Félagstíðindi Starfsmannafélags ríkisstofnana - 10.03.2001, Blaðsíða 11
Skyrsla sljórnar SFR 2 0 0 0 Q
Námskeiðslok á Lykilnámskeiði fyrir starfsmenn Landspítala- háskólasjúkrahúss.
Á Landspítala-Háskólasjúkrahúsi
var áfram boðið upp á námskeið
sem bera heitið Lykiil. Um er að
ræða Lykil I þar sem 40 stundir eru
almennt námsefni og 20 stundir
sérhæft námsefni sem er útfært fyrir
mismunandi starfshópa innan spítal-
ans. Haldin voru fimm slík námskeið
fyrir félagsmenn Starfsmannafélags
ríkisstofnana og Starfsmannafélags
Reykjavíkurborgar. Var það gert í til-
efni af sameiningu spítalanna. Þá
var einnig unnið að undirbúningi
framhaldsnámskeiðs sem ber heitið
Lykill II en þar eru 20 stundir helg-
aðar almennu námsefni og 40
stundir sérhæfðu námsefni. Farið
var af stað með almenna hluta Lykils
II á haustönn og voru fjögur slík
námskeið í boði. Sérhæfði hlutinn
verður kenndur á vorönn 2001.
Sýslumannsembættin Námskeið
sem skipulögð voru fyrir starfsmenn
sýslumannsembættanna hafa verið
gríðarlega vel sótt. Um er að ræða
60 stunda námskeið sem bæði hef-
ur farið fram í gegnum fjarfunda-
búnað, og þá verið sent um land
allt, eða þá að þátttakendum hefur
verið hópað saman á einn stað og
þá oftast til Akureyrar eða Reykja-
víkur.
Tryggingastofnun ríkisins (TR) fór
af stað með námskeið fyrir starfsfólk
og tengdist námsefnið meðal annars
því hvernig auðvelda mætti starfs-
fólkinu að sækja upplýsingar í tölvu-
kerfi stofnunarinnar, hvernig bæta
megi samskipti inn á við og við við-
skiptavinina, ásamt því að kynna
lagaumhverfi TR. Námskeiðin voru
vel sótt og ánægja með þau.
Sogn. Haldið var námskeið á Réttar-
geðdeildinni að Sogni þar sem farið
var yfir mikilvæga þætti sem snerta
starf öryggisgæslumanna á réttar-
geðdeild og einnig var lögð áhersla
á þætti eins og geðsjúkdómafræði,
lögfræði, samskipti og skráningar.
Háskóli íslands hefur verið með í
gangi námskeið fyrir starfsmenn
sína sem ber heitið Sæmundur og
varð framhald á því á árinu. Um var
að ræða þróunar- og þjálfunarverk-
efni i formi fræðslu, vinnufunda og
gæðastarfs fyrir stjórnendur og
starfsfólk sem starfa við umsjón,
ræstingu, útleigu og viðhaldsmál
húsakynna og bygginga HÍ, tækni-
þjónustu og mötuneyti.
Héraðsdómstólar. Haldin voru
námskeið fyrir ólöglærða starfs-
menn héraðsdómstólanna sem
Dómstólaráð stóð að. Aðaláherslan
var lögð á að fara yfir undirstöðuat-
riði í lögfræði, einkum hvað snertir
dómstólana. Einnig var fjallað um
aðferðir til að ná tökum á streitu.
Framhaldsnámskeið
Rekspölur
Unnið var að útfærslu á Rekspeli II á
árinu. Ætlunin er að þar verði boðið
upp á fjölþættara námsefni en á
Rekspeli I og mun þar kenna ýmissa
nýrra grasa. Námsáherslur verða
sveigjanlegri og munu þátttakendur
geta valið á milli greina eftir sínum
áhuga- eða áherslusviðum. Áhersla
verður lögð á félagslega þáttinn og
möguleika fólks til að nýta þær
tæknilausnir sem til eru í upplýs-
ingageiranum með því að koma á
fót fjarnámi.
Þannig munu flestir félagsmenn SFR
eiga kost á virkri símenntun og eins
munu þeir njóta góðs af því metn-
aðarfulla átaki sem BSRB ætlar að
gangast fyrir á árinu 2001 til þess
að auka tölvulæsi.
Félagstfðindi - mars 2001
11