Vinnan - 01.02.1998, Qupperneq 11
Elliær verkalyðshreyfing?
Eiga þau börn sem nú eru að vaxa úr grasi ekki eftir að vilja starfafyrir verkalýðshreyfmguna? Er unga fólkið að verða
fráhveift hreyfmgunni? -Danska alþýðusambandið lítur á þetta sem vandamál og œtlar að hrinda afstað átaki til að virkja
unga fólkið félagslega.
-Það vantar endurnýjun í té-
lagsstarfið. Ef verkalýðshreyf-
ingin finnur ekki nýjar leiðir til
að ná í unga fólkið, enda stétt-
arfélögin sem gamalmenna-
klúbbar, segir danska aiþýðu-
sambandið (LO) sem ætlar að
verja sem samsvarar 180 millj-
ónum íslenskra króna til að
kveikja í unga fólkinu -félags-
lega.
Innan við hálf milljón af 1,5 milljón
félagsmanna LO er undir þrítugu.
Fjöldi ungs fólks á námskeiðum LO
hefur auk þess fallið úr 7000 árið
1990 í 4000 árið 1996. Meðalaldur-
inn er nú 44 ár, 10 árum hærri en í
Noregi.
-Meiri hluti forsvarsmanna stéttar-
félaganna hefur misskilið þróunina.
Þeir halda að unga fólkið sé ekki
lengur samtaka, af því að er ekki
lengur virkt innan félaganna. Þess í
stað ætti verkalýðshreyfingin að líta
sér nær, skoða uppbyggingu sína og
endumýja innra starfið, segir Dennis
Lund, fyrrverandi æskulýðsfulltrúi
LO. Hann varar við öldrunarmerkj-
um á dönsku verkalýðshreyfingunni.
-Ef þróuninni verður ekki breytt á
næstu árum mun félagsstarfið lenda í
alvarlegum vanda, segir Dennis.
-Við eigum sjálf sökina á því að
þetta hefur gengið svona langt. Unga
fólkið nennir ekki að taka þátt í starfi
verkalýðshreyfingarinnar eins og hún
er uppbyggð í dag, segir Claus Jörg-
ensen, núverandi æskulýðsfulltrúi
LO.
www.mindscope.dk
LO er að skipuleggja herferð á lands-
vísu sem á að vekja unga fólkinu
nýja sýn á félagsmálin. Herferðin á
að hjálpa ungum trúnaðarmönnum að
ná til unga fólksins á vinnustöðunum
og herferðin snýr beint að unga fólk-
inu, meðal annars með auglýsingum í
kvikmyndahúsum.
Herferðin kallast MindScope og
LO hefur ákveðið að setja um 180
milljónir ísl. króna í þetta verkefni
sem á að vekja nýjan áhuga á verka-
lýðshreyfingunni. MindScope gerir
upp við fjöldann allan af fyrri stefn-
um verkalýðshreyfingarinnar. Þannig
á MindScope ekki að kenna unga
fólkinu réttar skoðanir. Markmiðið er
að virkja það og síðan er vonast til
þess að það taki að sér verkefni fyrir
hreyfinguna.
-Það getur vel endað með því að
þau hafi engan áhuga á að taka þátt í
starfi verkalýðshreyfingarinnar en
það er áhætta sem við verðum að
taka, segir Brian Sebens, en hann
stýrir MindScope verkefninu sem
staðsett er í háskólanum í Esbjerg.
MindScope inniheldur meðal ann-
ars áætlun um menntun. Markmiðið
er að gera ungt fólk að útsendurum
svo það geti komið verkefnum af
stað innan síns svæðis. Þá er ekki að-
eins átt við fagleg verkefni heldur
hvað sem ungt fólk gæti haft áhuga á.
-Verkefnið MindScope er tilraun
til að finna nýjar leiðir til að virkja
launafólk. Og þar með að gefa fag-
lega starfinu nýja ásjónu, segir Claus
Jörgensen.
Ný venkefni
-Verkalýðshreyfingin þarf að finna
sér algerlega ný verkefni ef hún á að
lifa af í framtíðinni, segir Johannes
Andersen, lektor við háskólann í Ála-
borg .
-Verkalýðshreyfingin er búin að
byggja upp kerfi þar sem flest virkar
af sjálfu sér. Með samningum er séð
til þess að vandamálin eru leyst áður
en þau verða of flókin. Við fáum
nærri sjálfkrafa leiðréttingu launa
okkar. Vandamálið er að þetta kerfi
gerir fólk minna virkt. Það er engin
ástæða til að vera virkur. Þess vegna
verður þetta erfiðara í framtíðinni,
segir Johannes Andersen. -Vandamál
verkalýðshreyfingarinnar er einnig að
hún getur ekki án félagsmannanna
verið ef starfsemin á að halda áfram.
