Bæjarins besta - 16.09.1998, Page 3

MIÐVIKUDAGUR 16. SEPTEMBER 1998 3
Ísafjarðarbær
Af bæjarmálum
Fyrsti fundur bæjarstjórn-
ar Ísafjarðarbæjar eftir sum-
arleyfi var haldinn á Þing-
eyri í síðustu viku. Áður en
fundurinn hófst fór dagskrá
fundarins í dreifingu en þar
kennir margra grasa eins og
oft áður.
Bæjaryfirvöld í Ísafjarð-
arbæ hafa ákveðið að taka
kauptilboði Pálínu J. Jens-
dóttur í fjósið á Kirkjubæ í
Skutulsfirði. Pálína er dóttir
Jens Guðmundssonar frá
Bæjum sem er látinn, en
hann bjó á Kirkjubæ um
árabil.
Brynja Pála Helgadóttir
hefur sent bæjaryfirvöldum
bréf þar sem óskað er eftir
endurskoðun á leikskóla-
gjaldi fyrir þá er hefja munu
fjarnám í hjúkrunarfræði á
Ísafirði við Háskólann á Ak-
ureyri í haust. Bæjarráð vís-
aði málinu til skóla- og
menningarfulltrúa bæjarins.
Ragnar Edvaldsson forn-
leifafræðingur hefur ritað
bæjaryfirvöldum bréf þar
sem hann spyrst fyrir um
áhuga Ísafjarðarbæjar á
skráningu fornleifa í bæjar-
félaginu. Ragnar hefur und-
anfarin misseri séð um
skráningu fornleifa í Bol-
ungarvík. Erindinu var vísað
til umhverfisnefndar.
Kolbrún Sverrisdóttir hef-
ur ritað bæjaryfirvöldum
bréf þar sem hún fer fram á
styrk til námskeiða í ís-
lensku fyrir nýbúa í Ísafjarð-
arbæ. Erindinu var vísað til
félagsmálanefndar og
fræðslunefndar.
Ólafía Karlsdóttir og
Rögnvaldur Bjarnason
Smárateigi 1 í Hnífsdal hafa
ritað bæjaryfirvöldum bréf
þar sem óskað er eftir að
þinglýstri kvöð um dvalar-
tíma í húsinu við Smárateig
1 verði aflétt, en umrætt hús
var selt á niðursettu verði
þar sem það stendur á snjó-
flóðahættusvæði. Bæjar-
yfirvöldum er ekki heimilt
að verða við erindinu segir í
bæjardagskrá.
Sumarbústaðaeigendur í
Tungudal hafa ritað bæjar-
yfirvöldum bréf þar sem
óskað er eftir úrbótum á að-
gengi að sumarbústöðum
þeirra, með lagningu vega.
Erindinu var vísað til um-
hvefisnefndar.
Önfirðingafélagið í
Reykjavík hefur ritað bæj-
aryfirvöldum bréf þar sem
félagið óskar formlega eftir
kaupum á húseigninni Sól-
bakka 6 á Flateyri. Bæjarráð
óskaði eftir formlegu kaup-
tilboði frá félaginu og fól
bæjarstjóra að óska eftir
heimild Ofanflóðasjóðs til
sölu eignarinnar.
Íbúar við Seljalandsveg á
Ísafirði, frá númer 76 og inn
að Engi hafa ritað bæjar-
yfirvöldum bréf þar sem
óskað er eftir niðurfellingu
fasteignagjalda, þar sem
þessar húseignir eru á svo-
kölluðu rauðu svæði vegna
hugsanlegra snjóflóða úr
Eyrarfjalli. Í fundargerð
bæjarráðs segir að ráðið hafi
ekki heimild til niðurfell-
ingar fasteignagjalda, en
bæjarstjóra var falið að
kanna málið nánar.
Lögmannastofan Skeif-
unni 11a í Reykjavík hefur
sent bæjaryfirvöldum bréf
þar sem fram kemur að
Kvenfélagið Ósk á Ísafirði
hefur falið stofunni málefni
sín vegna viðskipta við Ísa-
fjarðarbæ um Austurveg 11
á Ísafirði, þar sem Tónlist-
arskóli Ísafjarðar er til húsa.
Norðanverðir Vestfirðir
Bæjarfélög móta
vímuvarnastefnu
Bæjarstjórnir Bolungar-
víkur og Ísafjarðarbæjar og
hreppsnefnd Súðavíkur-
hrepps ásamt félags- og
fræðslunefndum sveitarfé-
laganna munu koma saman
á Núpi í Dýrafirði nk. laug-
ardag til að hefja vinnu við
mótun samræmdrar vímu-
varnastefnu sveitarfélag-
anna.
Auk framangreindra aðila
hefur mörgum öðrum verið
boðið að taka þátt í mótun-
inni með því að mæta til
vinnufundarins. Þar á meðal
eru stjórnir íþróttafélaga,
björgunarsveita og þjálfarar.
Allir frá heilsugæslu, kenn-
arafélögum, foreldrafélög-
um, nemendafélögum og
lögreglu, svo fáir séu nefnd-
ir, hafa einnig fengið boð
um að taka þátt í mótuninni.
Móðir fjallar um áfengissölu til unglinga og fíkniefni
Hvers vegna er ekki
farið að lögum?
Móðir sem vill ekki láta
nafns síns getið opinberlega
kom að máli við blaðið og
hafði eftirfarandi að segja:
„Í þessu landi eru lög um
það, hvað má og hvað má ekki.
