Börn og menning - 01.09.2009, Qupperneq 7
Frá ritstjóra
7
myndunum og er jafnvel til f að
leggja mikið á sig eða snara út
umtalsverðum upphæðum til
að bæta við safnið. Hvað sem
fólki finnst um umræddar fjöldaframleiddar
eftirprentanir eru þessar myndir enn býsna
vinsælar og þær hafa óneitanlega ákveðinn
sjarma.
Því er endalaust hægt að velta fyrir sér
hvað það er sem heillar okkur svo mikið
við grátandi börn að við kjósum að hengja
myndir af þeim upp á vegg. Börnin horfa
út úr myndunum með tárin rennandi niður
kinnarnar og hvert og eitt okkar ímyndar
sér vísast ólíka sögu þess, það sem býr að
baki sorginni. Með því að horfa á mynd
af tárvotu barni fær fólk sjálfsagt útrás
fyrir allskonar tilfínningar; væntumþykju,
samúð og meðlíðan, og kannski gráta
börnin hreinlega fyrir okkur tárunum sem
við kyngjum stundum, en langar öll að fella
þegar eitthvað bjátar á.
Aðrar fjöldaprentaðar myndir í svipuðum
stíl og myndirnar af grátandi krökkunum
hans Brunos Amadios hanga víða á veggjum
íslenskra heimila. Ein þeirra er á forsfðu
þessa heftis af Börnum og menningu, hana
kannast örugglega fjölmargir lesendur við
eða hafa jafnvel hangandi uppi á vegg hjá
sér. Mér hefur hins vegar ekki tekist að finna
neinar upplýsingar um málara myndarinnar
af vel snyrtu konunni sem huggar litla,
tárvota barnið sitt, dálítið fjarræn á svip.
Hausthefti Barna og menningar 2009
Efnið í þessu hefti af Börnum og menningu
vekur vonandi áhuga lesenda. í tilefni
þess að sextíu ár eru liðin síðan bók J.R.R.
Tolkiens, Gvendur bóndi á Svínafetti, kom út
í Bretlandi og þrjátíu ár síðan hún kom út í
íslenskri þýðingu, hefur Ármann Jakobsson
skrifað fróðlega og skemmtilega grein um
Gvend bónda. Þorgerður E. Sigurðardóttir
fjallar um hinar gríðarvinsælu Fíusólarbækur
Kristínar Helgu Gunnarsdóttur, sem
fékk Sögusteinsverðlaunin í vor, og
umsjónarmenn Leynifélagsrns hjá RÚV segja
frá útvarpsþáttunum sínum, sem fengu
Vorvindaviðurkenningu IBBY á árinu. Einnig
eru í blaðinu greinar um nokkrar nýlegar
þýddar barna- og unglingabækur, auk fastra
liða. Lesendum blaðsins óska ég notalegs
vetrar.
Þórdís Gísladóttir ritstjóri