Þess vegna verður að finna leið til að
laða að félagsmenn. Verkalýðshreyf-
ingin neyðist til að bjóða upp á eitt-
hvað fleira. Eitthvað sem gerir líf
okkar og vinnu meira spennandi.
Dsýnileg breyting
-Verkalýðshreyfingin hefur frekar
horft á mjúku málin eins og til dæmis
starfsmannastefnu en beinar launa-
hækkanir síðstliðin ár. En fólk hefur
ekki tekið eftir því, segir Dennis
Lund. -Og ef fólk heldur að verka-
lýðshreyfingin hugsi enn aðeins um
launahækkanir og vill sjálft ekki setja
launahækkun efst á forgangslistann
þá velur það auðvitað ekki verkalýðs-
hreyfinguna, segir Dennis.
Brian Sebens tekur undir með hon-
um. -Ef þróuninni verður ekki snúið
við munu skapast alvarleg vandamál
í framtíðinni. Ef unga fólkið vill ekki
lengur sækja fagleg námskeið þá
missir það af inngönguleiðinni í fag-
lega starfið. Núna nær verkalýðs-
hreyfingin í rniklum mæli í trúnaðar-
menn sína og leiðtoga á þessum nám-
skeiðum. En eldhugamir sem eiga að
víkka út starfsemina, þeim er að
fækka.
Unga íólkið vantar
Margir innan dönsku verkalýðshreyf-
ingarinnar óttast framtíðina vegna
þess að þeim virðist unga fólkið vera
að svíkja lit. Ástandið er verst hjá
SiD, danska verkamannasambandinu,
sem hefur misst um 7000 félagsmenn
undir 25 ára aldri á um þremur árum.
-Ný hugsun er að breiðast út, að
hver sé sinnar gæfu smiður. Við
erum að upplifa það að unga fólkið er
að verða meira einstaklingshyggju-
fólk, segir Morten Kaspersen frá SiD.
SiD tekur það mjög alvarlega að
unga fólkið skuli ekki kjósa að vera
félagsbundið. -Það er erfiðara nú til
...................................
Bón
dags að hvetja ungt fólk til félagsað-
ildar. Flestir hafa flotið í gegnum líf-
ið án þess að þurfa að berjast fyrir
neinu, segir Steen Andersen, SiD.
Til þess að ná nýjum félagsmönn-
um fer SiD út í tækniskólana og býð-
ur nemendum þeirra að ganga í félag-
ið. Mikilvægustu rökin eru sem fyrr
að sem SiD-félagi gangi maður inn í
samninga um laun og vinnuskilyrði,
vinnuumhverfi og öryggismál. Unga
fólkinu bjóðast einnig ýmsar trygg-
ingar á hagstæðu verði.
Danskir málmiðnaðarmenn hafa
orðið varir við nokkra fjölgun félags-
manna á undanförnum árum. Samt
sem áður er Wilhelm Jörgensen ritari
sambandsins var um sig þegar talið
berst að framtíðinni. -Á næstu árum
eru að koma fámennari árgangar og
samtímis yfirgefa fleiri aldraðir
vinnumarkaðinn. Það mun merkja
fækkun félagsmanna. -Stóriðjan,
verður fámennari og fámennari
vegna lokunar fyrirtækja, en mikill
uppgangur er í tölvugeiranum. Á
tölvu- og tæknisviðinu er mesti vaxt-
arbroddurinn. Hér er flest unga fólkið
í vinnu og þangað þurfum við að leita
ef við ætlum að fá það til liðs við
félögin.
Jyllands-Posten 3. des. 1997 og
FokuslAktuelt 3.jan. 1998.
Verðmæti vinnunnar felast ekki síst í þekkinguni sem að baki býr.
Hluti af starfskjörum félaga í Félagi járniðnaðarmanna felst í rétti þeirra til að efla
og auka faglega þekkingu með því að sækja tækninámskeið
Fræðsluráðs málmiðnaðarins.
Ör þróun og margvíslegar breytingar eiga sér stað í þeim fjölmörgu atvinnugreinum
sem störf félaga í Félagi járniðnaðarmanna ná til. Tækninámskeið
Fræðsluráðs málmiðnaðarins eru því eðlilegur
og nauðsynlegur hluti af starfinu.
Skráning á tækninámskeiðin fer fram hjá Félagi járniðnaðarmanna.
FELAG JARNIÐNAÐARMANNA
SUÐURLANDSBRAUT 30 • 108 REYKJAVÍK • SÍMI 533 6020 • FAX 553 9375
- Með hagsmuni felagsmanna að leiðarljósi -
Opið alla daga nema sunnudaga
- og þvottastöðin hf.
Sóltúni 3, sími 551 4820
Vinnan
11