Til dæmis mega unglingar
yngri en 18 ára ekki fá af-
greiddar sígarettur. En þeir fá
samt afgreiðslu hér vestra og
það skiptir sér enginn af því.
Það er iðulega verið að klaga
þetta til lögreglunnar og hún
er jafnvel að fara á staðina, en
það er í rauninni enginn þrýst-
ingur á þá sem selja þetta að
fara að lögum.
Á skemmtistöðunum hérna,
Eyrinni, Sjallanum, Vagnin-
um á Flateyri – ég þori ekki
að segja um Finnabæ í Bol-
ungarvík, ég þekki það ekki
nógu vel, en ég veit fullkom-
lega um hina staðina þrjá –
þar komast inn börn allt niður
í 16 ára aldur og fá afgreitt
áfengi eins og ekkert sé. Í vor
hafði ég persónulega samband
við lögregluna, til þess að
sautján ára sonur minn fengi
ekki inngöngu og afgreitt
áfengi á Eyrinni. Það hafði
ekkert að segja. Lögreglan á
að halda uppi lögum. Hún tek-
ur þessa sömu unglinga fyrir
að aka of hratt, sem betur fer,
og þeir þurfa að borga mörg
þúsund krónur í sekt fyrir það.
En hvers vegna fylgjast ekki
sýslumaður og lögregla og
bæjaryfirvöld með því, að þeir
sem hafa leyfi til að reka
vínveitingahús fari að lögum?
Hvers vegna fylgjast þessir
aðilar ekki með því, að börnin
okkar fái ekki afgreiðslu þar?
Þau fá líka afgreiðslu í
verslun ÁTVR á Ísafirði allt
niður á 18 ára gömul. Ég veit
um móður sem kvartaði við
lögreglu um þetta út af syni
sínum í vor, en þetta hefur
ekki breyst. Þessi sami piltur
gengur ennþá inn í áfengis-
verslunina og fær afgreiðslu.
Ég þekki pilt sem er kominn
yfir tvítugt í dag, og hann sagði
mér að þegar hann var 16 ára
gamall og var að byrja í Fram-
haldsskólanum, þá fékk hann
afgreiðslu af því að hann var
með skegg, og hann sá um að
kaupa brennivínið fyrir krakk-
ana sem bjuggu á heimavist-
inni.
Ég er þeirrar skoðunar, að
þegar börnin hafa óhindraðan
aðgang að sígarettum og
áfengi í trássi við lög, án þess
að nokkur skipti sér af því, þá
muni leiðin hjá mörgum liggja
áfram út í fíkniefnin. Hér er
fullt af sölumönnum og sífellt
eru að bætast við nýir ein-
staklingar sem eru í þessum
efnum. Mér finnst eins og
ekkert sé að gerast. Samtökin
VÁ VEST (Vímuvarnir á
norðanverðum Vestfjörðum)
verða að hafa dyggan stuðning
sveitarfélaganna og yfirvalda
almennt til þess að geta náð
þeim árangri sem þau stefna
að.
Mér er nóg boðið. Hvers
vegna er fólkið sem rekur
þessa staði ekki látið fylgja
lögum? Hvers vegna er versl-
un ÁTVR ekki látin fylgja
lögum? Mér finnst ekki síður
brýnt að farið sé að lögum í
þessum efnum og því fylgt
eftir en í umferðinni. Bæjar-
yfirvöld virðast bæði sofandi
og skilningslaus og ég er
hrædd um að lögreglan sé of
vanmáttug. Það þarf að gera
fleira en að stöðva þá sem aka
of hratt.“
Skipasmíðastöðin á Ísafirði
Framkvæmdastjóraskipti
– og nýr læknir tekur til starfa á Heilbrigðisstofnuninni í Ísafjarðarbæ
Framkvæmdas t jó ra -
skipti verða í Skipasmíða-
stöðinni á Ísafirði um mán-
aðamótin. Sigurður Jónsson
skipatæknifræðingur sem
hefur gegnt starfinu undan-
farin ár mun hverfa til ann-
arra verkefna, sem ekki er
tímabært að greina frá að svo
stöddu.
Við tekur Matthías Einars-
son, 33 ára viðskiptafræðing-
ur, sonur Einars Matthíasson-
ar sem á sínum tíma var kaup-
félagsstjóri á Ísafirði. Eigin-
kona Matthíasar er Þóra
Gunnarsdóttir læknir, og mun
hún koma í stað Helga Sig-
mundssonar læknis á Heilsu-
gæslunni, sem fór til fram-
haldsnáms í Bandaríkjunum í
sumar. Matthías hefur áður
starfað hjá Ríkisbókhaldi og
síðan hjá Siglingastofnun.
Stjórn Skipasmíðastöðv-
arinnar á Ísafirði hefur
ráðið nýjan framkvæmda-
stjóra.
Nokkrir fulltrúar íbúa í Hnífsdal gengu í síðustu viku á fund bæjaryfirvalda í Ísafjarðarbæ og afhentu undirskriftalista
með tilmælum um að Hnífsdalsútibú Grunnskólans á Ísafirði verði starfrækt áfram fyrir 1.-4. bekk. Á myndinni taka
þau Birna Lárusdóttir forseti bæjarstjórnar, sem einnig á sæti í fræðslunefnd, og Halldór Halldórsson bæjarstjóri við
erindi Hnífsdælinga.
Vilja hafa skóla áfram í Hnífsdal