Lögmannablaðið - 15.12.1996, Blaðsíða 16

Þórunn Guömundsdóttir, hrl. - Jakob R. Möller, hrl.
Um málaskrá Hæstaréttar o.£L
Málaskrá Hæstaréttar
Margir hæstaréttarlögmenn hafa
kvartað undan því að við gerð
málaskrár Hæstaréttar virðist ekk-
ert tillit tekið til þess hver flytji mál-
in. Þannig hefur það ítrekað kom-
ið fyrir að sömu lögmennirnir lendi
í málflutningi í Hæstarétti nánast
dag eftir dag. Dæmi eru um að lög-
menn hafi þurft að flytja 11 mál á
þremur vikum. Þá hafa a.m.k. fjór-
ir lögmenn lent í því að vera boð-
aðir í málflutning í báðum dómsöl-
um á sama tíma. Enda þótt íslensk-
ir hæstaréttarlögmenn láti sér ekki
allt fyrir brjósti brenna er ljóst að
þeir geta ekki verið á tveimur stöð-
um samtímis.
Fulltrúar frá Lögmannafélaginu
áttu fyrir skemmstu fund með for-
seta Hæstaréttar, Haraldi Henrys-
syni, vegna þessa máls meðal ann-
arra. Fram kom hjá forsetanum að
það væri mikið og erfitt verk að
setja saman málaskrárnar. Meðan
málahalinn var sem lengstur hjá
réttinum var reynt eftir megni að
setja málin í flutning í nokkurn
veginn þeirri röð, sem þau voru til-
búin til flutnings. Málahalinn hefur
styst allverulega, þannig að nú er
tæplega árs bið eftir að mál komi
fyrir í fimm manna dómi, en ekki
nema 2-4 mánaða bið í þriggja
manna dómnum. Meira svigrúm
væri því til að flytja mál til á mála-
skránni, þannig að málflutningi
væri dreift jafnar á lögmenn. Þá
hefur nokkuð borið á því að lög-
menn tilkynni ekki væntanlegar
fjarvistir sínar með góðum fyrir-
vara. Þannig er nokkuð um það,
að lögmenn hringi þegar málaskrá-
in er komin út og óski eftir breyt-
ingum vegna fjarveru sinnar. Það
er aldrei hægt að tryggja að Hæsti-
réttur viti nákvæmlega um allar
fjarvistir lögmanna en mikilvægt er
að hæstaréttarlögmenn, sem eiga
von á að mál þeirra komi fljótlega
í flutning, tilkynni Hæstarétti vænt-
anlegar fjarvistir sínar með eins
góðum fyrirvara og hægt er.
Forseti Hæstaréttar lofaði að
gerð málaskrár yrði skoðuð hjá
réttinum og reynt að koma til móts
við óskir lögmanna að þessu leyti,
þannig að málflutningur yrði ekki
of þétt hjá þeim.
Nafngreining málflytjenda
í dómaendurritum
Fulltrúar L.M.F.Í. gerðu einnig að
umtalsefni dómaendurrit réttarins,
sem félagið fær mánaðarlega og
dreifir meðal áskrifenda. Mörgum
heíúr þótt vanta í dómaendurritin
nöfn þeirra lögmanna, sem flytja
málin. Þegar t.d. Hæstiréttur stað-
festir dóm héraðsdóms, með vísun
til forsendna hans, þyrftu þeir, sem
dómaendurritin lesa, oft að leita í
héraðsdóminn. Ef lögmenn í við-
komandi máli væru nafngreindir
væri auðvelt fyrir aðra að hafa
samband við annan hvorn þeirra til
að fá afrit af héraðsdóminum. Sam-
kvæmt upplýsingum, sem borist
hafa eftir fundinn, munu frá og
með næstu áramótum nöfn lög-
manna verða tilgreind í dómaend-
urritum Hæstaréttar.
Málflutningsréttindi fyrir
Hœstarétti
Þá gerðu fulltrúar L.M.F.Í. grein
fyrir óánægju margra lögmanna,
sem væru að reyna að ná sér í
prófmál fyrir Hæstarétti. Um væri
að ræða atvinnuréttindi manna og
þeim fyndist mjög á brattan að
sækja með að útvega prófmál.
Erfitt væri að biðja hæstaréttarlög-
menn að láta sig hafa prófmál og
einnig hafnaði rétturinn ítrekað
umsóknum manna um prófmál.
Mál þetta var rætt frá ýmsum hlið-
um. Meðal annars var bent á
möguleikann á því að lögmenn
rökstyddu sérstaklega umsóknir
sínar um prófmál. Einnig að réttur-
inn gæfi út ákveðnar leiðbeiningar-
reglur til lögmanna, en ýmsar þjóð-
sögur eru í gangi um hvaða mál
séu líkleg sem prófmál og hver
ekki, svo og hvaða meðferð um-
sóknir fá. Niðurstaðan af þessum
umræðum varð sú að félagið mun
rita Hæstarétti bréf, þar sem þessi
sjónarmið eru reifuð og mun mál-
efnið síðan verða tekið þar fyrir á
dómarafundi.
Frá ritstjóra og ritnefnd:
Aðsendar greinar
Félagsmenn eru hvattir til að rita í blaðið greinar, langar eða
stuttar, um hugðarefni sín er tengjast störfum lögmanna. Til að
auðvelda vinnslu blaðsins væri æskilegt að aðsendar greinar
kæmu bæði prentuðu formi og á tölvudiskum, t.d. í Word eða
Word-Perfect ritvinnsluformi. Þá þarf helst ljósmynd af greinar-
höfundi að fylgja.
16
Lögmannablaðið