Morgunblaðið - 01.12.2020, Síða 2

2 FRÉTTIRInnlent
MORGUNBLAÐIÐ ÞRIÐJUDAGUR 1. DESEMBER 2020
Fást í verslunum okkar
á Selfossi og í Ármúla 42
MÓTORHAUSA
sögur
Örugg og traust þjónusta í fasteignaviðskiptum í áratugi
ÁRSALIR
FASTEIGNAMIÐLUN
533 4200
Ársalir ehf fasteignamiðlun, 533 4200
og 892 0667 Engjateigi 5, 105 Rvk
Til sölu gott verslunarpláss við Ármúla 5. Alls 475 m². Hentar vel fyrir verslun,
veitingastað eða skrifstofur. Laust til afhendingar við kaupsamning.
Áhugasamir sem vilja bóka skoðun hafið samband
við Björgvin, 892 0667 eða sendið línu
á arsalir@arsalir.is
Ármúli 5, 108 Reykjavík
474,5 m2 atvinnuhúsnæði - Verð kr. 152.000.000
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Helgi Bjarnason
helgi@mbl.is
Sveitarfélög og samtök sveitarfélaga
sem sent hafa umsagnir um þings-
ályktunartillögu um að efnt skuli til
þjóðaratkvæðagreiðslu um Reykja-
víkurflugvöll leggja flest áherslu á
að flugvöllurinn fái að starfa óáreitt-
ur þar til annar jafngóður eða betri
verði tilbúinn. Sum sveitarfélögin
styðja að efnt verði til þjóðar-
atkvæðagreiðslu.
Bæjarráð Akureyrarbæjar leggur
þunga áherslu á mikilvægi þess að
miðstöð innanlandsflugs verði áfram
óskert í Vatnsmýrinni þar til annar
jafngóður eða betri kostur verður
tekinn í notkun, segir í umsögn
Akureyrarbæjar.
Tillagan um flugvöllinn er flutt af
Njáli Trausta Friðbertssyni og 24
öðrum þingmönnum úr alls fimm
þingflokkum. Hún gengur út á það
að efnt skuli til þjóðaratkvæða-
greiðslu um hvort flugvöllur og mið-
stöð innanlands- og sjúkraflugs skuli
vera áfram í Vatnsmýrinni í Reykja-
vík. Tillagan hefur verið flutt nokkr-
um sinnum áður og umsagnirnar
nítján sem nú hafa borist eru líkar
fyrri umferðum. Sveitarfélög og
samtök sveitarfélaga, utan Reykja-
víkurborgar, styðja þjóðar-
atkvæðagreiðslu eða krefjast þess að
flugvöllurinn verði áfram.
Flutningstími lengist ekki
Sama gildir um samtök flug-
manna. Þannig styður öryggisnefnd
Félags íslenskra atvinnuflugmanna
þingsályktunartillöguna og telur
raunar afar mikilvægt að hún fari
fram. Að mati nefndarinnar er ljóst
að annars muni borgarstjórn
Reykjavíkur loka flugvellinum flug-
braut fyrir flugbraut. Sú vegferð sé
hafin eins og sjáist af lokun brautar
06/24 og gildandi aðalskipulag sýni
framhaldið.
Í umsögn Sjúkrahússins á Akur-
eyri kemur fram að undanfarin ár
hafi verið farnar um 800 sjúkraflugs-
ferðir á hverju ári með misveika
sjúklinga en í 45-50% tilfella sé
læknir með í för sem þýði að bráð-
leikinn sé með þeim hætti að hætta
sé á að eitthvað geti komið upp í
sjúkrafluginu sem þarfnist læknis-
fræðilegra inngripa. Í sumum tilfell-
um er um mjög alvarlega veikt fólk
að ræða og einnig er verið að flytja
fólk eftir alvarleg slys.
Þetta þýðir, að mati Sjúkrahúss-
ins, að mikilvægt sé að ekki bætist
langur flutningstími frá flugvelli í
Reykjavík á sjúkrahús við þann tíma
sem tekur fólk í dreifðari byggðum
að komast á flugvöll.
