Lögmannablaðið - 2020, Blaðsíða 25
LÖGMANNABLAÐIÐ TBL 03/20 25
-What is this? spurði dyravörðurinn og horfði á töluna 12
sem virtist ekki hafa neina þýðingu.
Þá svaraði Jón:
-This is 12 O´Clock.
Gangandi síðasta spölinn
Jón E. Ragnarsson var eitt sinn í málaferlum þar sem
Sigurður Ólafsson gætti hagsmuna mótherjans. Þeir ákváðu
að verða samferða á Suðurland, þar sem málaferlin fóru
fram, og ók Sigurður. Jón lýsti ferðinni þannig að Sigurður
hefði haft mjög sérkennilegar umferðarreglur í heiðri því
hann hefði augljóslega talið að hvíta strikið á veginum
ætti að vera undir miðjum bílnum. Þegar þeir nálguðust
áfangastað þá stoppaði Sigurður og bað Jón um að fara út
og koma gangandi restina því hann taldi það ekki falla í
góðan jarðveg hjá skjólstæðingi sínum ef að hann kæmi á
staðinn og sjálfur óvinurinn sæti við hliðina á honum. Og
það þurfti Jón að gera, koma gangandi síðasta spölinn!
Fulltrúi ræður sig í vinnu í partýi
Haustið 1977 var nýútskrifuðum konum í lögfræði boðið
af starfandi konum í stétt lögfræðinga til Svölu Thorlacius.
Það var bæði gaman og vel veitt en þegar leið á kvöldið
birtist Gylfi, eiginmaður Svölu, ásamt hópi lögfræðinga
sem voru að koma úr veislu. Í hópnum var meðal annars
Jón E. Ragnarsson og Lára V. Júlíusdóttir fór að spjalla við
hann. Á þessum tíma var hún með lítið barn og að kenna
í Verslunarskólanum en hafði áhuga á því að ráða sig á
lögmannsstofu hálfan daginn. Það varð úr að Lára réði
sig til Jóns þarna um kvöldið og var ákveðið að hún myndi
byrja stundvíslega klukkan eitt mánudeginum. Lára fór hin
glaðasta heim og mætti svo stundvíslega á Túngötuna eftir
helgina. Þar sat Jón E. við stóra skrifborðið sitt og kannaðist
greinilega ekkert við hana.
Lára heilsaði og sagði:
-Ég er mætt!
-Já, jú, og bíddu við..., svaraði Jón.
-Manstu ekki, við hittumst á föstudaginn og þú sagðir mér
að mæta til vinnu í dag?
Og þá rifjaðist þetta upp fyrir honum. Hann fór með Láru
inn á kaffistofu þar sem var lítið skrifborð úti í horni og
ritvél. Lára var síðan fulltrúi hjá Jóni E. í fimm ár.
Skreyti
Eitt sinn sendi Jón E. Ragnarsson þetta skeyti:
Enver Hoxa
The Republic of Albania
Due to disput, you are urgently needed at Frakkastígur
12, gengið inn Grettisgötumegin.
Flaska fyrir jólin
Jón E. Ragnarsson og Jón Oddsson tókust eitt sinn á um
kröfur í einkamáli. Rétt fyrir jól var málið flutt og sagði Jón
Oddsson við skjólstæðing sinn eftir ræðuna að þetta liti
nú ekki vel út. Skjólstæðingurinn kom til hans og spurði
hvort það myndi eitthvað liðka fyrir málinu ef hann sendi
sherrýflösku og konfektkassa til dómarans fyrir jól. Jón
Oddsson horfir á skjólstæðing sinn og sagði:
Ertu vitlaus maður, veistu hvernig því gæti verið tekið?
Svo líða jólin og það kom dómur sem var manninum mjög
að skapi. Þá sagði skjólstæðingurinn við Jón Oddsson:
-Ég sagði þér að það borgaði sig að senda dómaranum
gjöf fyrir jólin!
-Sendir þú virkilega dómaranum gjöf fyrir jólin? spurði
Jón hissa.
-Já, í nafni Jóns E. Ragnarssonar.
Eyrún Ingadóttir tók saman