Morgunblaðið - 28.12.2020, Page 12

12 FRÉTTIRViðskipti | Atvinnulíf
MORGUNBLAÐIÐ MÁNUDAGUR 28. DESEMBER 2020
Norðurá I
Norðurá II
Munaðarnes
Allar upplýsingar gefur
Einar í síma 893 9111
eða einar@nordura.is
Spennandi og góð laxveiði í stórkostlegu
umhverfi. Glæsilegt veiðihús og frábært
atlæti. Jafnvel skemmtilegra en bestu
utanlandsferðir.
Í Norðurá II bjóðum við upp á fallegt og gott
veiðisvæði og er veitt á 3 stangir sem við
seljum saman. Fullbúið veiðihús fylgir með
í kaupunum,með 6 uppábúnum rúmum.
Þrif innifalin. Gott verð.
Veitt á 3 stangir. Borgar 2 stangir en veiðir
á 3 stangir. Selt saman. Frábært verð.
Veitt frámorgni til kvöldsmeð hádegishléi
kl. 13:00 til kl 16:00. Góð laxavon og fjöldi
fallegra veiðistaða.
28. desember 2020
Gengi Kaup Sala Mið
Dollari 128.17
Sterlingspund 171.94
Kanadadalur 99.47
Dönsk króna 20.96
Norsk króna 14.667
Sænsk króna 15.406
Svissn. franki 143.87
Japanskt jen 1.2377
SDR 184.4
Evra 155.9
Meðalgengi/Viðskiptavog þröng 185.27
Hrávöruverð
Gull 1872.55 ($/únsa)
Ál 2022.0 ($/tonn) LME
Hráolía 51.11 ($/fatið) Brent
● Mælingar
Mastercard
benda til þess að
bandarískir neyt-
endur hafi varið
um 3% meira í
jólainnkaupin í ár
en í fyrra.
Eins og við var
að búast varð
mikil aukning í
netverslun á milli
ára eða um 49% á tímabilinu 11. októ-
ber til 24. desember enda reyndi al-
menningur að lágmarka búðarferðir
vegna kórónuveirufaraldursins. Fór um
19,7% af allri jólaverslun fram á netinu
þetta árið og sýnir greining Mastercard
jafnframt að kaupendur voru duglegir
að nota snertilausar greiðslulausnir og
nýta sér þann möguleika að sækja
pantanir sem gerðar voru á netinu.
Í ýmsum vöruflokkum á greina að
breyttir lifnaðarhættir hafa haft áhrif á
neyslumynstur fólks. Þannig hefur eft-
irspurn eftir húsgögnum og vörum til
að fegra heimilið aukist um 16,2% og
kann, að sögn Reuters, að skýrast af
því að fólk hefur þurft að verja meiri
tíma heimafyrir í faraldrinum. Þá jókst
sala á raftækjum fyrir heimilið um 6%
miðað við sama tímabil í fyrra. Sala á
fatnaði dróst saman um 15,7% og
skartgripasala um 44,6%. ai@mbl.is
Lítils háttar vöxtur í
jólaverslun vestanhafs
Pokar Jólainnkaupin
gerð í Manhattan.
STUTT
Fagréttindi ekki viðurkennd
Að sögn BBC er ekki að fullu ljóst
hvernig á að túlka ákvæði samnings-
ins um þjónustuviðskipti en það er
mat breskra stjórnvalda að sam-
komulagið við ESB tryggi að bresk
fyrirtæki geti áfram keypt og selt
þjónustu í nánast öllum geirum án
verulegra takmarkana. Aftur á móti
verða fagréttindi ekki lengur sjálf-
krafa jafngild í Bretlandi og ríkjum
ESB sem þýðir að t.d. læknar, verk-
fræðingar og arkitektar munu rek-
ast á hindranir hyggist þeir flytja sig
á milli atvinnusvæða.
Bretland fær að ráða yfir eigin
hafsvæði en mun leyfa skipum frá
ríkjum ESB að stunda veiðar í
breskri lögsögu í a.m.k. nokkur ár til
viðbótar. Mun 25% af þeim veiði-
heimildum sem ESB-ríkin gátu nýtt
á bresku miðunum færast yfir til
breskra útgerða en það verður þó
gert í smáskrefum yfir fimm og hálfs
árs aðlögunartímabil. Að því loknu
munu ESB og Bretland semja með
reglulegu millibili um aðgang út-
gerða að breskum og evrópskum
fiskimiðum.
Fái ekki of mikið frelsi
Athygli vekur að samningurinn
kveður á um að ESB getur skert að-
gang Bretlands að innri markaði
Evrópu ef breskum lögum er breytt
með þeim hætti að það þyki gefa
breskum fyrirtækjum of mikið sam-
keppnisforskot á evrópska keppi-
nauta þeirra. Bretum verður frjálst
að setja eigin reglur á sviðum er
varða t.d. umhverfisvernd og rétt-
indi launafólks en ESB mun geta
kvartað til sérstaks gerðardóms sem
getur lagt á tolla ef reglurnar þykja
veita ósanngjarnt forskot. Bretland
mun geta vísað ákvörðunum ESB til
gerðardómsins með sama hætti þó
ólíklegt verði að teljast að ráðamenn
í Brussel vilji draga úr afskiptum og
kvöðum í evrópsku atvinnulífi.
