Bæjarins besta - 12.01.2005, Blaðsíða 2

MIÐVIKUDAGUR 12. JANÚAR 20052
Magnús Reynir Guðmundsson, bæjarfulltrúi Frjálslyndra og óháðra í Ísafjarðarbæ
Leggur til að stöðugildum á vegum
bæjarins verði fækkað um þrjátíu
Magnús Reynir Guðmunds-
son, bæjarfulltrúi Frjálslyndra
og óháðra í bæjarstjórn Ísa-
fjarðarbæjar segir handbært fé
bæjarins minnka um 813 millj-
ónir króna á þremur árum ef
fjárhagsáætlun sú sem meiri-
hluti bæjarstjórnar hefur lagt
fram nær fram að ganga. Hann
segir engar líkur á öðru en að
bæjarsjóður verði tómur á ár-
inu 2007 ef ekki fyrr miðað
við fyrirliggjandi gögn. Þetta
kemur fram í breytingatillög-
um bæjarfulltrúans fyrir seinni
umræðu um fjárhagsáætlun
bæjarins sem fram fer á morg-
un, fimmtudag.
Segist Magnús Reynir vilja
grípa til aðgerða og meðal ann-
ars leggur hann til að stöðu-
gildum hjá bænum verði fækk-
að um 30 á tveimur árum.
Hann vill einnig bjóða út rekst-
ur skíðasvæðisins í Tungudal
þar sem útgjöld til þess svæðis
hafi farið stórlega fram úr áætl-
un. Einnig leggur hann til að
Ísafjarðarbær segi sig úr
Fjórðungssambandi Vestfirð-
inga. Þá vill hann að fasteigna-
skattar verði ekki hækkaðir
eins og meirihlutinn hefur lagt
til og að varlegar verði farið í
hækkun ýmissa gjalda á ellilíf-
eyrisþega og öryrkja.
Á hádegi á mánudag rann út
frestur sá sem fulltrúar í bæj-
arstjórn höfðu til þess að leggja
fram breytingatillögur við fjár-
hagsáætlun bæjarins sem lögð
var fram fyrir nokkru. Meðal
tillagna Magnúsar Reynis er
sú að stöðugildum hjá Ísafjarð-
arbæ verði fækkað á næstu
tveimur árum um 30. Telur
hann að með því lækki launa-
kostnaður bæjarins um 100
milljónir á ári. Í tillögunni er
gert ráð fyrir að bæjarstjóra
verði falið að leggja fyrir bæj-
arráð hugmyndir um það
hvernig ná skuli þessu mark-
miði fyrir 1. júlí. Í greinargerð
með tillögunni segir að í
stefnuræðu bæjarstjóra hafi
komið fram að stöðugildum
hjá bænum hafi fjölgað um
nær 30 stöður frá árinu 1998
til ársins 2004 og að í áætlun
meirihlutans séu stöðugildi
ársins áætluð 287 talsins og
að laun og launatengd gjöld
ársins verði 1.064 milljónir
króna eða rúmlega 3,7 milljón-
ir á hvert stöðugildi.
Í greinargerð Magnúsar
Reynis segir m.a.: „Með slík-
um aðgerðum (þ.e. að fækka
stöðugildum) mætti freista
þess að reksturinn skilaði
nokkrum upphæðum á ári til
framkvæmda en miðað við
reksturskostnað bæjarfélags-
ins í dag, eru engar líkur á
öðru en bæjarsjóður verði tóm-
ur á árinu 2007, ef ekki fyrr,
miðað við fyrirliggjandi gögn.
