Bæjarins besta - 27.02.1991, Blaðsíða 4

4
BÆJARINSBESIA
BÆIARINSBESIA
Óháö vikublað
á Vestfjörðum
Útgefandi:
H-prent hf.
Sólgata 9, ísafjörður
S 4560
Ritstjóri:
Sigurjón J. Sigurðsson
S94-4277 & 985-25362
Ábyr gðarmenn:
Sigurjón J. Sigurðsson og
Halldór Sveinbjörnsson
S94-4101 & 985-25362
Útgáfudagur:
Miðvikudagur
Upplag:
3800 eintök
Ritstjórnarskrifstofa
og auglýsingamóttaka:
Að Sólgötu 9 S 94 -4 570
Fax ® 4564
Setning, umbrot
og prentun:
H-prent hf.
BÆJARINSBESTA er aðili að
samtökum bæjar- og
héraðsfréttablaða og
upplagseftirliti
Verslunarráðs.
Eftirprentun, hljóðritun,
notkun ljósmynda og
annars efnis er óheimii
nema heimilda sé getið.
Vestfirðir:
Styrktaraðilum fegurðar-
samkeppninnar fjölgar
MEÐ DEGI hverjum
fjölgar þeim aðilum og
fyrirtækjum sem vilja leggja
fegurðarsamkeppninni um
titilinn „Ungfrú Vestfirðir
1991“ lið. Frá því að blaðið
kynnti keppendur fyrir
tveimur vikum hafa eftirtald-
ir styrktaraðilar bæst í hóp-
inn:
Einar Guðfinnsson hf.,
Jón Fr. Einarsson, Hrað-
frystihúsið hf. í Hnífsdal og
Netagerð Vestfjarða verða
styrktaraðilar við kjólakaup
stúlknanna, Hamraborg hf.
gefur konfekt á keppnis-
kvöldið, Flugleiðir hf. á ísa-
firði gefa Ungfrú Vestfirðir
flugfarseðil ísafjörður-
Reykjavík-Isafjörður og
Stúdíó Dan gefur Ungfrú
Vestfirðir 6 mánaða kort í
stúdíóið, ljósmyndafyrirsæt-
unni 3ja mánaða kort og vin-
sælustu stúlkunni eins mán-
aðar kort. Auk þess hefur
Stúdíó Dan gefið öllum
stúlkunum sem taka þátt í
keppninni fríar æfingar fyrir
keppnina.
-s.
Isafjörður:
Leið-
rétting
YIÐ SÖGÐUM frá því í
síðustu viku að keypt-
ur hefði verið nýr snjótroð-
ari til bæjarins sem koma
myndi að góðum notum á
Seljalandsdal. Það mun allt
vera rétt en hins vegar er
það ekki rétt sem stóð í
fréttinni að bæjarsjóður
ísafjarðar hefði fest kaup á
troðaranum.
Hið rétta er að „Vinnu-
hópur um áframhaldandi
uppbyggingu á Seljalands-
dal“ sem í eiga sæti þeir Óli
M. Lúðvíksson, Hafsteinn
Ingólfsson, Björn Helga-
son, Gylfi Guðmundsson
og Jóhann Torfason hefur
staðið fyrir kaupunum og
er þessa dagana að vinna
að fjármögnun á honum.
Hafa þeir m.a. leitað fjár-
stuðnings hjá nokkrum fyr-
irtækjum og fengið góðar
undirtektir þó enn vanti
mikið á að endar nái sam-
an. Vinnuhópurinn hefur
óskað eftir því að bæjar-
sjóður gangi til samstarfs
við hópinn um kaup á troð-
aranum og að bæjarsjóður
reki tækið.
Þessa dagana er unnið að
smávægilegum lagfæring-
um á troðaranum og er
vonast til að hann komist í
gagnið um næstu helgi.
-s.
SMÁ
AUGLÝSINGAR
Aðalfundur
Aðalfundur Hestamanna-
félagsins Hendingar verður
haldinn í Félagsheimilinu í
Hnífsdal (uppi) lau. 2. mars
kl. 14, venjuleg aðalfundar-
störf og önnur mál. Stjórnin.
Aðalfundur
Kvenfélagið Hvöt heldur
aðalfund þriðjudaginn 5.
mars kl. 20.30 í Hús-
mæðraskólanum.
