Lögmannablaðið - 2018, Blaðsíða 8

8 LÖGMANNABLAÐIÐ TBL 02/18
SJÁLFSTÆÐI
LÖGMANNA OG EFTIRLIT
MEÐ STÖRFUM ÞEIRRA
Aðalfundur LMFÍ var haldinn 25. maí síðastliðinn og var Berglind Svavarsdóttir
lögmaður kosin formaður. Nýir í stjórn eru lögmennirnir Hjördís E.
Harðardóttir og Stefán A. Svensson. Í tilefni aðalfundar var blásið til málþings
undir yfirskriftinni „Sjálfstæði lögmanna og eftirlit með störfum þeirra“.
Torben Jensen framkvæmdastjóri danska lögmannafélagsins hélt erindi
ásamt þeim Reimari Péturssyni lögmanni og fráfarandi formanni, Valborgu Þ.
Snævarr lögmanni, sem situr í úrskurðarnefnd lögmanna, og Kjartani Bjarna
Björgvinssyni varaformanni DÍ.
Mikilvægt að eftirlitið sé á vegum lögmanna sjálfra
Reimar Pétursson tók fyrstur til máls og sagði mörg
dæmi þess að lögmenn hafi þurft að sæta árásum vegna
starfa sinna. Hann sagðist vera uggandi yfir þróun mála
hér á landi og var með þeim orðum að vísa til þess að
dómsmálaráðherra hefði brotið lög við skipun dómara í
Landsrétt. Í tengslum við það mál hefði lögmaður tekið að
sér að láta reyna á rétt skjólstæðings síns samkvæmt m.a.
þeim réttindum sem tryggð eru í mannréttindasáttmála
Evrópu, en þar segir að menn eigi rétt á því að dómarar
séu skipaðir í samræmi við lög. Reimar sagðist hafa rekist
á umfjöllun frá aðstoðarmanni ráðherra þar sem hann
lýsti málum eins og lögmaðurinn væri aðili máls, kenndi
málareksturinn við auglýsingamennsku og ýjaði að því að á
milli lögmannsins og RÚV væri óheilbrigt samband. Reimar
sagði málarekstur þennan hefðbundið lögmannsverkefni
og sérstaklega mikilvægt fyrir réttarkerfið. Þeir sem
völdin hafi verða að tjá sig málefnalega, ekki kvarta
undan lögmanninum og hengja þannig bakara fyrir smið:
„Þetta minnir á mikilvægi þess að allt eftirlit með störfum
lögmanna fari fram á vegum þeirra sjálfra og sé ekki komið
fyrir í höndum valdhafa sem hafa ekki skilning á störfum
lögmanna. Til að hafa betur í baráttunni þurfum við að
halda tiltrú almennings og skapa í störfum okkar traust og
til að svo geti verið þarf eftirlit okkar sjálfra að vera faglegt
og raunverulegt,“ sagði Reimar.
Eftirlit með dönskum lögmönnum
Torben Jensen fjallaði um eftirlitshlutverk danska lög-
manna félagsins. Hann sagði helstu verkefni vera eftirlit
með lögmönnum, þjálfun fyrir lögfræðinga sem vilja afla
sér lögmannsréttinda, utanumhald siðanefndar og verndun
réttarríkisins. Torben sagði félagið sinna handahófskenndu
eftirliti sem virkar þannig að tölvubúnaður velur nokkrar
lögmanns stofur á ári sem fá heimsókn frá félaginu. Starfs-
fólk félagsins skoðar starfsábyrgðartryggingar, verkferla
varðandi hagsmunaárekstra, hvort að viðkomandi lög-
menn hafi uppfyllt skilyrði um endurmenntun, hvernig
upplýsingaskyldu til skjólstæðinga er sinnt o.fl. Ef félagið
kemst á snoðir um einhverja misbresti þá er lögmanns-
stofunni gefin viðvörun. Ef um alvarlega misbresti er að
ræða þá er málinu vísað til siðanefndar. Torben sagði
marga gagnrýna kerfið og telja að félagið ætti að nýta
úrræði sín betur en að heimsækja lögmannsstofur þar
sem allt er í góðu lagi. Út frá því spratt annað eftirlits-
kerfi, svokallað hættustýrt eftirlit, þar sem félagið pikkar