Kópavogsblaðið - 09.05.2015, Blaðsíða 12

Kópavogsblaðið12
Vinstra megin á þessari mynd sér í Víghól og aðeins neðar í brekkunni hægra megin við hann sést sveit-
abærinn Digranes. Þar er nú íþróttahús með sama nafni.
Esjan er í bakgrunni lengst til hægri á myndinni. Langi
bragginn bakatil, hægra megin við miðju, var kallaður
Bíóbragginn. Hann stóð um það bil þar sem nú er á móts
við gróðrastöðina Storð á Dalvegi. Þann 13. maí 1945 var
þar haldinn stofnfundur Framfarafélagsins Kópavogur,
félagsins sem bauð fram í sveitarstjórnarkosningunum
1946 í Seltjarnarneshreppi. Það fékk þrjá menn af fimm
kjörna og varð til þess að hreppnum var skipt upp í Selt-
jarnarneshrepp og Kópavogshrepp, frá 1. janúar 1948.
Sjö árum síðar, 11. maí 1955 voru samþykkt lög á Alþingi
um kaupstaðarréttindi til handa hinum unga hreppi. Sá
gjörningur var ekki óumdeildur á sinni tíð, enda taldi
meirihluti hreppsnefndar, sem enn var í höndum
Framfarafélagsins (undir nafni óháðra kjósenda),
að hagsmunum íbúa hreppsins væri betur borgið með
sameiningu við Reykjavík. Seltjarnarneshreppi hinum
forna var því skipt í þrjá parta; Seltjarnarneshrepp
(hreppurinn fékk kaupstaðarréttindi 1974), Reykjavík
(kaupstaðarréttindi 1786) og Kópavog.
ByggingarSagan
Húsin sem
horfin eru
úr bænum
Álfhólsvegur 64, úthlutað til Valdimars Jónassonar. Byggt árið 1954 og 2014.
Þetta var fallegt hús og virtist vera vel viðhldið. Vesturvör 25 og 27.
Sextíu ár eru fljót að líða og fyrr en varir eru sögufræg hús horfin úr bæjarlífinu og önnur
komin í þeirra stað. Þórður Guð-
mundsson og Gunnar Svavarsson
úr Sögufélagi Kópavogs tóku
þessar myndir saman ásamt helstu
upplýsingum um húsin. Gaman
væri ef lesendur hefðu upplýs-
ingar og myndir um fleiri hús
sem eru ekki lengur hér á meðal
vor. Sendið okkur endilega línu á
kopavogsbladid@kopavogsbladid.
is og við gerum þeim skil. Álfhólsvegur 32, úthlutað til Kaupfélags Kópavogs og Mjólkursamsölunnar 1952-1957. Það var rifið 2012-13. Ýmis konar
starfsemi var í þessu húsi. Fyrst var þar verslun Kaupfélags Kópavogs og síðan KRON. Þar var líka lengi fiskbúð og einnig
innrömmunin Tempó sem nú er í Hamraborg 1. Í þessu húsi var lögreglustöðin um tíma og skrifstofa bæjarfógeta og svo var
Félagsmálastofnun í húsinu um skeið. Einnig var þar félagsmiðstöð unglinga. Seinna var þar trúfélagið Krossinn með fjölþætta
starfsemi. Svo muna eflaust margir eftir vídeoleigunni sem hét STÁ-vídeó. Mynd: Starfsmenn Áhaldahúss Kópavogs
Camp Hilton, þar sem nú er Dalvegur
Sagan