Lögmannablaðið - 2020, Blaðsíða 24

24 LÖGMANNABLAÐIÐ TBL 03/20
SÖGUR AF
JÓNI E. RAGNARSSYNI
Jón E. Ragnarsson kennir heimsmeistara mannganginn
Einu sinni dvaldi Jón E. Ragnarsson á Spáni yfir jólin.
Hann sat mikið í anddyrinu og tefldi við annan gest en
þegar hann var farinn horfði annar gestur áhugasamur á
skákborðið. Jón bauð honum að tefla við sig og þar sem
honum fannst hann eitthvað hikandi þá sýndi hann honum
mannganginn. Svo kynntu þeir sig og þegar hinn sagðist
heita Hübner frá Þýskalandi þá gerði hann sér grein fyrir því
að hann hafði verið að kenna einum kunnasta skákmanni
heims mannganginn!
Sigurður er ágætur maður
Jón E. Ragnarsson fór alltaf fögrum orðum um kunningja
sína og vini en Sigurður Georgsson var einmitt góður vinur
hans. Einhvern tímann sagði Jón:
-Sigurður er ágætur maður en hann getur ekki fengið sér
pylsu án þess að stofna til ágreinings við pylsusalann!
Fæðingartími gefinn upp
Jón E. Ragnarsson var fæddur 24. desember 1936 eins og
Jesúbarnið. Sumarið 1956 var hann staddur í Bandaríkjum
og leitaði inngöngu í einhvern klúbb þar sem var 20
ára aldurstakmark. Jón var ekki búinn að ná þeim aldri
og í nafnskírteininu stóð 24.12.1936. Hann framvísaði
skírteininu og dyravörðurinn var harður á því að hann
færi ekki inn. Jón fór afsíðis, tók upp penna og setti punkt
á milli talanna 2 og 4. Svo fór hann aftur og passaði sig á
því að lenda ekki á sama dyraverði.
Síðasta vetur settust félagar í öldungadeild
Lögfræðingafélags Íslands niður í betri stofunni í
Gunnarshúsi á Dyngjuvegi 8, Reykjavík, og sögðu
sögu af lögfræðingum.