Rit Mógilsár - Apr 2002, Page 18

18
viðargæðin en stærð trjánna þegar verið er að grisja og af þeim
sökum eru tré af öllum stærðum grisjuð (Lárus Heiðarsson 1999).
Mun algengara er að nota yfirhæð í slíkum útreikningum, það er
hæðin á 10 sverustu trjánum á 1000 m2 fleti. Ástæðan fyrir því að
meðalhæð var notuð í staðinn fyrir yfirhæð var sú að í þessari
frumrannsókn á hæðarvexti lerkis var ekki talið verjandi að fella og
fórna sverustu og þ.a.l. hæstu lerkitrjánum á Íslandi.

Aftur á móti eru möguleikarnir á að búa til rétt hæðarvaxtarföll að
miklu leyti háð gæðum gagnanna sem safnað er. Í þessari rannsókn
er mikill hagur af því að nota raunverulegan hæðarvöxt felldu
úrtakstrjánna við gerð hæðarfallanna að því tilskyldu að rétt
hæðarvaxtarfall sé notað.

Áreiðanleiki fallanna sem lýsa hæðarvextinum er háður mörgum
þáttum eins og fram hefur komið. Eins og áður sagði var ítrunin
reiknuð þangað til að hæðarvaxtarföllin pössuðu við gögnin sem
safnað var fyrir hvern gróskuflokk. Á myndum 6 a,b,c er dreifing
gagnanna sýnd kringum útreiknað hæðarvaxtarfall. Myndirnar gefa
ekki til kynna neina kerfisbundna skekkju á fallinu.