Skessuhorn - 11.11.2020, Qupperneq 13

MIÐVIKUDAGUR 11. NóVeMBeR 2020 13
Lögreglan á Vesturlandi birt-
ir reglulega á Facebook síðu sinni
nýjustu tölur yfir stöðu mála varð-
andi Covid-19 í umdæmi henn-
ar. Þar eru birtar tölur um fjölda
þeirra sem eru í sóttkví annars veg-
ar og einangrun hins vegar og hver
fjöldinn er skipt upp í heilsugæslu-
umdæmi. Tölurnar eru fengnar úr
opinberum smitrakningargrunni
frá heilsugæslustöðvum.
Fólki hefur til þessa verið frjálst
að gera athugasemdir við upplýs-
ingarnar og mest hefur borið á at-
hugasemdum þar sem kveðjum og
þakklæti til lögreglunnar er kom-
ið á framfæri. eitthvað hefur þó
borið á óviðeigandi athugasemd-
um þar sem jafnvel eru settar fram
persónugreinanlegar upplýsing-
ar um einstaklinga. Lögreglan vill
koma því á framfæri að slíkt getur
varðað við lög um persónuvernd og
því haft alvarlegar afleiðingar í för
með sér fyrir þá sem setja slíkt fram
á opinberri síðu eins og Facebook
síða lögreglunnar er.
Að sögn lögreglunnar er nú svo
komið að lögreglan hefur ákveðið
að loka fyrir athugasemdir til þess
að koma í veg fyrir að slíkar upp-
lýsingar séu birtar á þessum vett-
vangi.
frg
Bæjarstjórn Snæfellsbæjar hefur
samþykkt lýsingu vegna fyrirhug-
aðrar breytingar á aðalskipulagi er
snertir jörðina Gíslabæ á Helln-
um. Gíslabær var nýverið seld-
ur og er skráður eigandi nú sam-
kvæmt Fasteignaskrá ríkisins S356
ehf. til heimilis að Suðurlands-
braut 4 í Reykjavík. Hyggjast nýir
eigendur fá aðalskipulagi breytt
og auka byggingarmagn á svæðinu
sem nemur átta sumarhúsum ofan
vegar. Fiskhúsi á sjávarbakkanum
neðan vegar verði breytt í gisti-
hús en til þess þarf að breyta notk-
un skv. skipulagi. Í lýsingu á vænt-
anlegri skipulagsbreytingu er því
lögð til sú breyting að í Gíslabæ
verði landnotkun á svæði ofan veg-
ar breytt þannig að þar verði versl-
un og þjónusta og svæði fyrir íbúð-
arbyggð minnkað. Í gildandi aðal-
skipulagi er verslun og þjónusta
eingöngu neðan vegar. Landnotk-
un á lóð Melabúðar 1 verði breytt
úr frístundabyggð í íbúðarbyggð,
en sú lóð er neðan vegar.
Mánudaginn 2. nóvember fór
fram kynningarfundur með hagaði-
lum málsins á netinu. Þar voru til
umræðu fyrirhugaðar breytingar á
umræddu aðalskipulagi, farið yfir
aðdraganda málsins, skipulagslög,
fyrirhugaðar breytingar aðalskipu-
lags og spurningum svarað. 41 tók
þátt í fundinum. Samkvæmt lögum
skal lýsing ásamt matslýsingu vera
gerð vegna fyrirhugðarar vinnu
áður en ráðist verður í gerð nýs
aðalskipulags eða breytingar gerðar
á gildandi aðalskipulagi. Tilgangur
með lýsingu er einmitt sá að gefa
hagsmunaaðilum kost á að geta
sem fyrst komið með athugasemdir
við gerð aðalskipulags. Nú hafa því
hagsmunaaðilar á Hellnum fengið
tækifæri til að koma spurningum
á framfæri og fengið svör við þeim
samkvæmt fundargerð frá 2. nó-
vember síðastliðnum.
Lýsir andstöðu
við hugmyndirnar
ólína Gunnlaugsdóttir á Ökrum á
Hellnum kveðst andsnúin fyrirhug-
uðum breytingum og vekur máls á
mótmælum sínum undir yfirskrift-
inni „Verjum Hellna“ á Facebook.
„Mig langar til að vekja athygli ykk-
ar á hugsanlegri breytingu á aðal-
skipulagi á Hellnum í þeim tilgangi
að reisa megi hótel frammi á sjávar-
brún við friðlýsta strönd og byggja
átta ferðaþjónustuhús í landi Gísla-
bæjar. Við sem búum á Hellnum,
eða eigum þar annarra hagsmuna
að gæta, erum afar ósátt við þess-
ar hugmyndir og ferlið allt,“ skrifar
ólína. Nefnir hún nokkur rök máli
sínum til stuðnings. „Svæðið sem
um ræðir verður 3,5 ha um miðbik
Hellna þar sem áður var gert ráð
fyrir íbúðarbyggð og einni þjón-
ustulóð við sjóinn fyrir veitinga-
rekstur en verður ætlað fyrir stór-
fellda ferðaþjónustu. Ásýnd og yf-
irbragð Hellna mun breytast veru-
lega því gert er ráð fyrir hóteli þar
sem nú er gamalt fiskhús neðan
vegar og allt að átta ferðaþjónustu-
húsum (40 fm) ofan vegar ásamt
bílastæðum.“ Þá segir ólína að því
sé haldið fram sem forsendum fyrir
þörf á þessari uppbyggingu að það
vanti gistiþjónustu á svæðinu. „Það
er rangt eins og fólk veit hér í sveit.
