Fréttablaðið - 08.04.2021, Qupperneq 8

Dagskrá:
Venjuleg ársfundarstörf samkvæmt samþykktum sjóðsins
Tillögur til breytinga á samþykktum sjóðsins
Önnur mál
Vakin er athygli á að allir sjóðfélagar eiga rétt til setu á ársfundinum
með málfrelsi og tillögurétti.

Stjórn Gildis–lífeyrissjóðs.
Ársfundur Gildis verður haldinn fimmtudaginn 15. apríl
klukkan 17:00. Vegna sóttvarnarráðstafana verður fundurinn
að fullu rafrænn. Nánari upplýsingar á www.gildi.is.
Gildi–lífeyrissjóður
Rafrænn ársfundur 2021
▪
▪
▪
Lífeyrissjóður www.gildi.is
Fundir með innlendum fjár-festum vegna áformaðs hluta-f járútboðs og sk ráningar
Íslandsbanka á markað munu
hefjast í næstu viku. Búið er að
boða meðal annars lífeyrissjóði og
sjóðastýringarfélög til fundar þar
sem Birna Einarsdóttur, banka-
stjóri Íslandsbanka, og Jón Guðni
Ómarsson, fjármálastjóri bank-
ans, ásamt ráðgjöfum munu halda
frumkynningar fyrir fjárfesta á
bankanum, samkvæmt heimildum
Markaðarins.
Þetta er í fyrsta sinn sem slíkir
fjárfestafundir eru haldnir eftir að
Bjarni Benediktsson, fjármála- og
efnahagsráðherra, ákvað að hefja
formlega sölumeðferð á hlutum í
Íslandsbanka í lok janúar, en mark-
mið þeirra er meðal annars að fara
yf ir rekstur bankans, áætlanir
stjórnenda og leitast eftir sjónar-
miðum f járfesta í aðdraganda
hlutafjárútboðs.
Áformað er að selja á bilinu 25
til 35 prósenta hlut í bankanum
í gegnum útboð og skráningu á
markað um mitt þetta ár. Bókfært
eigið fé Íslandsbanka nam 185
milljörðum í árslok 2020.
Hollenski bankinn ABN Amro er
stjórnendum Íslandsbanka til ráð-
gjafar við söluna. Bankasýslan, sem
heldur utan um eignarhlut ríkisins
í bankanum, réð hins vegar STJ
Advisors sem sjálfstæðan fjármála-
ráðgjafa vegna hlutafjárútboðsins
auk þess sem Citigroup, JP Morgan
og fyrirtækjaráðgjöf Íslandsbanka
voru ráðnir sem leiðandi umsjónar-
aðilar og söluráðgjafar. – hae
Funda með fjárfestum
vegna útboðs bankans
Birna Einarsdóttir, bankastjóri Ís-
landsbanka. FRÉTTABLAÐIÐ/STEFÁN
Rey n i r G r ét a r s s on , stofnandi Creditinfo, er kominn í hóp um þrjátíu stærstu hlut-hafa Arion banka eftir að hafa keypt drjúgan
skerf, eða sem nemur fyrir jafnvirði
um milljarð króna, af þeim tæp-
lega tíu prósenta eignarhlut sem
vogunarsjóðurinn Taconic Capital
seldi í bankanum undir lok síðasta
mánaðar.
Eignarhaldsfélög og ýmsir fjár-
sterkir einstaklingar keyptu meiri-
hluta bréfanna af Taconic, einkum
í gegnum framvirka samninga hjá
bönkunum, samkvæmt uppfærð-
um lista yfir alla hluthafa Arion í
gær, sem Markaðurinn hefur séð.
Íslenskir lífeyrissjóðir, meðal ann-
ars LSR og Lífeyrissjóður verzl-
unarmanna, og verðbréfasjóðir
bættu hins vegar við sig samanlagt
um þriggja prósenta hlut.
Reynir heldur á um 0,5 prósenta
hlut í gegnum félagið InfoCapit-
al, sem þýðir að hann er á meðal
stærri einkafjárfesta í bankanum.
Reynir, sem situr í stjórn fjár-
t æk nifélagsins Sa lt Pay, áðu r
Borgun, seldi um helminginn af 70
prósenta hlut sínum í Creditinfo
í liðnum mánuði til bandaríska
framtakssjóðsins Levine Leitch-
man Capital. Kaupverðið í þeim
viðskiptum, eins og Markaðurinn
hefur áður upplýst um, miðaðist
við að fyrirtækið væri í heild sinni
metið á um 20 til 30 milljarða og
má því ætla að virði þess hlutar
sem Reynir seldi sé allt að 10 millj-
arðar króna.
