Hinsegin dagar í Reykjavík - 01.08.2000, Page 23

Alnæmi er veruleiki
HlV-veiran, sem veldur alnæmi, fer ekki í manngreinarálit, hún berst milli
fólks á öllum aldri, milli gagnkynhneigðra, samkynhneigðra, tvíkynhneigðra,
og enginn er óhultur fyrir henni nema hann stundi öruggt kynlíf.
HlV-jákvæða er ekki hægt að þekkja á útlitinu.
HlV-veiran ræðst á ónæmiskerfi líkamans svo að eðlilegar varnir hans hrynja.
Engin varanleg lækning er ennþá til við alnæmi en á síðustu árum hafa
komið fram lyf sem gera veiruna óskaðlega ónæmiskerfinu og auka lífslíkur manna
til muna. Slík lyfjagjöf reynist þó flestum erfið.
Þú átt ekki að sjá ástæðu til að spyrja þá sem þú hefur mök við hvort þeir
séu HlV-jákvæðir þvi að svörin veita enga tryggingu gegn smiti.
Abyrgt kynlíf felst í því að haga sér eins og allir kunni að vera HlV-jákvæðir og
nota smokkinn undantekningarlaust.
Settu þér einfaldar og öruggar reglur i kynlífi sem þú víkur aldrei frá.
Mundu að notkun áfengis og vimuefna veikir dómgreindina
og býður hættunni heim.
••
Oruggur ástarleikur
er skemmtilegur leikur
Útgefandi:
Samstarfsnefnd um Hinsegin daga 2000 í Reykjavík
Samtökin 78, félag lesbía og homma á Islandi
FSS, Félag samkynhneigðra og tvíkynhneigðra stúdenta
Stonewall, Félag samkynhneigðra nemenda í framhaldsskólum
MSC Island
Jákvæður hópur homma
Ábyrgðarmaður:
Heimir Már Pétursson
Hönnun:
Tómas Hjálmarsson
Merki Hinsegin daga:
Kristinn Gunnarsson
Textar: Heimir Már Pétursson, Róald Eyvindsson,
Veturliði Guðnason, Þorvaldur Kristinsson.