Lögmannablaðið - 2018, Blaðsíða 9

LÖGMANNABLAÐIÐ TBL 02/18 9
út lögmenn sem hafa t.d. ítrekað verið sektaðir, skila ekki
fjárvörsluyfirlýsingu eða ef fjölmiðlaumfjöllun gefur tilefni
til. Félagið getur kallað eftir upplýsingum frá lögmanninum,
samstarfsfólki, dómstólum eða heimsótt viðkomandi,
kannað aðstæður og ef tilefni er til þá er kvartað undan
lögmanninum til siðanefndar. Torben fjallaði um framtíð
eftirlitsins og sagði það þróast meira yfir í hættustýrt eftirlit
og áherslu á tiltekin svið. Torben fjallaði að lokum um
mikilvægi sjálfstæðis lögmanna og hversu stórt hlutverk
sjálfstæðið spilar í réttarríkinu: „Sjálfstæðið virkar ekki ef
lögmenn sjá ekki um eftirlit með störfum sínum sjálfir,“
sagði Torben.
Að gæta heiðurs stéttar
Valborg Þ. Snævarr sagði að góðir lögmannshættir, siða-
reglur og sá þétti rammi sem er utan um störf lögmanna
stuðli að sjálfstæði stéttarinnar. Þeir sem leggja síðan mat
á það hvort lögmenn fari eftir lögum og siðareglum í
störfum sínum eru sjálfir lögmenn og skipa úrskurðarnefnd
lögmanna. Nefndina skipa þrír sjálfstætt starfandi lög-
menn; einn frá Hæstarétti, einn frá LMFÍ og einn frá
ráðherra. Valborg fjallaði um hvernig málum var háttað
áður en lög nr. 77/1998 um lögmenn tóku gildi en þá hafði
stjórn LMFÍ svipaðar heimildir og úrskurðarnefndin hefur
í dag. Valborg fór yfir ræðu fyrrverandi formanns LMFÍ,
Ragnars Aðalsteinssonar frá árinu 1995 sem sagði sjálfstæði
lögmanna eiga undir högg að sækja, m.a. á Alþingi þar sem
unnið væri að því að veikja sjálf stæðið með því að afnema
dómsvald stjórnar LMFÍ í tilteknum málum. Í sömu ræðu
sagði hann að sjálfstæði dómstóla missti marks án sjálfstæðrar
lögmannastéttar. Í frumvarpi til núgildandi lögmannalaga,
sem lagt var fram á löggjafarþingi 1997-1998, var gert ráð
fyrir að svipta lögmannafélagið eftirlits- og agahlutverki
sínu og koma því fyrir hjá dómsmálaráðherra sem skyldi
skipa þriggja manna lögmannaráð. Stétt lögmanna stóð
þétt saman og mótmælti efni frumvarpsins sem varð til
þess að úrskurðarnefndin, eins og við þekkjum hana í
dag, var sett á laggirnar. Valborg sagði mikilvægt að skoða
þetta í ljósi í sögunnar og að nú sé tryggt að meirihluti
nefndarinnar séu lögmenn, þá er nefndin sjálfstæð og
lítur hvorki stjórn LMFÍ eða dómsmálaráðherra í störfum
sínum. Valborg velti upp þeim spurningum hvernig aðrir
en lögmenn geti haft forsendur til þess að leggja mat á
eðlilega hegðun og framgöngu lögmanns í ákveðnum
aðstæðum eða hvað er sanngjörn þóknun í tilteknu máli;
„Þessu aga- og eftirlitshlutverki er best komið í höndum
lögmanna og um það hljóta allir að vera sammála,“ sagði
Valborg.
Að lokum fjallaði Valborg um þá nýlundu stjórnar LMFÍ
að senda kvartanir til úrskurðarnefndar og að slík heimild
sé nauðsynlegt svo stjórnin geti sinnt lögboðnu eftirlits- og
agahlutverki sínu, það væri mikilvægur liður í því að gæta
heiðurs stéttarinnar.
F.v. Þórunn Guðmundsdóttir og Berglind Svavarsdóttir. Berglind er
einungis önnur konan til að gegna formennsku í LMFÍ en Þórunn var
formaður árin 1995-1997.
Torben Jensen. Reimar Pétursson. Valborg Þ. Snævarr. Kjartan Bjarni Björgvinsson.