Bæjarins besta - 23.04.2003, Blaðsíða 6

6 MIÐVIKUDAGUR 23. APRÍL 2003 Lestu nýjustu fréttir daglega á www.bb.is
maður vikunnar
Nafn: Guðni Ó. Guðnason.
Fædd/-ur, hvar og hvenær: Í Reykjavík, 14.12.1965.
Atvinna: Umdæmisstjóri Vátryggingafélags Íslands
á Vestfjörðum.
Fjölskylda: Eiginkonan heitir Sólveig Pálsdóttir og
börnin eru Guðni Páll 10 ára, Kjartan Elí 6 ára og
Benedikt Hrafn 2 ára.
Helstu áhugamál: Íþróttir og iðkun þeirra og þá
körfubolti, golf og annað. Í þessari röð.
Bifreið: Subaru Forester, árgerð 1998 og Saab 900
árgerð 1983.
Hvernig bíl vildir þú helst eiga? Nýrri og betri Saab.
Hvað ætlaðir þú að verða þegar þú varst lítill?
Kokkur.
Uppáhalds matur? Pylsa á Bæjarins beztu (það
helsta sem ég sakna frá Reykjavík) og skyr með
krækiberjum.
Versti matur sem þú hefur smakkað? Blóðgrautur
í boði tengdamömmu minnar.
Uppáhalds drykkur? Kaffi, gott koníak og þá helst
saman.
Uppáhalds tónlist? Megas.
Uppáhalds íþróttamaður eða félag? Larry Bird,
gamall jaxl úr NBA-boltanum (lék með Boston), Bost-
on, Leeds, KFÍ og KR.
Uppáhalds sjónvarpsefni? NBA.
Uppáhalds vefsíðan? kfi.is og bb.is
Besta kvikmynd sem þú hefur séð? Úff! Dettur í
hug Seven, Good Will Hunting og Börn náttúrunnar.
Fallegasti staður hérlendis? Margir staðir, fyrst
kemur upp í hugann Djúpavík á Ströndum, Ásbyrgi,
Skaftafell og fleira og fleira.
Fallegasti staður erlendis? Ég hef farið víða en
séð lítið, mestmegnis innviði íþróttahúsa og hótela.
Andorra kemur upp í hugann sem og Yalta við Svarta-
haf.
Ertu hjátrúarfull(ur)? Já, já.
Uppáhalds heimilistækið? Tölvan.
Hvað er það skemmtilegasta sem þú gerir? Spila
körfubolta og golf með góðum vinum.
Hvað fer mest í taugarnar á þér og hvers vegna?
Væl og metnaðarleysi. Menn verða að horfa í eigin
barm og sjá hvað þeir sjálfir geta lagfært til að ná
árangri en ekki kenna öðrum um eigin ófarir.
Hvað gerir þú til að láta þér líða vel? Spila körfubolta
og golf með góðum vinum.
Áttu þér leyndan draum sem þú ætlar að láta ræt-
ast? Já.
Hvað er það neyðarlegasta sem þú hefur lent í?
Það gerðist þegar ég var u.þ.b. 19 ára. Ég og félagi
minn vorum á leið á Sauðárkrók til að stýra 13 ára
drengjum úr KR í keppni. Einhvern veginn tókst mér
að taka ranga beygju og enda á Hólmavík! Ég veit
ekki enn hvernig við fórum að þessu. Hafa ber í huga
að þarna var um unga Reykjavíkursveina að ræða.
Ef þú værir bæjarstjóri í einn dag, hverju myndir
þú breyta? Samþykkja úrvalsdeildarstyrk til handa
KFÍ.
Lífsmottó? Ýmis eru mottóin en í fyrsta sæti má
setja að gera ekki öðrum það sem þú vilt ekki að þeir
geri þér.
Sælkerar vikunnar
eru Hrafnhildur Samúelsdóttir
og Jósef Vernharðsson
Fylltur úrbeinaður
lambahryggur
Ætlaði
að verða
kokkur
Úrbeinið hrygginn og takið lundirnar og leggið í sárið
(hryggurinn á að vera í heill). Kryddið með grillkryddi. Setj-
ið fyllingu í hrygginn (sjá hér fyrir neðan) og vefjið honum
saman með bandi eins og rúllupylsu. Til að pensla hrygginn
að utan hrærum við saman 2 pressuðum hvítlauksrifjum,
grillkryddi og 2 msk matarolíu.
Fylling
2 msk Sweet Relish
1 stk saxaður laukur
½ paprika, rauð
3 msk franskt sinnep
2 franskbrauðssneiðar
Allt sett á pönnu og hitað og síðan sett í hrygginn. Steikið
í ca. 1 klst við 200°C hita (gott að steikja í steikingarpotti).
