Bæjarins besta - 04.06.1997, Blaðsíða 2

2 MIÐVIKUDAGUR 4. JÚNÍ 1997
Útgefandi:
H-prent ehf.
Sólgötu 9,
400 Ísafjörður
% 456 4560
o 456 4564
Ábyrgðarmenn:
Sigurjón J. Sigurðsson
Halldór Sveinbjörnsson
Ritstjóri:
Sigurjón J. Sigurðsson
Blaðamaður:
Magnús Hávarðarson
Netfang:
hprent@snerpa.is
Stafræn útgáfa:
http://www.snerpa.is/bb
Bæjarins besta
Stofnað 14. nóvember 1984
Bæjarins besta er aðili að samtökum bæjar- og héraðsfréttablaða. Eftirprentun, hljóðritun, notkun ljósmynda og annars efnis er óheimil nema heimilda sé getið.
?Spurning
in
Er Ingibjörg
gengin í BG
aftur Baldur?
Leiðari
Strax og tillaga Hafrannsóknarstofnunar um 32ja þúsund tonna
aukningu á þorskafla á næsta kvótaári var gjörð heyrinkunn, leyndi
sér ekki um hvað kvótaúthlutun sjávarútvegsráðuneytisins snýst að
verulegu leyti.
Hagsmunaaðilum í sjávarútvegi hafði vart gefist tími til að segja
álit sitt á tillögu Hafró þegar fjármálaspekúlantarnir höfðu tekið fram
reiknistokkinn. Þeir áttuðu sig strax á öllum milljónunum sem liggja í
óveidda þorskinum úti fyrir ströndum landsins og sem nú skyldi bætt
á silfurfatið.
Af mikilli fimi útskýrði verðbréfasali fyrir fréttamanni og hlustendum
ríkisútvarpsins hvaða áhrif þetta kæmi til með að hafa á
hlutabréfamarkaðinn, og hvernig hlutabréf þeirra fyrirtækja, sem
eiga mestu ítökin í þeim gula, myndu hækka í verði umfram hinna,
sem byggja hlutdeild sína í þjóðareigninni á öðrum og verðminni
tegundum. Greinilegt var að verðbréfasalinn sá fyrir sér ómælda
kommisjón við stöðug eigendaskipti á hlutabréfum í sjávarútvegs-
fyrirtækjunum.
Kvótabankastjóri, sem var rætt við, var vel heima í málinu. Niður-
stöður hans kristölluðust í upphæðum frá milljóna tug til nokkurra
hundruða milljóna per einstakling eða fyrirtæki í verðmætaaukningu
úthlutaðs kvóta eftir stærð báta og skipa. Bankastjórinn var þó ekki
Mergurinn málsins
eins bjartsýnn og verðbréfasalinn varðandi eigin hlut. Hann átti
jafnvel von á því að nú tækju kvótaeigendur upp á því í auknum
mæli að gera út og því yrði væntanlega minni kvótasala en áður.
Þetta hljóta að teljast tíðindi. Óneitanlega er útgerð meira umstang,
en fjölmargir kvótahafar hafa verið að þreyta sig á til þessa.
Gíróseðill sem flutti himinháar upphæðir milli bankareikninga, sem
greiðslu fyrir óveiddan fisk, var ólíkt þægilegra og áhættuminna en
að stússast í útgerð. Á meðan gat áskrifandi kvótans notið hins ljúfa
lífs á ströndum fjarlægs lands.
Verðbréfasalinn og kvótabankastjórinn töluðu ekki undir rós. Þeir
sögðu hreint út um hvað málið snýst. Hagnað af hlutdeild í
takmarkaðri auðlind, sem úthlutað er ókeypis. Um þetta snýst
málið. Enginn hugleiddi hvað kvótaaukningin gæti þýtt fyrir
atvinnulífið og atvinnulaust fólk í sjávarplássum, fólk sem nú má ekki
bjarga sér. Málið snýst ekki um það hvort sjávarpláss lifir eða deyr.
