Lögmannablaðið - 2018, Blaðsíða 6

6 LÖGMANNABLAÐIÐ TBL 02/18
ÁSKORANIR
FRAMTÍÐAR
Það er áskorun og heiður að taka við stjórn Lögmanna-
félags Íslands og ég þakka félagsmönnum það traust sem
mér er sýnt. Ég mun leggja mig alla fram um að vinna í
þágu félagsins og félagsmanna allra og hlakka til að vinna
með því góða fólki sem valdist til stjórnar- og trúnaðarstarfa
í félaginu. Þá ber að þakka Reimari og fyrri stjórn fyrir
þeirra vinnu og framlag til félagsins.
Nú er millidómsstigið loks orðið að veruleika og það er vel
við hæfi að Landsréttur hafi tekið til starfa árið 2018, eða
á 100 ára afmæli fullveldisins. Stofnun Landsréttar felur í
sér mikla réttarbót en með honum er tryggð milliliðalaus
sönnunarfærsla á tveimur dómsstigum. Þrátt fyrir þann
styr sem hefur staðið um skipan dómara í réttinn þá er
ljóst að réttinn skipa afar hæft fólk sem hefur margþætta
og fjölbreytta reynslu að baki.
Með tilkomu hins nýja dómstigs er kjörið tækifæri til að
gera nauðsynlegar breytingar á verklagi dóm stólanna og
koma málsmeðferð fyrir dómstólum í aðeins nútímalegra
horf en verið hefur. Sú nýbreytni að númera allar
málsgreinar í dómum Landsréttar er til fyrirmyndar en
með þeim hætti verður mun einfaldara að vísa til þeirra
dóma í málflutningsskjölum eða munnlegum málflutningi
og vonandi taka önnur dómstig upp sama fyrirkomulag.
Það hefur hins vegar valdið vonbrigðum að réttarkerfið
var ekki tækni vætt meira í kjölfar þessarar breytingar og
teknar upp rafrænar lausnir í tengslum við fyrirtökur og
framlagningu málsgagna.
Í samfélaginu öllu eiga sér nú stað byltingakenndar
breytingar á sviði nýsköpunar og tækni með tilkomu
tækninýjunga á borð við gervigreind, háþróuð vélmenni,
dróna, skýjalausnir og sýndarveruleika. Öll þjónusta er
orðin meira og minna rafræn og rótgrónar stofnanir eins
og bankar og tryggingafélög eru að breytast í tæknifyrirtæki
með aukinni sjálfvirknivæðingu og róbótatækni. Þá er
fyrirsjáanlegt að kubbakeðjutækni (blockchain) verði
notuð í æ meira mæli í þjónustu og viðskiptum, en með
þeirri tækni er unnt að bjóða upp á rafræna og örugga
sönnun á færslum í rauntíma. Það er því nauðsynlegt fyrir
lögmenn og aðra þá sem starfa innan réttarkerfisins að
tileinka sér nýja þekkingu og skilning þannig að unnt sé
að nýta þau tækifæri og þá möguleika sem tæknin hefur
í för með sér. Það verklag sem hefur viðgengist innan
dómstólanna og í innbyrðis samskiptum lögmanna og
dómstóla bendir ekki til að fjórða iðnbyltingin hafi náð
inn í réttarkerfið. Það eru úrelt viðhorf að halda því fram
að málskjöl geti einvörðungu verið á pappír og það er
orðið verulega brýnt að rafvæða vinnslu dómsmála þannig
að unnt sé að senda málsgögn með rafrænum hætti og
lögmenn og dómarar geti unnið að þeim málum í gegnum
rafræna gátt. Slíkar lausnir hafa verið lengi til umræðu án
þess þó að komast til framkvæmda og svo virðist sem engra
breytinga sé að vænta í bráð.
Er framtíðarsýnin ef til vill sú að lögmenn sendi róbóta
lögmannsstofunnar á sjálfkeyrandi bíl niður í héraðsdóm
með frumrit kæru til að fá móttökustimpil á rauntíma eða
í Landsrétt eða Hæstarétt til að afhenda fjögur eða sjö
eintök málsgagna?
BERGLIND SVAVARSDÓTTIR LÖGMAÐUR
FORMAÐUR Records
Mála- og skjalakerfi
Heldur öuga málaskrá - gott yrlit.
Málaskrá, ‘Mín mál’ og tímamörk mála.
Mitt One: Síðustu skjöl sem ég hef lesið,
breytt eða skráð.
10 síðustu vistunarstaðir (mál) þar sem
ég hef vistað skjöl.
Öug leitarvél. - Leitar í innihaldi skjala,
og viðhengjum.
Vista Outlook tölvupósta inn á mál.
Öug samhæng við Microsoft Oce,
Word, Excel og Outlook.
Hægt að ytja inn mörg skjöl í einni
aðgerð inn á mál.
Hægt að ytja öll skjöl úr einni möppu
inn á mál með einni aðgerð.
Hægt að fá IPAD lesaðgang.
(spjaldtölvulesaðgangur að kernu)
OneHýsing: ISO vottað umhver.
Dagleg afritunartaka gagna. Vottað af KPMG.
ÖFLUGT
mála- og skjalaker
sem hentar vel fyrir
LÖGMANNSSTOFUR
Logos lögmenn, Lex lögmenn,
Draupnir lögmenn, Jónatansson
lögmenn, Patice lögmenn
Meðal
viðskiptamanna:
Drag’nDrop
Draga og sleppa
Draga tölvupóst yr í
málakerð á rétt mál með
einni aðgerð.
Draga skjöl á sameiginlega
drinu yr í málakerð
með einni aðgerð.
OneSystems - sími: 660 8551 | fax: 588 1057 | www.one.is | one@one.is
One býður hagkvæmar lausnir
með áherslu á rekjanleika, auðveldan aðgang og gagnsæi.