Styðja kosningu um flugvöll
 Sveitarfélög
vilja flugvöll áfram
í Vatnsmýrinni
Morgunblaðið/Árni Sæberg
Aðflug Aðalskipulag Reykjavíkur gerir ráð fyrir lokun fleiri flugbrauta
Reykjavíkurflugvallar á næstu árum. Þingmenn vilja grípa í taumana.
Andrés Magnússon
andres@mbl.is
Þingflokkur sjálfstæðismanna af-
greiddi í gær nýjustu útgáfu fjöl-
miðlafrumvarps Lilju Alfreðsdóttur
menningarmálaráðherra, en þing-
flokkar framsóknarmanna og
vinstrigrænna afgreiddu það degin-
um áður.
„Ég er mjög ánægð með þessa
þróun,“ segir Lilja Alfreðsdóttir í
samtali við Morgunblaðið. „Þetta er
skref í rétta átt en nú leggjum við
áherslu á að klára það í þinginu. Það
er ekki búið fyrr en það er búið.“
Frumvarpið er mjög áþekkt því
styrkjakerfi, sem beitt var vegna
áhrifa kórónuveirufaraldursins á
rekstrarstöðu fjölmiðla í sumar,
nema hvað skilyrði til styrkveitinga
hafa verið rýmkuð. Þannig nefna
menn að skv. frumvarpinu verði sér-
hæfður miðill líkt og fótbolti.net
styrkhæfur. Þannig er ekki litið til
hins sérstaka, lýðræðislega hlut-
verks fjölmiðla eða fjölbreytni í efn-
istökum þeirra, heldur aðeins
rekstrarsjónarmiða.
Undirtektir sjálfstæðismanna
voru þó frekar dræmar, en nokkrir
þingmenn Sjálfstæðisflokksins sam-
þykktu það fyrir sitt leyti aðeins með
fyrirvörum, svo fram kunna að koma
breytingartillögur við frumvarpið í
meðförum þingsins. Þá mun hafa
fram komið að ekki geti allir þing-
menn flokksins stutt frumvarpið.
Samkvæmt heimildum Morgun-
blaðsins ber þar einkum á óánægju
með að verið sé að búa til styrkja-
kerfi með gamla laginu undir úthlut-
unarnefnd og
með tilsjón fjöl-
miðlanefndar, en
einnig þykir þeim
sumum súrt í
brotið að ekkert
skuli hafa verið
hróflað við yfir-
burðastöðu Ríkis-
útvarpsins og
þvert á móti lík-
legt að það fái
frekari fjárveitingar, sem skekki
samkeppnisstöðuna enn frekar.
Frumvarp til þess að styrkja
rekstrarforsendur einkarekinna
miðla hefur verið lengi í pípunum.
Fyrra frumvarp Lilju náði ekki af-
greiðslu í þinginu vegna mikillar
andstöðu í þingflokki sjálfstæðis-
manna.
Undanfarnar vikur hefur verið
unnið að því að smíða nýtt frumvarp,
sem sjálfstæðismenn gætu fellt sig
við, og var meðal annars í bígerð að
beita skattkerfinu til þess frekar en
að koma á nýju, flóknu og mats-
kenndu styrkjakerfi hins opinbera.
Sú leið reyndist hins vegar fleiri
þyrnum stráð en ætlað var og segja
þingmenn, sem blaðið ræddi við,
frumvarpið sem nú er fram komið
einu færu leiðina sem allir stjórnar-
flokkarnir þrír gátu fellt sig við, en
fulltrúar þeirra allra komu að samn-
ingu þess.
Morgunblaðið hefur heimildir fyr-
ir að það þyki þó ekki öllum duga til
og munu samhliða þessu vera til at-
hugunar í ráðuneytinu sérstakar
ráðstafanir til styrktar smáum og
staðbundnum miðlum.
Féllust á fjölmiðlastyrkjakerfi
 Sjálfstæðismenn afgreiddu frumvarp um styrki til einkarekinna fjölmiðla með semingi og fyrirvörum
 Áþekkt fyrra frumvarpi en með rýmkuðum skilyrðum  25% þak á rekstrarstyrkjum
Lilja
Alfreðsdóttir
» Tímabundinn styrkur vegna
rekstrarkostnaðar
» Aðeins veittur vegna kostn-
aðar við ritstjórn fjölmiðla
» Aldrei hærri en 25% rekstr-
arkostnaðar fjölmiðilsins
» Enginn einn fái meira en 25%
styrkfjárins hverju sinni
» 400 milljónir kr. í pottinum
Fjölmiðla-
frumvarp
Í HNOTSKURN
Í bígerð er að allt að fjögur veiði-
skip haldi til loðnuleitar á næst-
unni. Útgerðir uppsjávarskipa
standa að undirbúningi verkefn-
isins í samvinnu við Hafrannsókna-
stofnun og yrðu sérfræðingar frá
stofnuninni um borð, að sögn Birkis
Bárðarsonar fiskifræðings.
