Dagfari - okt. 2016, Blaðsíða 5

5
Sjálfstæðisflokkurinn
Afstaða Sjálfstæðisflokksins er almennt jákvæð gagnvart auknum
umsvifum. Framkvæmd varnarsamningsins við Bandaríkin hefur sem
kunnugt er tekið ýmsum breytingum á umliðnum árum og sjálfsagt að
þróa hann áfram í samstarfi ríkjanna eftir því sem aðstæður gefa tilefni til.
Viðreisn
Viðreisn er almennt fylgjandi vestrænni samvinnu og vill að Ísland
sé virkur þátttakandi í því starfi. Viðvera eða umsvif Bandaríkjahers
grundvallast á varnarsamningi Íslands og Bandaríkjanna. Í því felst að
þjóðirnar tvær meta þörfina á umsvifum hersins hér á landi á hverjum
tíma miðað við aðstæður í heiminum. Viðreisn hefur ekki hvatt til aukinna
umsvifa Bandaríkjanna hér á landi.
Vinstrihreyfingin - grænt framboð
Vinstrihreyfingin – grænt framboð leggst alfarið gegn slíku. Nær væri að
segja herstöðvarsamningnum frá 1951 alfarið upp.
Er stjórnmálahreyfingin hlynnt reglubundnu
æfingaflugi Nató-herþota á Íslandi sem gengur undir
heitinu loftrýmisgæsla?
Alþýðufylkingin
Nei, og við erum líka andvíg því að herskip leggist hér við bryggju.
Björt framtíð
Já
Dögun
Við viljum herlaust land þannig að það samræmist ekki stefnu okkar.
Flokkur fólksins
Já.