Því er haldið fram að uppbyggingin
skapi störf og auki íbúafjölda en
slíkt er hæpið miðað við hugmynd-
ina. Allnokkur ferðaþjónusta er nú
þegar á Hellnum og í allri sveitinni
fjöldi hótela og annarrar gistingar
sem nú berst í bökkum vegna Co-
vid, þegar á að leyfa enn einn rekst-
urinn í beinni samkeppni við ann-
að hér. Um 100 manns standa að
íbúa- og sumarhúsabyggð á Helln-
um og við teljum að þarna sé verið
að ganga á náttúru og byggð sem
nú er í ágætri sátt við umhverfið,
kyrrð og ró staðarins verði ógnað
með auknum fjölda ferðamanna og
hann missi aðdráttarafl sem dvalar-
staður.“
Frestur til að skila inn skrifle-
gum athugasemdum vegna skipu-
lagslýsingarinnar er til og með 15.
nóvember nk.
mm
Guðrún Sigurjónsdóttir kúabóndi
á Glitstöðum í Norðurárdal sendi
2. nóvember síðastliðinn erindi til
Kristjáns Þórs Júlíussonar land-
búnaðarráðherra. Þar varpar hún
fram fyrirspurnum í nokkrum lið-
um um þá stöðu sem upp er kom-
in með viðskipti með greiðslumark
mjólkur. Guðrún er afar ósátt við að
búið sé að festa verð fyrir greiðslu-
mark í þreföldu afurðastöðvaverði
mjólkur, þ.e. 294 krónum á lítr-
ann, næstu þrjú árin. Bendir hún á
ýmis rök í þá veru að of hátt verð
fyrir greiðslumark geri rekstur búa
óhagkvæman og stuðli ekki að hag-
ræðingu. Fjallað var síðast um mál-
ið í Skessuhorni 28. október síðast-
liðinn.
Guðrún bendir í bréfi sínu til
ráðherra á að þessi ákvörðun hans
sé þvert á það sem haldið hafi verið
fram að fulltrúar bænda í Landssam-
bandi kúabænda og Bændasamtök-
um Íslands hafi barist fyrir. Höfðu
þeir lagt til að greiðslumarksverð
yrði ekki sett hærra en tvöfalt það
sem afurðastöðvar greiða fyrir
mjólkina. „Nú liggur fyrir í svari
LK og BÍ að þetta var gert til að
varna því að verð á greiðslumarkaði
yrði gefið frjálst og að það hafi ver-
ið vilji ríkisins að svo væri. Með því
gengur ríkið þvert á vilja bænda og
samþykktir aðalfundar Landssam-
bands kúabænda 2019 en þar var
samþykkt að hámarksverð yrði tvö-
falt afurðastöðvaverð. Verslun með
greiðslumark á háu verði stuðl-
ar ekki að hagkvæmum rekstri og
stórskaðar samkeppnishæfni grein-
arinnar, t.a.m. við þann innflutning
sem þegar er farinn að hafa áhrif á
sölu okkar mjólkurafurða,“ bendir
Guðrún á.
Að því sögðu spyr Guðrún lands-
búnaðarráðherra hvort það sé
vilji hans að verð á greiðslumarki
mjólkur sé frjálst? Í öðru lagi hvaða
hag ríkið hafi af því að fara gegn
vilja bænda og verðleggja greiðslu-
mark langt umfram það sem eðli-
legt er að greinin standi undir mið-
að við það samkeppnisumhverfi
sem hún er í? Þá spyr hún hver
rök ráðherrans séu fyrir því að hafa
verðið svo miklum mun hærra en
bændur hafa lagt til og bendir á að
hátt verð skerði samkeppnishæfni
greinarinnar. Í fjórða lagi spyr hún
hvaða hagsmuni ráðherrann sé að
verja og hver stefna hans varðandi
verð á greiðslumarki sé, hvar hún
hafi komið fram, hvort gerð hafi
verið einhver greining á áhrifum
greiðslumarksverðs á samkeppnis-
hæfni greinarinnar og hversu háu
verði á greiðslumarki ráðherrann
telji að greinin rísi undir?
mm
Gamla höfnin á Hellnum en upp til hægri á bakkanum er jörðin Gíslabær.
Ljósm. Snæfellsbær.
Lögð til breyting á aðalskipulag Hellna
Óskar að landbúnaðarráð-
herra svari spurningum
um verð á greiðslumarki
Löngum hefur verið svo að grasið sé jafnan grænna hinum megin við lækinn. Hér
eru mjólkurkýrnar á Glitstöðum að vaða Norðurána til að komast í beitina.
Ljósm. gs.
Lögreglan lokar fyrir at-
hugasemdir á Facebook