Lögmannablaðið - 2020, Blaðsíða 26
26 LÖGMANNABLAÐIÐ TBL 03/20
HVAÐ LÍÐUR TÆKNIVÆÐINGU
DÓMSTÓL ANNA?
Rafræn sending gagna
Vísir að svokallaðri réttarvörslugátt var opnaður sumarið
2019 þar sem skila má gögnum til dómstóla með öruggum
rafrænum hætti í gegnum kerfið „signet transfer“. Að
sögn Símonar Sigvaldasonar var byrjað á því að senda
gögn í gegnum kerfið frá lögreglu til héraðsdómstólanna:
„Fljótlega bættist saksóknaraembættið við og síðan hafa öll
gögn milli dómstóla, lögreglu og saksóknara verið send
með þessum hætti. Í framhaldinu var samið um það við
ráðuneytið að notast við þessa gátt til að senda eða fá send
viðkvæm gögn í einkamálum og eins til að koma gögnum
til sérfróðra meðdómenda. Nú er hins vegar byrjað á því
að koma réttarvörslugáttinni í gegnum Island.is vefinn en
það verkefni er á vegum stjórnvalda,“ sagði Símon.
Spennandi tilraunatímar
Þann 1. október næstkomandi hefst tilraun með að
senda gæsluvarðhaldsbeiðnir rafrænt á milli lögreglu og
Héraðsdóms Reykjavíkur. Símon sagðist mjög spenntur
fyrir þessu verkefni: „Í einn mánuð munu tveir dómarar
og tveir dómritarar við Héraðsdóm Reykjavíkur sinna
gæsluvarðhaldsúrskurðunum og vera í stöðugu sambandi
við þá sem eru að smíða kerfið en mikilvægast er að öll
kerfin, hjá lögreglu, ákæruvaldi og dómstólum, „tali saman“.
Svo þarf að breyta gæsluvarðhaldsúrskurðunum en í dag
taka dómarar kröfuna frá lögreglu og hafa sem hluta af
málsástæðum áður en þeir semja niðurstöðukaflann.
Hugmyndin er að lýsing ákæruvaldsins, um hvað hinn
grunaði hafi brotið af sér, standi eins og hún kom en
niðurstaðan verði það eina sem komi frá dómara. Athugun
hefur farið fram á þessu í réttarfarsnefnd og allir eru
sammála um að þetta gangi án lagabreytingar.“
Á SÍÐASTA ÁRI HÓFU STJÓRNVÖLD AÐ BÆTA TÆKNILEGAN AÐBÚNAÐ DÓMSTÓLANNA OG
MEÐAL ANNARS VAR NÝTT MÁLASKRÁRKERFI TEKIÐ Í NOTKUN SEM VERÐUR GRUNNUR AÐ
RAFRÆNNI MÁLSMEÐFERÐ Í FRAMTÍÐINNI. NÚ FLÆÐA GÖGN RAFRÆNT Á MILLI
HÉRAÐSDÓMSTÓLANNA OG LANDSRÉTTAR EN LÖGMANNABLAÐIÐ ATHUGAÐI HVAÐ
TÆKNIVÆÐINGU DÓMSTÓLANNA LIÐI AÐ ÖÐRU LEYTI OG RÆDDI VIÐ SÍMON SIGVALDASON
DÓMSTJÓRA OG INGIBJÖRGU ÞORSTEINSDÓTTUR HÉRAÐSDÓMARA VIÐ HÉRAÐSDÓM
REYKJAVÍKUR.