Bæjarins besta - 23.04.2003, Side 10

1 0 MIÐVIKUDAGUR 23. APRÍL 2003 Lestu nýjustu fréttir daglega á www.bb.is
Skoðanakannanir
Stakkur hefur ritað vikulega pistla í Bæjarins besta í mörg ár. Skoðanir hans á mönnum og málefnum hafa oft verið umdeildar og vakið umræður. Þær þurfa alls
ekki að fara saman við skoðanir útgefenda blaðsins. Þrátt fyrir það bera ábyrgðarmenn blaðsins ábyrgð á skrifum Stakks á meðan hann notar dulnefni sitt. bb.is
Þar sem púlsinn slær...
STAKKUR SKRIFAR
Skoðanakannanir benda til þess, að einungis verði kostur á þriggja flokka
ríkisstjórnum að kosningum loknum. Þetta er byggt á ummælum forsætis- og
utanríkisráðherra. Sá fyrri telur víst að allt stefni í að mynduð verði ríkisstjórn
Samfylkingar, Frjálslynda flokksins og Vinstri grænna, miðað við niðurstöðu
skoðanakannana og ummæli forystumanna þeirra. Hinn síðari telur, að hljóti
Framsóknarflokkurinn kosningu sem skilar aðeins 7 til 8 þingmönnum, hljóti
slíkt að teljast skýr skilaboð frá kjósendum um að hans sé ekki óskað við
stjórnvölinn. Reyndar hefur samstarf þessara tveggja flokka verið farsælt og
óumdeilt að þjóðarbúið standi vel, þótt stjórnarandstaðan telji þar einungis
utanaðkomandi áhrif að verki. En þar sker hún sig skýrt og greinilega frá
stjórnarflokkunum, sem telja að ríkisfjármálum sé hægt að stjórna og gera
það.
Þriggja flokka stjórnir hafa ekki gefist vel. Nægir að minna á vinstri stjórn
Ólafs Jóhannessonar 1971 til 1974, stjórn sama forsætisráðherra 1978 til
1979, ríkisstjórn Gunnars Thoroddsen 1980 til 1983 og vinstri stjórnina 1988
til 1991 undir forsæti Steingríms Hermannssonar. Ekki skal því haldið fram,
að viljaskortur hafi ráðið eða engu góðu hafi verið komið til leiðar. Hinu verð-
ur ekki neitað og dómur sögunnar er á þá leið, að verulegra lagfæringa var þörf
í lok stjórnartímans. Í meginatriðum var niðurstaðan sú, að ríkisfjármál þörfn-
uðust uppstokkunar. Viðtakandi ríkisstjórna, sem allar voru tveggja flokka og
gripu til markvissrar fjármálastjórnunar, beið mikil vinna. Flestar fjölflokka-
stjórnirnar voru vinstri stjórnir með einni undantekningu, ríkisstjórn Þorsteins
Pálssonar 1987 til 1988. Þær tóku við góðu búi, en fórst stjórnin ekki nægilega
vel úr hendi þótt viljinn væri góður. Of ólík stefna flokkanna, sem aðildina
áttu, réð því að heildarstefnan leið fyrir. Árangurinn varð sá, að ríkisfjármál
voru yfirleitt í nokkrum ólestri og þá sjaldan meir en í lok stjórnarsetu 1983,
en þá mældist verðbólga 130% og hafa hærri tölur ekki sést hérlendis, þótt oft
hafi útlitið verið svart.