sem þó hafa verið af skornum
skammti við áætlunargerðina
að þessu sinni. Benda má á að
í árslok 2002 var handbært fé
Ísafjarðarbæjar og stofnana
hans 1.016 milljónir króna en
samkvæmt áætlun meirihlut-
ans verður það komið niður í
203 milljónir þann 31.desem-
ber á þessu ári. Hefur rýrnað
um 813 milljónir króna á
þremur árum. Við þetta verður
ekki unað og bæjarfulltrúar
bera ábyrgð á því, að bæjarfé-
lagið eyði ekki um efni fram
ár eftir ár, án þess að gripið sé
til aðgerða.“
Þá leggur Magnús Reynir
til að rekstur skíðasvæðisins í
Tungudal verði boðinn út því
rekstur þess hafi farið marg-
sinnis stórlega fram úr áætlun
þrátt fyrir sérstakar umræður í
bæjarráði í þá veru að slíkt
ætti ekki að gerast ár eftir ár.
Þá er einnig lagt til að Ísafjarð-
arbær segi sig úr Fjórðungs-
sambandi Vestfirðinga frá og
með næsta aðalfundi sam-
bandsins sem haldinn verður
næsta haust. Við þá úrsögn
telur bæjarfulltrúinn að sparist
4,8 milljónir króna á ári. Í
greinargerð segir að sam-
bandið sé barn síns tíma og
ekki sé þörf á slíkum samtök-
um eins og áður var enda hafi
sveitarfélögum fækkað og
kjördæmi stækkað. Telur hann
að þátttaka bæjarins í Atvinnu-
þróunarfélagi Vestfjarða geti
verið mun arðvænlegri ef vel
er á málum haldið.
Magnús Reynir leggst í
breytingartillögum sínum
gegn þeim áformum meirihlut-
ans að hækka fasteignaskatta
í bæjarfélaginu og vill að þeir
verði óbreyttir. Hann leggst
einnig gegn ýmsum hækkun-
um á gjaldskrám fyrir þjónustu
til ellilífeyrisþega og fatlaðra.
Í greinargerð sinni segir hann
að meirihluti bæjarstjórnar
geri tillögu um 106,7% gjalda-
hækkun á akstursþjónustu fatl-
aðra. Hann segir að þar sé
hugsanlega og vonandi um að
ræða prentvillu frekar en við-
horf meirihlutans til þessa
hóps. Hann segir í greinargerð
sinni að tilhneigingar virðist
gæta til að hækka gjöld fyrir
félagsþjónustu meira en víða
annars staðar og segir að ekki
sé hægt að fallast á þær hug-
myndir að hækka húsleigu á
Hlíf um 25% á árinu.
– hj@bb.is
Magnús R. Guðmundsson.
Samgönguráðherra, Sturla
Böðvarsson, hefur fallist á
tillögur Vegagerðarinnar um
breytingar á þjónustuflokkun
vetrarþjónustu Vegagerðar-
innar á þann veg að tveir
neðstu þjónustuflokkarnir
færast upp um einn flokk.
Þessi uppfærsla mun hafa
töluverð áhrif á hálkuvarnir
á Vestfjörðum og verða nú
hálkuvarnir á helstu þjóðveg-
um í fjórðungnum sambæri-
legar við aðra þjóðvegi á
landinu. Í minnisblaði sem
ráðherra lagði fram á ríkis-
stjórnarfundi á föstudag kemur
fram að þessar breytingar séu
gerðar vegna þess að umferð
um vegi hefur stóraukist á und-
anförnum árum. Áætlað er að
umræddar breytingar hafi í för
með sér um 100 milljóna króna
kostnaðarauka á ári.
Björn Ólafsson, forstöðu-
maður hjá Vegagerðinni, segir
gleðilegt að ráðherra skuli hafa
fallist á tillögur þær sem unnið
hefur verið að hjá stofnuninni.
Björn segir þessar reglur hafa
orðið til í samvinnu við starfs-
menn Vegagerðarinnar í öllum
umdæmum. Aðspurður hvort
Vegagerðin sé í stakk búin til
þess að framfylgja þessum
nýju reglum segir Björn svo
vera. Hann segir ekki endan-
lega liggja fyrir hvenær farið
verður að vinna eftir þessum
nýju reglum en hann býst við
því að það verði á næstu dög-
um.
