Reginn - 01.02.1968, Blaðsíða 7

R E G I N N
7
Raddir æskunnar Raddir æskunnar
Hvatning
Erum við ekki einmitt á æskuárum
okkar næmust fyrir ýmsum utanaðkom-
andi áhrifum, bæði illum og góSum? ÞaS
er sagt, að það sé á okkar eigin valdi að
velja og hafna, og víst er svo í flestum
tilfellum. En það er mikill vandi, ekki
sízt æskufólki, að velja og hafna rétt, og
sannarlega eiga þeir aðilar, foreldrar, skóli
og góður félagsskapur, sem reyna að
hjálpa okkur til að velja rétt, þakkir
skyldar. En eigi að siður verðum við að
sýna sterka og sjálfsábyrga hugsun og
vilja til þess að velja og hafna rétt.
Því miður sjáum við oft margt æsku-
fólk leita gleðinnar með hjálp eiturlyfja,
tóbaks og áfengis. 1 byrjun er þetta í smáum stíl og á líklega
aldrei að verða meira, og þá talið lítt saknæmt af mörgum, en oft
reynist erfitt að finna mörkin og áfram haldið út í óreglu.
Þeir munu ekki vera fáir, sem leiðast út í að taka fyrsta staupið
eða reykja fyrstu sígarettuna að áeggjan félaga sinna og jafnaldra
og þola ekki ögrunarorð þeirra, sem þegar hafa valið skakkt. En
þeir sem vilja okkur vel, og reynsluna hafa, vara okkur við neyzlu
áfengis og tóbaks. Veljum því rétt. Höfnum alveg áfengi og tóbaki.
Tökum aldrei fyrsta sopann eða fyrstu sígarettuna. Það kostar oft
baráttu, en hún borgar sig.
Sem betur fer höfum við stuðning í þeirri baráttu, bæði frá for-
eldrum okkar, barnastúkunni og æskulýðsheimilinu. Þessir aðilar
reyna eftir beztu getu að leiðbeina okkur um skaðsemi áfengis og
tóbaks. Veitum hvert öðru hvatningu til að velja rétt. Veljum
bindindi. Með því sköpum við okkur sjálfum gæfu, foreldrum okk-
ar gleði og samfélaginu gagn.
Ólöf H. Skúladóttir
Forðumst fyrsta staupið
Enn eigum við að láta í ljós álit okkar
á stærsta og mesta böli þjóðarinnar, á-
fengisbölinu. Áfengi og tóbak eru skað-
legir förunautar okkar mannanna, og ekki
sízt unglinga. Þeir eru fjölmargir ungl-
ingarnir nú, sem eru farnir að reykja og
einnig að smakka áfengi mjög ungir,
jafnvel um fermingu. Ég tel að fullorðna
fólkið eigi oft sök á þessu, því bæði börn
og unglingar eru allt of oft látin sjá þeg-
ar fullorðnir sitja að drykkju. Ég tel, að
þetta beri að forðast. Hafa ekki þeir for-
eldrar betri samvizku í þessum efnum
gagnvart börnum sínum, sem aldrei neyta
áfengis sjálfir. Dæmin eru því miður svo
ótal mörg, sem hægt væri upp að telja, um böl og óhamingju, sem
áfengið hefur í för með sér. Þess vegna ættum við unga fólkið
að ganga á undan með góðu eftirdæmi, og vera öðrum til fyrir-
myndar í þessum efnum. Væri ekki réttara að við reyndum að
safna aurum okkar og kaupa einhverja nytsama hluti, þegar við
erum orðin fullorðin, heldur en eyða peningum okkar í þessar
hættulegu nautnavörur. Einnig ber þess að gæta hvað áfengis- og
tóbaksnautn eru hættuleg heilsu manna. Áfengið hefur skaðleg
áhrif á taugakerfið, en tóbak á lungu og hjarta. Hugsum okkur
einnig öll þau slys og allt það tjón, sem menn undir áhrifum
áfengis hafa valdið, jafnvel dauða á sér og sínum.
Kæru vinir, við skulum vera samtaka og falla ekki fyrir freist-
ingunni í þessum efnum. Ég tel eina ráðið til þess vera að reykja
aldrei fyrstu sígarettuna eða taka fyrsta vínstaupið.
Fanney Hafliðadóttir
Raddir æskunnar Raddir æskunnar
BARNASKÓLINN Framhald af 5. síðu
Tóbak
1 tóbaki er mjög sterkt og hættulegt
eitur, sem nefnist nikótín. Líklegt væri,
að enga fýsti að reykja í annað sinn, en
alltof margir halda áfram og venja sig
á tóbaksnotkun. Tóbaksreykingar eru
skaðlegar fyrir mannslíkamann. Stórreyk-
ingamenn eiga á hættu að fá kransæða-
stíflu og einnig lungnakrabba. Einnig eyð-
ist mikið fé fyrir tóbak, og án efa væri
því fé betur varið til annarra hluta. Ef
þú byrjar að neyta tóbaks, er það því ekki
vegna þess að þig langi í það, eða þér
þyki það gott. Þú byrjar ef til vill vegna
þess, að fullorðna fólkið notar tóbak og
þig langar til að líkjast því. Þú ættir að
athuga vel, að fullorðna fólkið gerir ekki alltaf það sem rétt og
skynsamlegt er, og þess vegna mátt þú ekki ævinlega taka það
þér til fyrirmyndar. Og einnig er það lítilmannlegt að láta félagana
ráða yfir sér, þegar þeir gera það sem rangt er.
Margrét M. Steingrímsdóttir
Drykkjuskapur er óvinur alls sparnaðar og veldur því
fátækt og efnahagslegu umkomuleysi.
★
Því rýmra, sem er um sölu áfengra drykkja, því meira
er neytt af þeim.