Það er algjört aukaatriði.
Umræðan kemur ekki á óvart. Þetta er kvótakerfið, verndað af
fulltrúum okkar á hinu háa Alþingi. Kvótakerfið snýst ekki um fólk og
velferð þess. Tilgangur þess er allur annar og honum verður ekki
breytt fyrr en fólkið sjálft tekur til sinna ráða.
s.h.
Baldur Geirmunds-
son, tónlistarmaður:
„Nei, hún söng bara
með að þessu sinni
vegna þess að Lions-
menn óskuðu sérstak-
lega eftir því. Þeir vildu
vera með uppákomu
sem kæmi á óvart og ég
held að það hafi tekist
nokkuð vel. Ingibjörg
kom fram nokkrum sinn-
um og söng að sjálf-
sögðu lokalagið - Þín
innsta þrá.“
Landsþing Lionshreyf-
ingarinnar var haldið á
Ísafirði um helgina. Í
lokahófinu sem haldið
var í íþróttahúsinu á Torf-
nesi, lék hljómsveit Bald-
urs sem ákveðinn
skemmtistaður á Ísafirði
kallar „Súperdúettinn
Baldur & Magga.“ Það
kom mörgum skemmti-
lega á óvart þegar hin
ástsæla söngkona Ingi-
björg Guðmundsdóttir
hóf upp raust sína með
fyrrum félaga sínum í
hinni landsþekktu hljóm-
sveit, BG & Ingibjörg.
Eins og segir á öðrum stað í blaðinu þá var miðlunartillögu
ríkissáttasemjara í vinnudeilunni á Vestfjörðum hafnað af
aðildarfélögum ASV í atkvæðagreiðslu sem fór fram s.l. föstudag.
Deiluaðilar sátu óformlegan fund með sáttasemjara á mánudaginn
en án nokurrar niðurstöðu eða árangurs. Ekki er ljóst á þessari
stundu hver næstu skref til sátta verða hjá aðilum deilunnar.
Nokkrar líkur eru þó taldar á nýrri miðlunartillögu frá sáttasemjara
þar sem reynt yrði að fara bil beggja hvað varðar ýmsar tæknilegar
útfærslur sem þó myndu ekki leiða til kostnaðarauka.
Davíð Oddsson, forsætisráðherra, hefur hafnað hugmyndum
um lagasetningu og telur slíka stjórnvaldsaðgerð ekki tímabæra
að svo komnu máli. Greinilegt er þó að þrýstingur á að stjórnvöld
grípi í taumana vex með degi hverjum. Mátti m.a. heyra þá
skoðun í máli Einars Odds Kristjánssonar, þingmanns
Vestfirðinga, á Rás 2 í síðustu viku, en þar voru verkfallsmálin
til umræðu hjá Einari Oddi, Sighvati Björgvinssyni og Gunnlaugi
M. Sigmundssyni. Í máli Sighvats kom fram að á Vestfjörðum
væru skilin á milli verkafólks og kvótaeigenda greinilegri en
annars staðar og rakti hann hörkuna í verkfallinu m.a. til þess.
Líkur á nýrri miðlunartillögu
Vinnudeilan á Vestfjörðum
Vegna þess ástands sem
ríkir nú í atvinnumálum
Ísafjarðarbæjar er erfiðara
fyrir unglinga að fá vinnu
en oftast áður. Aðsókn að
Vinnuskóla Ísafjarðarbæjar
hefur því aukist mjög um-
fram það sem áætlað var
og er fjárhagsáætlun
sprungin miðað við þann
vinnutíma sem gert var ráð
fyrir í upphafi.
Af þessum ástæðum hef-
ur bæjarráð ákveðið að
breyta vinnutíma í Vinnu-
skóla Ísafjarðarbæjar sem
hér segir:
Unglingar fæddir 1984
vinna í 3,5 klst. á dag í
fjórar vikur.
Unglingar fæddir 1983
vinna í 3,5 klst. á dag í sex
vikur.