FT greinir frá að Bretum verður
frjálst að heimsækja Evrópu en þeir
munu þurfa áritun fyrir ferðalög
sem vara lengur en 90 daga. Þá
munu breskir ferðalangar áfram
geta nýtt sér heilbrigðisþjónustu í
Evrópu ef þeir þurfa á henni að
halda. Eins og við var að búast verð-
ur breskum flugfélögum ekki heimilt
að fljúga á milli áfangastaða í Evr-
ópu án viðkomu í Bretlandi en flug-
félögin hafa þegar brugðist við þessu
með því að stofna evrópsk dóttur-
félög sem leyfir þeim að athafna sig
óhindrað á Evrópumarkaði.
Eftir er að semja um nokkur at-
riði. Þannig hefur ekki verið gengið
endanlega frá því hvort að bresk
fjármálafyrirtæki fái óheftan aðgang
að markaði ESB eða þurfi að sækja
um starfsleyfi í hverju Evrópusam-
bandsríki fyrir sig. Eins á að semja
um það snemma á næsta ári hvaða
reglur gilda um meðferð persónu-
upplýsinga sem flæða í miklu magni
á milli Bretlands og ESB.
Bretar fá að hafa
annan fótinn í Evrópu
AFP
Flöskuháls Flutningabílar bíða í röð í Dover. Nýja samkomulagið þrengir
m.a. að breskum vöruflutningabílstjórum og gæti gert flutninga dýrari.
 Samningur Bretlands og ESB trygg-
ir að mestu aðgang að innri markaði
Evrópu en þó með vissum skilyrðum
FRÉTTASKÝRING
Ásgeir Ingvarsson
ai@mbl.is
Bresk stjórnvöld og fulltrúar ESB
náðu samkomulagi á aðfangadag um
hvernig viðskiptum Bretlands og
Evrópusambandsins verður háttað
að loknu Brexit-ferlinu. Viðræðurn-
ar tóku níu mánuði og vantaði aðeins
viku upp á að Bretland gengi úr ESB
án samnings. Að sögn BBC er sam-
komulagið ekkert smáræði: meira en
1.200 blaðsíður að lengd og þar af
800 síður af viðaukum og neðanmáls-
greinum.
Meðal þeirra atriða sem tókst að
semja um er að engir viðbótartollar
eða innflutningskvótar verða lagðir á
vöruviðskipti á milli Bretlands og
ESB-ríkjanna en engu að síður
verða innfluttar vörur toll- og örygg-
isskoðaðar sem gæti torveldað vöru-
flutninga lítils háttar. Þá mun það
flækja flutninga á vörum að þó svo
breskum vörubílstjórum verði áfram
heimilt að aka flutningabílum sínum
í gegnum fjölda ríkja til að koma
sendingum á áfangstað þá verður
þeim aðeins leyft að afhenda vörur
einu sinni og sækja vörur einu sinni í
hverri ferð. Áður gátu þeir sótt
vörur í þrígang innan ESB á leið
sinni heim til Bretlands. Má reikna
með að þetta verði breskum vöru-
flutningafyrirtækjum þungt högg og
geti leitt til hækkaðs flutningskostn-
aðar.
Breska hugveitan Centre for
Economics and Business Research
(CEBR) áætlar nú að hagkerfi Kína
verði orðið stærra en hagkerfi
Bandaríkjanna árið 2028 eða fimm
árum fyrr en útreikningar höfðu
áður bent til. Eru það ekki síst
efnahagsleg áhrif kórónuveirufar-
aldursins sem valda því að Kína
virðist ætla að takast að komast
svona hratt fram úr Bandaríkjun-
um
Segir CEBR að með því að grípa
til mjög strangra smitvarnaaðgerða
í upphafi faraldursins hafi kínversk
stjórnvöld verið fljótari að ná tök-
um á vandanum en ríki á Vest-
urlöndum. Hefur hagkerfi Kína náð
sér hraðar á strik á meðan Banda-
ríkin og önnur vestræn lönd sjá
fram á að neikvæð efnahagsáhrif af
völdum faraldursins muni vara tölu-
vert lengur.
Breytingar í toppsætunum
Reiknar CEBR með að hagvxöt-
ur í Kína verði um 5,7% árlega frá
2021 til 2025 en lækki niður í 4,5%
á árunum 2026 til 2030. Hugveitan
á von á að Bandaríska hagkerfið nái
góðri viðspyrnu árið 2021 en að
hagvöxtur mælist 1,9% árin 2022 til
2024 og lækki niður í 1,6% eftir
það, að því er Reuters greinir frá.
Japan verður þriðja stærsta hag-
kerfið fram til 2030 þegar Indland
ryðst upp í þriðja sætið og færist
þá Þýskaland úr fjórða sæti niður í
það fimmta. Áætlar CEBR að
Breska hagkerfið, sem í dag er það
fjórða stærsta í heimi, færist niður í
sjötta sæti árið 2024. ai@mbl.is
AFP
Sókn Kínverskir nemendur föndra.
Áfram má vænta öflugs hagvaxtar í
Kína en hægari á Vesturlöndum.
Kína tekur fyrr
fram úr BNA
 Verða orðin að
stærsta hagkerfi
heims eftir átta ár