Sósa
300 g sveppir steiktir í smjöri og settir í pott ásamt 3 dl
sjóðandi vatni
½ piparostur settur út í og látið malla þar til osturinn er
bráðnaður
¼ l rjómi
Honig teningar eftir smekk
sósujafnari
ekki skaðar að setja smáskvettu af koníaki
Salat
2 stk epli, smátt skorin
125 g döðlur, smátt skornar
100 g smátt skorið suðusúkkulaði
¼ l þeyttur rjómi
öllu blandað saman
Þetta salat er mjög gott með kjöti. Svo eru sykurbrúnaðar
kartöflur og eitthvað súrt og sætt eftir smekk hvers og eins
borið með.
Rækjufrauð (forréttur)
300 g rækjur
1 búnt steinselja
½ lítri rjómi
100 g mæjones
1 box sýrður rjómi, 18%
10 blöð matarlím
safi úr hálfri sítrónu
aromat
½ dl vatn
Hakkið rækjurnar í matvinnsluvél. Blandið saxaðri stein-
seljunni saman við ásamt mæjonesi og kryddinu. Leggið
matarlímið í bleyti og leysið það síðan upp í sítrónusafanum
og vatninu og hitið í vatnsbaði þar til matarlímið er uppleyst.
Kælið aðeins. Þeytið rjómann og blandið varlega saman
við rækjumaukið. Hellið síðan matarlíminu saman við.
Klæðið stórt formkökuform með plastfilmu og setjið
síðan rækjufrauðið í formið. Kælið í ísskáp um 6 klukku-
stundir. Hvolfið síðan á fat skreytt með vínberjum, rækjum,
tómötum eða hverju sem vill. Berið fram með ristuðu
brauði og kryddsósu.
Mars-ís
120 g púðursykur
3 eggjarauður
2 egg
1 tsk vanillusykur
3 stk Mars-súkkulaði, smátt skorin
½ l rjómi
Þeytið saman egg, eggjarauður og sykur létt og ljóst
geymið meðan rjóminn er þeyttur. Blandið varlega saman
rjómanum og eggjahrærunni og síðan Mars-súkkulaðinu.
Setjið í form og frystið.
Verði ykkur að góðu.
Við viljum skora á hjónin Halldóru Magnúsdóttur og
Kristján Haraldsson að koma með uppskriftir í næsta
blaði. Þau eru þvílíkir listakokkar að leitun er að öðru
eins.
Sumarstarfsmenn
Okkur vantar sumarstarfsmenn, bæði í
verslun og timbursölu. Skemmtileg og fjöl-
breytt störf.
Upplýsingar í verslun okkar eða hjá rekstr-
arstjóra í síma 660 3102.
Húsasmiðjan hf., Ísafirði.
Sumarhótel á
Ísafirði til leigu
Til leigu er 1.719m² veitinga- og gistiað-
staða í heimavist Menntaskólans á Ísafirði
frá 1. júní til 22. ágúst 2003. Um er að ræða
20 gistiherbergi ásamt rúmgóðri eldhúsað-
stöðu með kæliklefum, þvottahúsi, kjöt-
vinnsluaðstöðu, matsal o.fl. Til greina koma
áframhaldandi leiguafnot af hluta húsnæð-
isins næsta vetur.
Nánari upplýsingar veitir Ólína Þorvarð-
ardóttir, skólameistari í síma 450 4400.
Unglingameistaramót Íslands
Fjöldi silfur- og
bronsverðlauna
Sextán ungmenni frá
Skíðafélagi Ísfirðinga kepp-
tu á Unglingameistaramóti
Íslands í skíðaíþróttum í
Hlíðarfjalli við Akureyri um
fyrri helgi. Þar af kepptu
fimm í göngu og ellefu í
alpagreinum. Ekkert þeirra
vann til gullverðlauna að
þessu sinni, þótt stundum
munaði aðeins hársbreidd.
Silfurverðlaun hlutu hins
vegar Brynjólfur Óli Árna-
son í göngu með frjálsri að-
ferð, Kristján Ásvaldsson í
göngu með frjálsri aðferð,
göngu með hefðbundinni
aðferð og göngutvíkeppni,
Jóhanna Bárðardóttir í
göngu með hefðbundinni
aðferð og göngutvíkeppni
og A-sveit SFÍ í boðgöngu á
stuttri braut. Sveitina skip-
uðu þeir Kristján Óskar,
Brynjólfur Óli og Guð-
brandur Grétar Jónsson.
Bronsverðlaun hlutu Jó-
hanna Bárðardóttir í göngu
með frjálsri aðferð og Bryn-
jólfur Óli Árnason í göngu
með hefðbundinni aðferð og
í göngutvíkeppni.
16.PM5 18.4.2017, 10:576