Morgunblaðið - 29.12.2020, Blaðsíða 10

10 FRÉTTIRInnlent
MORGUNBLAÐIÐ ÞRIÐJUDAGUR 29. DESEMBER 2020
Sími 557 8866 | pantanir@kjotsmidjan.is | Fossháls 27, 110 Reykjavík Opnunartími7.30-16.30
Full búð
af gæðakjöti
fyrir áramótin
Úrval af nautakjöti,
lambakjöti, svínakjöti
og villibráð
Opið til hádegis á gamlársdag
WWW.S IGN . I S
Fornubúðum 12 · Hafnar f i rð i · s ign@s ign . i s · S : 555 0800
G
U
LL
O
G
D
EM
A
N
TA
R
„Það eru auðvitað bara vonbrigði að
það skuli ekki vera stigið það skref að
reyna að tryggja að rekstur Ríkisút-
varpsins hafi ekki neikvæð áhrif á
rekstur sjálfstæðra fjölmiðla eins og
er staðan núna,“ segir Óli Björn
Kárason, þingmaður Sjálfstæðis-
flokksins, í samtali við Morgunblaðið.
Stefán Eiríksson útvarpsstjóri og
Lilja Alfreðsdóttir, mennta- og menn-
ingarmálaráðherra, hafa skrifað und-
ir nýjan þjónustusamning vegna fjöl-
miðlaþjónustu Ríkisútvarpsins ohf. í
almannaþágu fyrir árin 2020-2023.
Ekki er gert ráð fyrir breytingum á
viðveru RÚV á auglýsingamarkaði í
samningnum. Í tilkynningu frá
mennta- og menningarmálaráðuneyt-
inu segir að aukin áhersla á fræðslu-
hlutverk og rækt við íslenskt mál sé
lykiláhersluatriði í samningnum.
Sameiginleg yfirlýsing um
auglýsingar RÚV
Með samningnum sem lesa má að
heimasíðu Stjórnarráðsins fylgir
sameiginleg yfirlýsing ráðherra og
útvarpsstjóra vegna starfsemi RÚV
sölu, sem er dótturfélag RÚV, á aug-
lýsingamarkaði. Þar segir m.a. að í
lögum um starfsemi RÚV sé til-
greint að félagið skuli gæta hófsemi í
birtingu auglýsinga og ýmsar skorð-
ur settar á birtingu þeirra. Óli Björn
segir þær skorður ekki hafa komið í
veg fyrir að RÚV hafi dregið til sín
auglýsingamarkaðinn og klofið dag-
skrárliði til að koma auglýsingum
að.
Samningur vonbrigði
Morgunblaðið/Eggert
RÚV verður ekki tekið af auglýsingamarkaði í nýjum þjónustusamningi.
 Skrifað hefur verið undir nýjan þjónustusamning við RÚV
Guðni Einarsson
gudni@mbl.is
Umfang pakkasendinga hefur aukist
mikið hjá Póstinum og eins stærri
bréfa sem innihalda vörur. Undan-
farin ár hefur stöðugt dregið úr al-
mennum bréfasendingum, þar með
talið sendingum jólakorta.
Mjög miklar annir hafa verið hjá
Póstinum vegna pakkasendinga,
ekki síst í tengslum við aukna net-
verslun. Þeirrar aukningar gætti
mjög fyrir þessi jól. Þannig fjölgaði
innlendum pakkasendingum í nóv-
ember um 120% frá fyrra ári og
aukningin var um 100% í desember.
Aukningin í nóvember er m.a. rakin
til tilboðsdaga á borð við dag ein-
hleypra (Single’s Day) og svartan
föstudag (Black Friday).
Sífellt færri senda bréf
Jólakortum hefur fækkað í takt
við almenna fækkun bréfasendinga,
að sögn Brynjars Smára Rúnarsson-
ar, forstöðumanns þjónustu- og not-
endaupplifunar Póstsins. Hann segir
að um 20% samdráttur hafi orðið í
sendingum bréfa á þessu ári frá
árinu 2019. Bréfasendingum fækk-
aði um nálægt 16% á milli áranna
2018 og 2019.
„Gera má ráð fyrir sama sam-
drætti í sendingum jólakorta og al-
mennra bréfa en ekki er haldið sér-
staklega utan um fjölda jólakorta hjá
Póstinum. Það voru færri jólakort nú
en áður og ég held að ég hafi heyrt
fólk segja það sama um öll jól síðustu
árin,“ sagði Brynjar. Hann segir erf-
itt um vik að halda nákvæmlega utan
um fjölda jólakorta þar sem almenn
bréf séu í eðli sínu órekjanleg.
Fram kemur í ársskýrslu Íslands-
pósts 2019 að stöðugt hefur dregið
úr fjölda bréfa sem heyrðu undir
einkarétt Íslandspósts (0-50 g bréf)
frá árinu 2007. Það ár voru bréfin um
51 milljón talsins, þau voru um 39
milljónir árið 2010, um 30 milljónir
árið 2013 og um 20 milljónir árið
2018. Spá gerði ráð fyrir um 13 millj-
ónum bréfa á þessu ári.
Fleiri pakkar en
færri jólakort
 Breyttar póstsendingar landsmanna
Morgunblaðið/Árni Sæberg
Pósturinn Mikið pakkaflóð berst nú
en mun færri jólakort en áður.
Sýningin „Kolgrafarvík kemur í bæ-
inn“ var opnuð í gær í Pakkhúsinu,
Geirsgötu 11 við Reykjavíkurhöfn.
Að sýningunni standa Vinir Kolgraf-
arvíkur, félagsskapur sem Hrafn
Jökulsson hefur verið í forsvari fyr-
ir, og Veraldavinir sjálfboðaliða-
samtök.
Sýningin verður opin á milli 14 og
17 næstu daga.
Á sýningunni má finna muni sem
hreinsaðir hafa verið úr fjörum
Strandasýslu, rekavið sem þar var
að finna og ljósmyndir frá Árnes-
hreppi eftir Jóhönnu Engilsráð
Hrafnsdóttur, 11 ára. Í samtali við
mbl.is segir Hrafn Jökulsson sýn-
inguna vera eins konar ruslasögu
síðustu 50 ára.
„Þetta er afrakstur sex mánaða
hreinsunarstarfs sem ég, Verald-
arvinir og margir aðrir hafa staðið
fyrir í fjörum Árneshrepps og víðar
á Ströndum. [...] Við erum að sýna
allt ruslið, gersemar eins og fallega
steina og rekaviðinn og ljósmyndir
sem Jóhanna Engilráð tók í Árnes-
hreppi í sumar,“ segir Hrafn.
Morgunblaðið/Kristinn Magnússon
Sýning Hrafn Jökulsson sýndi gersemar Kolgrafarvíkur í Pakkhúsinu í gær.
Fjársjóðir Kolgrafar-
víkur sýndir í bænum