I.O.O.F. 6
= 1723481/2 =
Vestfirðir:
Jón Sigurðsson 1811 -1991
UGGLAUST mun sú þjóð vart finnast í víðri veröld,
sem ekki hefur af þeim persónum að státa t sögu sinni,
er síðari kynslóðir hafa gefið þjóðhetjunafn og dáð um aðra
menn fram. Við íslendingar eigum einn slíkan mann, sem
óumdeilanlega verðskuldar þetta heiti: Jón forseta Sigurðs-
son.
Hann gerist fyrirliði fslendinga um leið og sjálfstæðisbar-
áttan hefst að marki, og spor hans á þjóðmálabrautinni
voru ekki orðin ýkja mörg, þegar alþýðu manna var ljóst,
að þar hafði einmitt sá lyft merkinu, sem hæfastur var allra
til að móta stefnuna í frelsisbaráttunni sakir mannkosta
sinna, yfirburða þekkingar og einstæðra hæfileika til að
fara fyrir mönnum.
Afleiðing þess varð sú, að þorri íslensku þjóðarinnar
setti traust sitt á Jón Sigurðsson, kaus að fylgja honum fast
eftir í blíðu og stríðu.
RITSTJÓRN
Taugatitringur í pólitíkinni var ær-
inn fyrir. Þessa dagana er hann þó af
þeirri stærðargráðu að hann hlýtur að
gera vart við sig á skjálftamælum.
Skjálftaupptökin liggja víða.
Álmálið er við bræðslumark. í því
þjóðhagslega mikilvæga máli þenur
nú hver smáfuglinn á fætur öðrum
brjóst og sperrir stél. Stuttu fyrir
kosningar verður almenningur að fá
að heyra hvað Landsvirkjunarkórinn
söng listavel þegar fjórtán milljarða
fjárfesting í Blönduvirkjun - þar með
taldir hundakofar á íbúðaverði upp
um fjöll og fyrnindi - var ákveðin án
þess að keupendur að orkunni væru
til staðar. Leiði smáfuglatístið til úr-
bræðslu í álmálinu mun almenningur
fyrr en síðar þurfa að axla hækkað
orkuverð í tugum prósenta talið,
finnist ekki annar sambærilegur
kaupandi.
Menn hentu gaman að ástardúett-
inum á flokksþingi kratanna, sællrar
minningar. Formaður og varafor-
maður í hár saman. Málefnalegur
ágreiningur, átök í húsnæðismálum.
Uppákoman var óvænt eins og uppá-
komur eiga að vera. Fjölmiðlar
komust í feitt og nærmyndir sjón-
varpsstöðvanna fóru ekki fram hjá
neinum. Pólitískir utangarðsmenn
höfðu af hina bestu skemmtan og
krókódílatárin streymdu.
Tíminn líður og með hverri vikunni
styttist í kosningar. Smátt og smátt
birtast framboðslistarnir, ýmist full-
skapaðir eða í smáskömmtum. Upp-
gjafapólitíkusar, sem ýmist voru
orðnir leiðir á flokknum eða flokkur-
inn á þeim, verða á ný eftirsóttir til
innpökkunar í nýjar umbúðir. Nýr
stimpill. Syndir fyrirgefnar líkt og í
skriftastól.
Og þegar menn héldu að allt gam-
anið væri búið, að undanskildum
hinum uppbyggilegu framboðsfund-
um, verður lýðnum ljóst, að það eru
fleiri en kratarnir sem eiga formann
og varaformann. Allt þar til klukkan
korter yfir fjögur á mánudaginn var
stóð landinn svo á öndinni að lá við
að Persaflóinn gleymdist og síðan
mátti hinn sami almúgi halda niðri í
sér andanum til klukkan hálf sex. Þá
kom það! Brúðuheimilin voru fleiri
en menn héldu. Ástardúettinn endur-
tekinn í breyttri útgáfu. Nýir leikend-
ur og sviðið ögn stærra. En skyldi nú
marbendill ekki hlæja?
Já, hún lætur ekki að sér hæða póli-
tíkin. En við eigum nú líka eftir að fá
0,3% hagvaxtarbata í launaumslögin.
s.h.