Unglingar fæddir 1982
vinna í 7 klst. á dag í sjö
vikur.
Unglingar fæddir 1981
vinna í 7 klst. á dag í átta
vikur.
Ísafjörður
Vinnutími
Vinnuskólans
Stjórnir Hraðfrystihússins
hf., og Miðfells hf., í Hnífsdal
annars vegar og Frosti hf., í
Súðavík hins vegar, samþykktu
á mánudagskvöld sameiningu
fyrirtækjanna. Sveitarstjórn
Súðavíkur, sem á 43% hlut í
Frosta, samþykkti sameining-
una samhljóða sama kvöld og í
kjölfarið stjórn Frosta en áður
höfðu Hnífsdælingar gefið
samþykki fyrir sitt leyti.
Hið nýja fyrirtæki mun bera
nafnið Hraðfrystihúsið hf., og
verður það annað stærsta sjáv-
arútvegsfyrirtæki á Vestfjörð-
um. Kvóti þess verður um sjö
þúsund þíg.tonn og er veltan
áætluð um tveir milljarðar
króna. Með sameiningunni
næst verulegur sparnaður í
rekstri og fleiri stoðum er rennt
undir reksturinn.
Hraðfrystihúsið hf., - Miðfell
hf., á ísfisktogarann Pál Páls-
son og Frosti hf., á eina full-
komnustu rækjuverksmiðju
landsins auk frystiskipanna
Bessa og Andeyjar. Hið sam-
einaða fyrirtæki verður því með
breiðari rekstur en fyrirtækin
hvort um sig, ísfiskveiðar og
vinnslu annars vegar og rækju-
vinnslu og sjóvinnslu hins
vegar. Þá á Hraðfrystihúsið í
Hnífsdal mjölvinnslu til jafns
við Íshúsfélag Ísfirðinga hf.
Samþykktir stjórna fyrirtækj-
anna verða bornar undir hlut-
hafafundi á næstu vikum en
gert er ráð fyrir að sameiningin
taki gildi frá og með 1. ágúst
nk. Hið nýja fyrirtæki verður
skráð á Opna tilboðsmarkaðn-
um.
Viðræður hafa farið fram við
forsvarsmenn Gunnvarar hf.,
og Íshúsfélags Ísfirðinga hf.,
um samvinnu, sérstaklega á
sviði útgerðar, en Gunnvör
hefur yfir að ráða sjö þúsund
tonna þorskígildiskvóta og
þremur togurum, Júlíusi Geir-
mundssyni, Stefni og Fram-
nesi.
,,Ég er mjög stoltur af þessari
niðurstöðu, ekki aðeins fyrir
hönd Súðvíkinga heldur Hnífs-
dælinga einnig. Þarna er verið
að koma á laggirnar fyrirtæki
sem getur tekist á við verkefni
í takt við nýja tíma. Það eru
fleiri stoðir undir rekstri hins
nýja fyrirtækis, það er í bolfisk-
vinnslu, rækju og á hlut í mjöl-
verksmiðju. Þau fyrirtæki sem
hafa átt mestri velgengni að
fagna í landinu, hafa einmitt
haslað sér völl í þessum grein-
um,” sagði Ágúst Kristinn
Björnsson, sveitarstjóri í Súða-
vík og stjórnarmaður í Frosta.
,,Við erum ánægðir með
þessa niðurstöðu. Þarna er
komið öflugt fyrirtæki sem
mun styrkja byggðir við Djúp.
Við höfum verið í viðræðum
síðan í mars og ég trúi því að
sameiningin verði Súðvíking-
um og Hnífsdælingum til fram-
dráttar. Þetta er liður í endur-
skipulagningu sjávarútvegs á
Vestfjörðum. Það er fagnaðar-
efni,” sagði Einar Valur Krist-
jánsson, stjórnarformaður
Hraðfrystihússins hf.
Hnífsdælingar og Súðvíkingar sameinast í öflugu fyrirtæki
Nýr sjávarútvegsrisi á Vestfjörðum