Fréttablaðið - 24.03.2021, Page 8

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Jón Þórisson jon@frettabladid.is, FRÉTTASTJÓRAR: Aðalheiður Ámundadóttir adalheidur@frettabladid.is
Ari Brynjólfsson arib@frettabladid.is, Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is

Ríkisstjórn­
in er meira
eins og
eldgosið
sjálft sem
spúir
kvikunni út
í loftið án
þess að
skeyta um
hvar hún
lendir eða í
hvaða
farvegi
hraun­
fossarnir
storkna.

Félagið
hefur ráðist
í viðamikla
könnun á
kvíða meðal
lesblindra.
Aðalheiður
Ámundadóttir
adalheidur @frettabladid.is
Félag lesblindra vinnur að fræðslu og ýmsum hags-munamálum fyrir um 2.000 félagsmenn, aðstoðar lesblinda og vinnur með aðstandendum og kenn-
urum. Félagið er frjáls félagasamtök sem rekin eru fyrir
sjálfsaflafé án opinberra framlaga.
Til félagsins leita margir stuðnings og fræðslu og veitir
félagið þá þjónustu endurgjaldslaust. Veitt er ráðgjöf
varðandi réttindi lesblindra, greiningar og stuðning
innan skólakerfisins. Sértæk ráðgjöf um hjálpartæki
hefur einnig aukist. Þá hafa kennarar og námsráðgjafar
í auknum mæli leitað ráðgjafar og samstarfs við félagið
enda unnið að sama marki.
Fræðslustarf er viðamikið og hafa fræðsluerindi um
lesblindu, tölvur og snjalltæki verið vel sótt. Þar hefur
verið farið yfir einkenni, líðan og úrræði fyrir lesblinda
og notkun mögulegra hjálpartækja. Félagið hefur haldið
kynningar fyrir börn og unglinga í skólum landsins,
þar sem fræðsla um lesblindu hefur verið veitt og upp-
lýsingar um úrræði til dæmis í tækni og tölvubúnað.
Kennurum og foreldrum hefur einnig staðið til boða
svipuð kynning. Þá fer félagið reglulega í vinnustaða-
heimsóknir.
Allt frá stofnun félagsins hefur verið umræða um
knýjandi þörf fyrir meiri þekkingu á aðstæðum les-
blindra, einkum og sér í lagi þegar kemur að kvíða.
Félagið hefur ráðist í viðamikla rannsókn á kvíða meðal
lesblindra og fengið til verksins Félagsvísindastofnun
Háskóla Íslands. Markmiðið er að skilja betur þær áskor-
anir sem lesblindir og þá sérstaklega börn glíma við, til
að hægt sé að styðja betur við þau.
Lesblinda barna þýðir ekki endilega að þau séu kvíðin
en rannsóknir sýna fylgni þar á milli. Því meiri streitu
sem lesblind börn upplifa því næmari verða þau fyrir
kvíða. Þetta og erfðir getur stuðlað að langvinnri kvíða-
röskun. Börn með kvíðaröskun upplifa oft áhyggjur og
ótta sem nær til skólaumhverfis og annarra þátta í lífinu.
Það getur hamlað þeim að njóta lífsins. Það er mikilvægt
að afla aukinnar þekkingar á stöðu lesblindra og kvíða
þeirra til að auðvelda leiðina að úrræðum sem virka.
Öflugt starf
í þágu lesblindra
Guðmundur S.
Johnsen
formaður Fé-
lags lesblindra
FRÉTTAVAKTIN
kl. 18.30
Fréttaumfjöllun fyrir alla.
í opinni dagskrá á virkum dögum
á Hringbraut og frettabladid.is
Forvalsverkfræði
Samfylkingin í Norðvesturkjör-
dæmi ætlar að kjósa á kjör-
dæmisþingi í fjögur efstu sætin
á framboðslista sínum. Verk-
fræðingurinn Gunnar Tryggva-
son gefur kost á sér í oddvita-
sætið. Sjálfstæðismaðurinn
annálaði Baldur Hermannsson
gefur honum, vel meinandi
væntanlega, vafasamt veganesti
á Facebook. Hann telur Gunnari
menntunina til tekna og bætir
við að honum leiðist „lufsurnar“
til vinstri en voni að „þær beri til
þess gæfu að setja þennan mann
efstan á blað.“ Gunnar sé betri
en enginn „og miklu betri en það
endemis ranimosk sem oftlega
skolar inn í þingsali með fúlum
straumi vinstrimennskunnar.“
Nafn í forgjöf
Gylfi Þór Gíslason, varðstjóri
hjá lögreglunni á Vestfjörðum,
hefur einnig augastað á 1. sætinu
á lista Samfylkingarinnar og
