Dagfari - okt. 2016, Síða 4

4
Margt bendir til að bandarísk hernaðaryfirvöld hafi
áhuga á auknum umsvifum á Íslandi. Hver er afstaða
stjórnmálahreyfingarinnar til þess máls?
Alþýðufylkingin
Alþýðufylkingin er alfarið andvíg því að heimsvaldasinnað hernaðarbrölt
fari fram á Íslandi.
Björt framtíð
Við erum andvíg því að opna herstöð á Íslandi og andvíg auknum
umsvifum bandarískra hernaðaryfirvalda á Íslandi.
Dögun
Við viljum herlaust land þannig að við viljum engin hernaðarleg umsvif á
Íslandi.
Flokkur fólksins
Flokkur fólksins geldur mjög varhug við því að Bandaríkjamenn auki
umsvif sín á Íslandi þar sem slíkt myndi auka spennu á Norðurslóðum.
Framsóknarflokkurinn
Framsóknarflokkurinn er hlynntur virkri þátttöku í varnarsamstarfi við
Bandaríkin og aðrar þjóðir. Telji aðilar þess samstarfs að til þess að ná
markmiðum slíks samstarfs sé rétt að auka umsvif hérlendis er eðlilegt
að það verði tekið til skoðunar þegar og ef þar að kemur.
Húmanistaflokkurinn
Það er fráleitt að leyfa Bandarískum hernaðaryfirvöldum að auka umsvif
sín á Íslandi.
Píratar
Píratar munu ekki samþykkja slíkt án þess að leita samþykkis eða
synjunar kjósenda.
Samfylkingin
Samfylkingin styður ekki aukin hernaðarumsvif hér á landi.