Bæjarins besta - 31.10.2001, Síða 12

12 MIÐVIKUDAGUR 31. OKTÓBER 2001
Fyrsti vetrardagur kom
degi of snemma á Ísafirði
Að morgni föstudagsins var birtingin á Ísafirði ólík því sem verið hafði. Um nóttina
byrjaði fíngerð snjókoma og litir húsþakanna á Eyrinni hurfu fyrir einsleitum gráma.
Göturnar bræddu af sér jafnóðum lengi vel en svo höfðu þær ekki undan og þegar
morgnaði þegar myndin var tekin á Silfurtorgi hafði byggðin tekið stakkaskiptum.
Föstudagurinn var í raun fyrsti vetrardagur á Ísafirði þótt almanakið segi hann hafa
verið á laugardag. Fyrr í vikunni var byrjað að festa upp jólaskreytingar í verslunum
á Ísafirði og þótti ýmsum nokkuð snemmt. Þá var ennþá sumar, jafnt á almanakinu
sem hjá almættinu.
„Ekkert tefur framkvæmdir
við Djúpveg enn sem komið
er þó að áætlað útboð hafi
frestast“, segir Gísli Eiríks-
son, umdæmisstjóri Vega-
gerðarinnar á Vestfjörðum. Á
vegáætlun 2002-2004 er fjár-
veiting til að leggja slitlag á
meginhluta leiðarinnar um
Hestfjörð og Skötufjörð.
Sögusagnir hafa verið á
kreiki þess efnis að fram-
kvæmdir hafi tafist vegna ein-
hverrar stífni landeigenda
varðandi malarnámur í Skötu-
firði.
„Talið hefur verið heppi-
legra að byrja í Skötufirði en
við nánari undirbúning verks-
ins hafa komið upp álitamál í
sambandi við fyrirhugaðar
námur. Verið er að vinna í
málinu og mun það væntan-
lega skýrast á næstu vikum“,
segir Gísli Eiríksson. „Breytt-
ar forsendur varðandi námur
gætu leitt til þess að heppi-
legra væri talið að byrja í Hest-
firði. Hönnun lagfæringa á
veginum þar er langt komin
og ætti að vera hægt að byrja
af krafti í vor“, sagði Gísli
Eiríksson.
Framkvæmdir við Djúpveg í Hestfirði og Skötufirði
Ættu að hefjast af
fullum krafti í vor
Að venju komust færri
en vildu á árlegt villi-
bráðarkvöld SKG-veitinga
á Hótel Ísafirði á laugar-
dagskvöldið. Veislustjóri
að þessu sinni var Eiríkur
Finnur Greipsson aðstoð-
arsparisjóðsstjóri. Veit-
ingarnar voru í samræmi
við nafnið á hátíðinni –
hvaðeina sem vestfirsk
náttúra gefur af sér, leyft
er að veiða og hægt er að
ná, svo sem gæs og
svartfugl, önd og rjúpa,
lax og sjóbirtingur, selur
og höfrungur, auk sérval-
inna forrétta og eftirrétta
úr VVV (villtustu víðáttum
Vestfjarða). Einnig var
hreindýrakjöt á borðum
en það kom reyndar að
austan (smakkaðist samt
vel). Allt var þetta síðan
bragðbætt með margvís-
legum kryddjurtum úr
áðurnefndum VVV.
Meðal fastra liða á
villibráðarkvöldum eru að
sjálfsögðu veiðisögurnar.
Fyrstu verðlaun fyrir
veiðisögu hlaut Friðgerður
Ómarsdóttir, en auk þess
að vera hugljúf hafði
sagan þá sérstöðu meðal
hefðbundinna veiðisagna
að allir trúðu að hún væri
sönn. Myndirnar frá
villibráðarkvöldinu sem
hér fylgja segja flest annað
sem segja þarf. Fleiri
myndir eru á bb.is.
Árlegt villibráðarkvöld
SKG á Hótel Ísafirði
Friðgerður Ómarsdóttir ásamt öðrum verðlaunahöfum á villibráðarkvöldinu.
Grétar Sigurðsson, Sigríður Þrastardóttir, Magni Guðmundsson og Hulda Guðmundsdóttir
fá sér af glæsilegu veisluborðinu.
Ragnheiður Jónsdóttir, Kristján G. Jóhannsson, Inga S. Ólafsdóttir, Gunnar Arnórsson og
Brynjólfur Þór Brynjólfsson voru á meðal gesta í villibráðarveislunni.
44.PM5 19.4.2017, 09:4612