Lögmannablaðið - 2018, Page 18

18 LÖGMANNABLAÐIÐ TBL 02/18
AF PERSÓNUVERND,
STARFSUMHVERFI, FJÖLMIÐLUM,
ORKUSÖLU OG #METOO
Eggert Páll Ólason lögmaður hjá Íslensku lögfræðistofunni stjórnaði örmálstofum
þar sem fjallað var um fimm óskyld og afar spennandi efni.
Persónuverndarfulltrúi - hlutverk og ábyrgð
Ragna Pálsdóttir persónuverndarfulltrúi Íslandsbanka
steig fyrst í pontu og fjallaði um hlutverk og ábyrgð
persónuverndarfulltrúa. Opinberum aðilum væri skylt
að skipa persónuverndarfulltrúa sem og einkaaðilum að
tilteknum skilyrðum uppfylltum.
Ragna fór yfir hvað þarf að hafa í huga þegar fulltrúi
er tilnefndur en hann þarf að búa yfir sérþekkingu á
persónuverndarlögum ásamt getu til þess að framkvæma
þau verkefni sem GDPR (nýja persónuverndarreglugerðin)
mælir fyrir um. Fulltrúinn er annað hvort starfsmaður
eða verktaki og verður að meta hvort er æskilegra hverju
sinni. Ákveðnar leiðbeiningareglur má styðjast við, m.a. að
fulltrúi sem jafnframt er starfsmaður hefur meiri innsýn
í starfsemi fyrirtækis/stofnunar og slíkt fyrirkomulag
er oft æskilegra þegar um er að ræða stærri einingu. Ef
fulltrúinn er verktaki þá er oft um hlutastarf að ræða sem
er hagkvæmara fyrir lítil og meðalstór fyrirtæki/stofnanir.
Ragna sagði mikilvægt að fulltrúinn væri sjálfstæður í
störfum og hefði nauðsynlegar auðlindir og úrræði til
að sinna sínum verkefnum. Hans helstu verkefni væru
leiðbeiningar-, ráðgjafar-, fræðslu- og eftirlitshlutverk.
Eins væri honum heimilt að sinna óskyldum verkefnum
F.v. Eggert Páll Ólason og Svala Ísfeld Ólafsdóttir.