Lögmannablaðið - 2018, Blaðsíða 10

10 LÖGMANNABLAÐIÐ TBL 02/18
Námskeið fyrir verðandi dómkvadda matsmenn var haldið í
fyrsta skipti nú í maí í samstarfi við dómstólasýsluna og sátu
það um 40 þátttakendur úr ýmsum greinum atvinnulífsins.
Kennarar voru þeir Viðar Lúðvíksson lögmaður og Ragnar
Ómarsson byggingafræðingur, formaður Matsmannafélags
Íslands, en stefnt er að því að endurtaka námskeiðið í haust
og halda það reglulega hér eftir.
„Matbókin – leiðbeiningar fyrir dómkvadda matsmenn“
er nýtt námsefni sem LMFÍ lét útbúa fyrir námskeiðið
í samstarfi við dómstólasýsluna vegna námskeiðsins.
Viðar Lúðvíksson var aðalhöfundur en aðstoðarmenn
dómara við Héraðsdóm Reykjavíkur tóku saman gagnlega
hæstaréttardóma og reifuðu stuttlega ásamt því að Eggert
Óskarsson fv. dómari tók saman lagareglur. Þess má geta
að Matbókin er til sölu á skrifstofu LMFÍ.
EI
EI
MATBÓK OG
MATSMANNA­
NÁMSKEIÐ
Námskeiðið stóð í sex klukkustundir og var skipt á tvo daga. Fyrri daginn
var farið yfir lögfræðina sem matsmenn þurfa að kunna skil á en seinni
daginn var farið yfir matsfundi og matsgerðina sjálfa. Í lokin fóru
þátttakendur í Héraðsdóm Reykjavíkur þar sem Kristrún Kristinsdóttir
héraðsdómari (t.h.) og Lilja Rún Sigurðardóttir aðstoðarmaður dómara
(t.v.) sýndu verðandi matsmönnum húsakynni og svöruðu spurningum.
Trúin á réttarkerfið
Kjartan Bjarni Björgvinsson tók síðastur til máls og sagði
sjálfstæði lögmanna og eftirlit með þeim spanna vítt svið.
Út frá því vakni spurningar um hlutverk lögmanna og
ábyrgð þeirra. Í samfélaginu er lögmönnum trúað fyrir því
að halda vörð um réttarríkið. Kjartan sagði að í réttarríki
væri réttur fólks til aðgangs að dómstólum og réttlátrar
málsmeðferðar ófrávíkjanleg krafa. Rétturinn væri hins
vegar ekki raunhæfur án sjálfstæðra lögmanna sem koma
að málum óháð öðrum hagsmunum en skjólstæðinga
sinna. Kjartan sagði það ekki vera hlutverk sitt að leggja mat
á það hvernig eftirlit með störfum lögmanna ætti að vera,
en það þyrfti að hafa í huga þau gildi sem lögmönnum er
ætlað að vernda. Traust er mikilvægt og lögmönnum verður
að vera treystandi til þess að rækja sitt hlutverk. Kjartan
sagði traust ekki fengið á einu augabragði og það hlutskipti
að standa vörð um réttarríkið væri ekki alltaf auðvelt og
skemmtilegt. „Það er áskorun að afla sér trausts og það þarf
að hafa í huga að heiður og orðspor lögmannastéttarinnar
endurspeglar ekki bara traust til lögmanna heldur líka trú
á réttarkerfið,“ sagði Kjartan.
Fréttir af aðalfundi
Aðalfundur félagsins fór vel fram og var Reimari Péturssyni
þakkað fyrir vel unnin störf í formannstíð sinni. Samþykkt
var hækkun árgjalds í 70.000 krónur en upplýsingar um
stjórn og nefndir er að finna á heimasíðu félagsins.
Anna Lilja Hallgrímsdóttir