Félagstíðindi Starfsmannafélags ríkisstofnana - 10.03.2001, Blaðsíða 4
HlSkýrsla stjtirnar SFR 2 0 0 0
Jens Andrésson
formaður
greinir frá
starfi liðins árs.
Aðalfundur SFR árið 2000
61. aðalfundur SFR var haldinn í
Félagamiðstöðinni að Grettisgötu 89
laugardaginn 25. mars 2000. Jens
Andrésson, formaður SFR, setti
fundinn og bar undir fundarmenn
tillögu um fundarstjóra og fundarrit-
ara og var hún samþykkt. Fundar-
stjórar voru Pétur Elísson og ína Fl.
Jónasdóttir en ritarar Sigrún Geirs-
dóttir og Þorleifur Óskarsson. Fund-
arstjóri tók því næst við stjórninni
og bar fundargerð síðasta aðal-
fundar upp til samþykktar. Sú venja
hefur skapast að fundargerðin ligg-
ur frammi á fundinum en er ekki
lesin upp. Þá var minnt á að hún
hefði verið öllum aðgengileg á
heimasíðu félagsins undanfarna
mánuði. Til þess þó að gefa fundar-
mönnum betra svigrúm til að kynna
sér fundargerðina var ákveðið að
bera hana upp undir lok fundarins
og var hún þá samþykkt samhljóða.
Jens Andrésson, formaður SFR,
flutti skýrslu stjórnar. í lok ræðu
sinnar gat hann þriggja stjórnar-
manna, sem nú færu úr stjórn fé-
lagsins, þeirra Ingibjargar Öskars-
dóttur varaformanns, Einars Andrés-
sonar ritara og Elísar Þorsteinssonar.
Þá hafði Kolbrún Gestsdóttir horfið
úr stjórn fyrir nokkru vegna brott-
flutnings af landinu. Þessu fólki
voru færðar bestu þakkir fyrir sam-
starfið.
Reikningar félagsins
Birna Karlsdótttir gjaldkeri gerði
grein fyrir reikningum félagsins.
Fram kom að tekjur hefðu aukist
verulega síðustu tvö árin og birtist
þar m.a. árangur síðustu samninga.
Útgjöldin mörkuðust hins vegar
nokkuð af veglegu afmælishaldi í til-
efni 60 ára afmælisins og aukinni
áherslu á fræðslumál. Guðmundur
Ingi Waage óskaði eftir skýringum á
kostnaði við afmælishald og svaraði
gjaldkeri þeim fyrirspurnum.
Síðan gerði Birna grein fyrir
reikningum orlofssjóðs. Sigurður I.
Georgsson bryddaði upp á málefn-
um Vaðness, sagði það vera vin-
sælasta orlofssvæðið og full ástæða
til frekari uppbyggingar.
Ólafur Flallgrímsson tók til máls
og vildi bera undir fundinn tillögu
um málefni orlofssjóðs. Fundarstjóri
úrskurðaði að tillagan ætti heima
undir 12. lið dagskrárinnar (Önnur
mál). Frekari umræður urðu ekki um
skýrslu stjórnar og reikninga félags-
ins og hvort tveggja samþykkt sam-
hljóða.
Felagstíðindi
AbyrgðarmaSur: Jens Andrésson
Ritnefnd: Birna Karlsdóttir, Jan Agnar Ingimundarson, Eyjólfur Magnússon,
Sigríður Kristinsdóttir og Valdimar Leó Friðriksson
Umsjón: Arni St. Jónsson og Jóhanna Þórdórsdóttir
Umbrot: BlaSasmiSjan
Prentun: Hjó GuSjónO
Skrifstofa SFR er ó Grettisgötu 89, 105 Reykjavík
Opið: 8-16.
Sími: 562-9644
Bréfasími: 562-9641
Símatími: 9-16
Jens Andrésson formaSur (jens@sfr.bsrb.is) og Árni Stefón Jónsson
framkvæmdastjóri (arni@sfr.bsrb.is) eru meS símatima kl. 9-10 .
Heimasíða: www.sfr.bsrb.is
m
Félagstíðindi - mars 2001