Taconic Capital, sem var um
langt skeið stærsti hluthafi Arion
banka með nærri fjórðungshlut,
gekk frá sölu á síðustu bréfum
sínum í bankanum – samtals 9,56
prósenta hlut – þann 29. mars síð-
astliðinn fyrir samtals tæplega 20
milljarða króna, en gengið í þeim
viðskiptum var 120 krónur á hlut.
Hlutabréfaverðið hefur hækkað
nokkuð síðan þá og stóð í 126
krónum við lokun markaða í gær.
Mikið í framvirkum samningum
Eignarhlutur sem bankarnir eru
skráðir fyrir í Arion banka – Íslands-
banki, Kvika og Landsbankinn –
hefur nærri tvöfaldast eftir söluna
hjá Taconic og nemur nú samanlagt
rétt rúmlega tíu prósentum, eða um
22 milljörðum króna að markaðs-
virði. Langsamlega stærstur hluti
þeirra bréfa er vegna framvirkra
samninga sem bankarnir hafa gert
við viðskiptavini sína auk þess að
skiptast á eignarhlutum og veltubók.
Sjóðir í stýringu Akta, sem áttu
tæplega 0,8 prósenta hlut í Arion
undir lok síðasta mánaðar, tvöföld-
uðu eignarhlut sinn í bankanum
og eiga núna rúmlega 1,6 prósenta
hlut. Þá keypti fagfjárfestasjóður-
inn Algildi fyrir jafnvirði um 500
milljóna króna en sjóðir í stýringu
rekstrarfélaga, eins og Íslands-
sjóðum, Landsbréfum og Kviku
eignastýringu, bættu hins vegar
minna við sig.
Tveir nýir erlendir fjárfestar bætt-
ust við hluthafahóp Arion banka í
liðnum mánuði, samkvæmt hlut-
hafalistanum sem Markaðurinn
hefur séð. Það eru sjóðastýringar-
félögin Quaero Capital, sem er með
höfuðstöðvar í Sviss og með eignir í
stýringu að fjárhæð um 2,6 milljörð-
um evra, og FundPartner Solutions
en þau eiga hvort um sig liðlega 2
milljónir hluta að nafnverði í Arion
banka, eða sem jafngildir um 250
milljónum króna að markaðsvirði.
Erlendir fjárfestar horfnir
Eignarhlutur erlendra fjárfesta
í Arion banka hefur hins vegar
hríðfallið á undanförnum mán-
uðum og misserum, einkum vegna
sölu Taconic og þar áður Sculptor
Capital, en í ársbyrjun 2020 nam
samanlagður hlutur þeirra í bank-
anum um 50 prósentum. Í dag eiga
erlendir fjárfestar hins vegar vel
undir 5 prósentum. Á sama tíma
hefur meðal annars eignarhlutur
íslenskra lífeyrissjóða tvöfaldast
yfir sama tímabil en samanlagður
hlutur þeirra – Gildi, Lífeyrissjóðs
verzlunarmanna og LSR eru þar
langsamlega stærstir – stendur nú í
um 45 prósentum.
Fjárfestingafélagið Stoðir er eftir
sem áður með tæplega fimm pró-
senta hlut í Arion banka og þá á
félagið Hvalur, sem er stýrt af Krist-
jáni Loftssyni, rúmlega 2,1 prósents
hlut. Til viðbótar við Reyni eru aðrir
stórir einkafjárfestar í hluthafa-
hópi Arion – allir samt með nokkuð
minna en eins prósents hlut – meðal
annars félögin Mótás, í eigu Berg-
þórs Jónssonar og Fritz Hendriks
Berndsen, Bóksal, í eigu Boga Þórs
Siguroddssonar og Lindu Bjarkar
Ólafsdóttur, Eignarhaldsfélagið VGJ
og Þarabakki, sem er í eigu Daníels
Helgasonar.
Hlutabréfaverð Arion hefur
hækkað um liðlega 33 prósent frá
áramótum og markaðsvirði bank-
ans er nú um 218 milljarðar króna.
Reynir kaupir í Arion fyrir milljarð
Stofnandi Creditinfo bætist við hluthafahóp bankans eftir stóra sölu bandaríska sjóðsins Taconic um mánaðamót. Fjársterkir ein-
staklingar og eignarhaldsfélög, einkum í gegnum framvirka samninga hjá bönkunum, halda áfram að auka við hlut sinn í Arion. 
Hörður
Ægisson
hordur@frettabladid.is
Hlutabréfaverð Arion banka hefur hækkað um liðlega 33 prósent frá áramótum. FRÉTTABLAÐIÐ/EYÞÓR
Reynir Grétars-
son, stofnandi
Creditinfo. 218
milljarðar er markaðsvirði
Arion banka í dag.
MARKAÐURINN
8 . A P R Í L 2 0 2 1 F I M M T U D A G U R8 F R É T T I R ∙ F R É T T A B L A Ð I Ð