Eins og fram hefur komið í
fjölmiðlum að undanförnu
hafa reglur um vetrarþjónustu
Vegagerðarinnar sætt nokkurri
gagnrýni. Hefur því verið hald-
ið fram að þær hafi ekki tekið
mið af breyttu veðurfari og
aukinni þungaumferð á veg-
um landsins. Nýju reglurnar
munu hafa mest áhrif á þá
sem aka um Ísafjarðardjúp
og um Barðastrandarsýslu.
Þeir þjóðvegir hækka um
einn flokk og mun því til
dæmis vera sama þjónusta í
hálkuvörnum á leiðinni norð-
ur í land og á Ströndum og í
Ísafjarðardjúpi.
Áður minnkaði þjónustan
á Brú hjá þeim sem keyrðu
norður Strandir.
– hj@bb.is
Hálkuvarnir á Vestfjörðum aukn-
ar samkvæmt nýjum tillögum
Góð aðsókn var að skíðasvæði Ísfirðinga í Tungudal
um helgina. Göngumót sem haldið var á vegum Skíðafé-
lags Ísfirðinga gekk vel og stórar göngubrautir voru
troðnar í Tunguskógi. „Það er mjög gott færi. Loksins
núna, þegar ekki snjóar á okkur stanslaust, gefst okkur
tími til að troða almennilega“, segir Haraldur Tryggva-
son, starfsmaður skíðasvæðisins. „Þá var töluvert af fólki
á skíðasvæðinu um helgina, sérstaklega á sunnudegi.
Aðstæður voru ágætar, þó birtan hafi ekki verið neitt
svakalega skemmtileg.“ Innsta lyfta skíðasvæðisins bilaði
á sunnudag og búist við því að það taki um viku að gera
við. „Mótorinn bilaði og var sendur suður í viðgerð. Það
fer eftir samgöngum milli Ísafjarðar og Reykjavíkur
hvenær hann kemur aftur en ég vona að lyftan verði
komin í notkun um næstu helgi. Þetta hefði gengið hrað-
ar fyrir sig ef rafall úr togara hefði ekki bilað á sama
tíma, en vegna þess þurftum við að leita annað eftir
viðgerð“, sagði Haraldur. – halfdan@bb.is
Mikil umferð
um skíðasvæðið
Mikil umferð var á skíðasvæðinu í Tungudal um helgina.
Skemmdarverk unnin
á anddyri Íslandsbanka
Stórum steini var hent í
rúðu í anddyri Íslandsbanka
á Ísafirði í síðustu viku og
hún brotin. Lögreglan rann-
sakar málið og óskar upplýs-
inga frá þeim sem þær kunna
að hafa. Í síðustu viku var
lögreglunni tilkynnt um að
ekið hafi verið á kyrrstæða
bifreið sem stóð á bílastæði
við verslunarhúsnæði Neista
á Ísafirði. Sá sem ók á bif-
reiðina hirti ekki um að gera
eiganda eða lögreglunni við-
vart. Bifreiðin sem ekið var
á er grá og af gerðinni Subaru
Forester. Lögreglan óskar
eftir upplýsingum um atvik-
ið.
Ökumaður sem ók bifreið
með kerru í eftirdragi var
stöðvaður á Ísafirði í vikunni.
Ástæðan var sú að hann var
með farþega í kerrunni. Þá
má nefna að höfð voru af-
skipti af ökumanni vélsleða
innanbæjar á Ísafirði. Öllum
með ökuréttindi ætti að vera
kunnugt um að akstur slíkra
torfærutækja í þéttbýli er
bannaður. Ef menn þurfa
eldsneyti þá þurfa þeir annað
hvort að verða sér út um ben-
sínbrúsa eða flytja vélsleð-
ana á bensínstöð á kerru.
– thelma@bb.is
02.PM5 6.4.2017, 09:222