uppi heildareftir-
spurn og verja þau okkar sem lenda verst
í efnahagserfiðleikum vegna veirunnar.
Leið jafnaðarmanna er ábyrga leiðin út
úr atvinnukreppunni.
Nánar má lesa um um efnahagsáætl-
un Samfylkingarinnar í bæklingnum:
Ábyrga leiðin – úr atvinnukreppu til
grænnar framtíðar https://issuu.com/
samfylking/docs/abyrga_lei_in
Guðjón S. Brjánsson
Höf. er þingmaður Samfylkingarinnar
í NV kjördæmi.
Meira en minna –
ábyrga leiðin
Braggamál í Borgarbyggð
Undirbúningur fyrir Útvarp Akraness
í fullum gangi
Sent út fyrstu helgi aðventu að venju
Eins og lóan að vori og réttir að
hausti boða útsendingar Útvarps
Akraness komu aðventunnar í huga
margra Skagamanna og marka upp-
haf jólaundirbúningsins. Þessa dag-
ana er undirbúningur fyrir útvarps-
útsendingarnar í fullum gangi, en
sent verður út fyrstu helgina í að-
ventu eins og öll undanfarin ár.
„Allt frá árinu 1988 hefur Sund-
félag Akraness staðið fyrir útvarps-
dagskrá fyrstu helgina í aðventu
undir nafninu Útvarp Akraness.
Engin undantekning er á slíku í ár
en útvarpað verður dagana 27. til
29. nóvember,“ segir í tilkynningu
frá undirbúningsnefndinni. Að
venju verður boðið upp á fjölbreytta
dagskrá og ef einhverjir vilja koma
að þáttagerð eða leggja til efni þá
mega þeir sömu hafa samband við
Sundfélag Akraness á netfanginu
sundfelagakraness@gmail.com.
„Á þeim árum sem Útvarp Akra-
ness hefur verið starfrækt hefur
fjöldi Akurnesinga og gesta komið
við sögu, ýmist sem þáttagerðarfólk
eða viðmælendur. Enginn vafi er á
því að stór hluti af því efni sem flutt
hefur verið í útvarpinu er merki-
leg heimild um bæjarlífið á Akra-
nesi auk þess sem þar er að finna
margs konar skemmtilegan sögu-
legan fróðleik, sem mikilvægt er að
varðveita,“ segir í tilkynningu frá
sundfélaginu.
kgk
Hlédís Sveinsdóttir mælir af munni
fram í Útvarpi Akraness í fyrra.
Ljósm. úr safni/ kgk.