Hvað þýðir ríkisstjórn þessara þriggja flokka fyrir Vestfirði? Afnám kvóta-
kerfisins mun kippa stoðunum undan þeim útgerðar- og fiskvinnslufyrirtækjum
sem hér starfa enn. Svo mikla trú hafa heimamenn, að keypt var hlutafé í
Hraðfrystihúsinu-Gunnvöru fyrir nærri 700 milljónir króna nýlega. Stoðunum
kann að verða kippt undan því glæsta fyrirtæki. Verst er, að það telja þeir, sem
því hafa lofað, verða til góðs. Framfarir og uppgangur í smábátaútgerð verða
kyrkt og nægir að minna á ummæli Davíðs Kjartanssonar í þeim efnum. Hætt
er við því að grundvellinum undan núverandi útgerð í Bolungarvík verði kippt
burt með sama hætti. Hvar stöndum við þá? Fjármagn til stórútgerðar er ekki
á lausu og síst verði það tekið með fjárheimtu í ríkissjóð í formi ótrúlegrar
skattlagningar af hverju veiddu kílói þegar í land er komið. Svona loforð gefa
menn vart nema þeir haldi að við þau þurfi ekki að standa. Kvótakerfið má
laga, en verði hitt að veruleika má vænta þess, að við taki efnahagssveiflur
sem kjóendur eldri en 35 ára þekkja alltof vel, en hinir ekki.
Fermingargreiðslurnar í ár með ýmsu móti
Frelsi í hárafari bæði
drengja og stúlkna
Guðrún Karlsdóttir hár-
greiðslumeistari hjá Hár-
kompaní á Ísafirði segir
mikið frelsi í gangi varð-
andi fermingargreiðslurnar
í ár. Strákarnir kjósi frem-
ur að vera með lubba þótt
einhverjir séu stífrakaðir.
Stelpurnar verði ýmist
með hárið uppsett eða þá
slegið með strípum til að
fá aukna hreyfingu og
áferð. Hárkompaní sýndi
greiðslurnar á fermingar-
sýningu sem haldin var á
Hótel Ísafirði fyrir
skömmu í samstarfi fyrir-
tækja í bænum. Þar sýndu
13 tilvonandi fermingar-
börn útivistarföt frá Hafn-
arbúðinni, spariföt frá Jóni
og Gunnu og náttföt frá
Silfurtorgi en Alda Karls-
dóttir sá um förðun. Auk
þess höfðu þjónarnir á
Hótelinu dekkað fermingar-
borð með borðbúnaði frá
Straumi og borðskreytingu
frá Blómaturninum.
Fjölmenni var á sýningunni
og segir Guðrún að krakk-
arnir hafi staðið sig með
stakri prýði í sýningarstörf-
unum. Halda mætti að þau
gerðu ekki annað.
Fjölmenni var á fermingarsýningunni á Hótel Ísafirði.
Unnin verður ný vestfirsk byggðaáætlun með Ísafjörð sem þungamiðju
– sagði Valgerður Sverrisdóttir iðnaðarráðherra á fundi á Ísafirði
Valgerður Sverrisdóttir iðn-
aðarráðherra hefur ákveðið að
hafin verði vinna við byggða-
áætlun fyrir Vestfirði með Ísa-
fjörð sem þungamiðju. Þetta
kom fram í ávarpi ráðherrans
á fundi hennar og Sturlu
Böðvarssonar um samgöngu-
og atvinnumál, sem haldinn
var í samvinnu við Atvinnu-
þróunarfélag Vestfjarða á
Hótel Ísafirði í síðustu viku.
Sagði Valgerður nokkra reyn-
slu komna af starfi við bygg-
ðaáætlun fyrir Akureyri og
Eyjafjarðarsvæðið sem gangi
vel. Starfið á Vestfjörðum
Starfið grundvallað á aðstæðum svæðisins
verði hins vegar grundvallað
á aðstæðum svæðisins og ekki
verði um eftirlíkingu á starfi
Eyjafjarðarnefndarinnar að
ræða.
„Í síðasta mánuði var tekin
ákvörðun um uppbyggingu
stóriðju á Austurlandi. Í fram-
haldinu er augljóst að athyglin
beinist hingað vestur. Það er
því mikilvægt starf framund-
an, sem fyrst og fremst mun
byggjast á heimamönnum en
í náinni samvinnu við ráðu-
neytið“, sagði Valgerður.