Hann segir að samkvæmt gögn-
um úr loðnuleit Polar Amaroq fyrir
Norðurlandi í síðustu viku sé eitt-
hvað af kynþroska loðnu á ferðinni.
Hún sé komin austar en sést hafi á
þessum árstíma undanfarin ár, en
upplýsingar um magn ættu að
liggja fyrir um miðja vikuna.
Með loðnuleit fjögurra skipa
næðist væntanlega mæling á magni
þeirrar loðnu sem er á ferðinni við
landgrunnskantinn fyrir norðan
land. Hvaða skip fara og hvenær, ef
af leiðangrinum verður, ræðst m.a.
af veðurútliti og hvernig stendur á
hjá skipunum, sem mörg hver hafa
verið á kolmunna við Færeyjar
undanfarið. aij@mbl.is
Fjögur skip til
leitar að loðnunni
„Frumvarp um
Miðhálendis-
þjóðgarð verður
flókið í af-
greiðlsu,“ segir
Líneik Anna
Sævarsdóttir,
þingmaður
Framsóknar.
Frumvarpið var
afgreitt af þing-
flokkum í stjórn-
armeirihluta í gær og útbýtt á Al-
þingi. Málið hefur verið umdeilt og
hafa bændur og sveitarstjórnarfólk
haft uppi háværa gagnrýni um
áformin. Líneik segir málið nokkuð
breytt frá því það var síðast lagt
fyrir þingflokka og í samráðsgátt.
Svæðisskipulag sé nú í höndum
sveitarstjórna og fyrirkomulag
ákvarðana um verndarflokka mis-
munandi svæða hafi breyst. Vil-
hjálmur Árnason, þingmaður Sjálf-
stæðisflokksins, gerir nokkra
fyrirvara við málið.
Miðhálendið flókið
úrlausnarefni
Líneik Anna
Sævarsdóttir
Margrét Þóra Þórsdóttir
Akureyri
„Við erum himinlifandi. Það er mjög
ánægjulegt að opnun Krónuversl-
unar á Akureyri sé loksins í sjónmáli
eftir langt ferli,“ segir Ásta Sigríður
Fjeldsted, framkvæmdastjóri Krón-
unnar. Bæjarstjórn Akureyrar hef-
ur samþykkt tillögu skipulagsráðs
um nýtt deiliskipulag á svonefndum
Hvannavallareit. Hann er á svæði
sem afmarkast af Glerárgötu,
Tryggvabraut og Hvannavöllum.
Krónan hefur átt lóðina um all-
nokkurt skeið, keypti hana á sínum
tíma til að reisa þar verslun í höfuð-
stað Norðurlands. Reiturinn hefur
verið til umfjöllunar hjá skipulags-
yfirvöldum undanfarin misseri og
með samþykkt bæjaryfirvalda nú
eru skipulagsmál í höfn og Krónunni
ekkert að vanbúnaði að hefjast
handa.
Framkvæmdir verða samhliða við
umferðarmannvirki í grenndinni en
til stendur að útbúa hringtorg á
gatnamótum Tryggvabrautar og
Hvannavalla. Verslunin verður þar
sem nú eru tveir gamlir braggar.
Ásta Sigríður segir að nú yfir hörð-
ustu vetrarmánuðina verði lokið við
hönnunarvinnu, jarðvegsvinna hefj-
ist í vor og byggingarframkvæmdir í
framhaldinu. Stefnt er að því að
ljúka framkvæmdum og opna nýja
verslun árið 2022.
Krónuverslun í stað bragga
 Akureyringar
fá Krónuverslun
eftir langt ferli
Morgunblaðið/Margrét Þóra
Tímamót Verslun Krónunnar verður á svonefndum Hvannavallareit.