Stefán Pálsson sagnfræðingur
bendir á augljósan styrkleika
sem felist í nafninu. „Ekki hef
ég hugmynd um hver þessi
maður er, en ef þú heitir Gylfi Þ.
Gíslason – ertu þá ekki nálega
sjálf kjörinn í próf kjöri hjá
krötum?“ spyr Stefán með vísan
til kratagoðsagnarinnar Gylfa Þ.
Gíslasonar sem á sínum tíma var
þingf lokksformaður Alþýðu-
f lokksins, forseti sameinaðs
þings og ráðherra fyrir f lokkinn
sem löngu síðar rann inn í Sam-
fylkinguna. toti@frettabladid.is
?Undanfarna daga hafa þúsundir Íslend-inga lagt á sig þó nokkurt ferðalag til að verða vitni að endursköpun lands síns. Ekki er annað að sjá en að við gos-stöðvarnar hafi þverskurður þjóðar-innar komið saman. Sumir splæsa í
þyrlu, f lestir fara gangandi eða hjólandi. Forvitnin
spyr hvorki um stétt né stöðu. Ekkert er í heiminum
eðlilegra eða fallegra en forvitni mannsins um nátt-
úruna og náttúruöflin. Þeir eru í minnihluta sem
niðurlægja sig með því að gagnrýna samborgara sína
fyrir að leggja á sig langa gönguferð til að sjá náttúru-
öflin að verki, sjá landið sitt breytast og endurskapa
sig. Vissulega fara sumir vanbúnir eða í trássi við
reglur og fyrirmæli. Einn var allsber. En það er nú einu
sinni eðli forvitninnar, að vera stundum upp á kant.
Forvitni er allra besti kostur hverrar manneskju.
Forvitið fólk sýnir náunga sínum áhuga og umhyggju.
Það er forvitna fólkið sem leiðir rannsóknir og
vísindastarf í heiminum og þróar nýja tækni. Það er
í fararbroddi í því björgunarstarfi sem stendur yfir
vegna loftslagsbreytinga. Það leiðir nýjungar í læknis-
fræði og erfðafræði. Og forvitni er undirstaða listar og
kímnigáfu.
Forvitnin mun vísa okkur veginn út úr heims-
faraldrinum. Ekki aðeins forvitni þeirra sem þróað
hafa skimunartæki og bóluefni, heldur ekki síður
forvitnin sem mun skapa þau störf og verðmæti sem
við þurfum til að koma okkur aftur á beinu brautina
efnahagslega.
Um þetta ríkir alger samstaða. Þegar hægra fólkið
talar af andagift um einkaframtak, athafna- og við-
skiptafrelsi, á það við hvað forvitnin getur gert sé
henni sleppt lausri. Þegar vinstra fólkið talar um jöfn
tækifæri allra til menntunar er það í rauninni að segja
að forvitni allra sé jafnverðmæt.
Ríkisstjórnin segist hafa veitt meira fé til nýsköp-
unar en nokkur önnur ríkisstjórn í sögunni. Hún
virðist hins vegar því miður ekki skipa sér í hóp
forvitinna Íslendinga sem farið hafa að skoða gosið,
heldur er hún meira eins og eldgosið sjálft sem spúir
kvikunni út í loftið án þess að skeyta um hvar hún
lendir eða í hvaða farvegi hraunfossarnir storkna.
Nú á að leggja niður Nýsköpunarmiðstöð Íslands
öllum að óvörum og án þess að þverpólitískt samtal
hafi átt sér stað um í hvaða farveg fyrrnefnt Íslands-
met í fjármögnun nýsköpunar eigi að fara. Þetta er
ekki eina dæmið um tilviljanakennda stjórnsýslu.
Enginn ræddi við forstöðumann Farsóttarhússins
áður en ákveðið var að hýsa fólk í farsóttarhúsi ef það
kemur frá rauðum löndum. Þúsundum leghálssýna
var pakkað í geymslu af því að hætt var að skima fyrir
leghálskrabbameini án þess að annað plan lægi fyrir
um krabbameinsleit fyrir kvenfólk landsins.
Þessa stjórnlausu stjórnsýslu má sjá á myndum
flestra atvinnu- og áhugaljósmyndara landsins sem
lagt hafa leið sína í Geldingadali síðustu daga. Á
nokkrum þeirra mynda sést einnig íslenska þjóðin
sem heiðraði íslenska náttúrukrafta með nærveru
sinni; bæði af ást á landinu og fjöreggi allra mann-
legra samfélaga, forvitninni.
Forvitni
2 4 . M A R S 2 0 2 1 M I Ð V I K U D A G U R8 S K O Ð U N ∙ F R É T T A B L A Ð I Ð
SKOÐUN