Ráðherrann fór lofsamleg-
um orðum um Byggðaáætlun
Vestfjarða sem unnin var af
sveitarfélögum í fjórðungn-
um. Segist hún sammála höf-
undum hennar um mikilvægi
þess að byggja upp byggða-
kjarna á Vestfjörðun. Það álit
sé stutt með niðurstöðum um-
fangsmikillar rannsóknar á
búsetu og starfsskilyrðum á
landsbyggðinni sem unnin var
af Hagfræðistofnun og
Byggðarannsóknastofnun fyr-
ir iðnaðarráðuneytið.
„Fjárfestingar í innviðum
þyrftu þá að taka mið af því
að stækka áhrifasvæði bygg-
ðakjarnanna svo byggðirnar
umhverfis geti sótt þangað
þjónustu sem annars væri ekki
fáanleg innan svæðisins“,
sagði iðnaðarráðherra.
Lýsti ráðherra því yfir að
henni þættu sérlega áhuga-
verðar hugmyndir um upp-
byggingu klasafyrirtækja sem
í nánu samstarfi legðu stund á
tækniþróun, nýsköpun og
framleiðslu á grunni sjávarút-
vegs og úrvinnslu sjávaraf-
urða. Ljóst væri að þegar sé
fyrir hendi sterkur kjarni að
slíkum klasa.
„Styrkurinn felst ekki hvað
síst í því, að á svæðinu eru
starfandi fyrirtæki með mikla
þekkingu og alþjóðlega mark-
aðsreynslu sem er gulls ígildi.
Ef vel tekst til við þróun þess-
ara klasahugmynda, þá er
hægt að leysa hér úr læðingi
heilmikla sókn í nýsköpun
atvinnulífsins“, sagði Val-
gerður.
Valgerður Sverrisdóttir.
Vestfirðir
Sveitarfélögin
yfirtaki rekstur
málefna fatlaðra
Fjórðungssamband Vest-
firðinga hefur forgöngu um
að sveitarfélög á Vestfjörðum
yfirtaki rekstur málefna fatl-
aðra frá ríkinu. Stjórn sam-
bandsins hefur sent öllum
sveitarfélögum á Vestfjörðum
bréf þar sem óskað er eftir
afstöðu þeirra til málsins.
Ingimar Halldórsson, fram-
kvæmdastjóri Fjórðungssam-
bandsins, segir að einnig hafi
verið leitað samstarfs við fé-
lagsmálaráðuneytið.
„Málin eru í þeim farvegi
að þessi hugmynd kom upp
og stjórn sambandsins ákvað
að vinna að henni. Fyrir einu
til tveimur árum voru í gangi
viðræður milli Sambands ís-
lenskra sveitarfélaga og ríkis-
ins um yfirtöku málaflokksins
sem ekkert varð úr. Þetta hefur
hins vegar verið gert á nokkr-
um stöðum með þjónustu-
samningum, meðal annars á
Akureyri og á Norðurlandi
vestra.“
Nokkur áhugi mun vera
meðal sveitarfélaga í fjórð-
ungnum á yfirtöku mála-
flokksins og segir Ingimar að
horft sé til Norðurlands vestra
í því sambandi. „Þar fara
Samtök sveitarfélaga á Norð-
urlandi vestra með yfirstjórn-
ina samkvæmt samningi við
ríkið. Málaflokkurinn er aftur
á móti rekinn alfarið af fé-
lagsmálakerfi hvers sveitar-
félags“, segir Ingimar.
Þegar hefur Ísafjarðarbær
svarað erindi Fjórðungssam-
bandsins og tekið vel í þessa
málaleitan. Ingimar sagði svör
ekki enn hafa borist frá öðrum
sveitarfélögum enda ekki
langt um liðið frá því að bréfin
voru send út.
Ertu orðin(n)
áskrifandi?
Síminn er
456 4560
16.PM5 18.4.2017, 10:5710