Víkurfréttir - 10.02.2021, Blaðsíða 13
Við leitum að lyfjatækni eða
vönum starfsmanni í sölu og
afgreiðslu í Apóteki Suðurnesja.
Helstu verkefni.
Almenn afgreiðslustörf
Ráðgjöf til viðskiptavina um val á vörum
Afgreiðsla á kassa
Afhending lyfja gegn lyfseðli
Afgreiðsla á lausasölulyfjum og ráðgjöf
um val og notkun þeirra
Fylgir gæðastefnu fyrirtækisins í hvívetna og kynnir
sér reglulega einstök atriði gæðahandbókar.
Opnunartími apóteks.
Mánudagar - föstudagar kl. 9-18 (19)
Laugardagar KL. 12-16 .
Nánari upplýsingar um starfið veitir
Tanja Veselinovi,c lyfsali s: 5771150 .
Umsóknir sendist á tanja@lyfjaval.is
HRINGBRAUT 99 REYKJANESBÆR
„Við hvað starfar þú?“
Heildaratvinnuleysi á landinu öllu var í desember
12,1%. Mest er atvinnuleysið á Suðurnesjum;
26,2% meðal kvenna og 21,4% meðal karla með
tilheyrandi efnahagsvanda heimilanna.
Tengsl eru milli heilsufars og efna-
hags og fátækt getur leitt til varan-
legs heilsubrests og þunglyndis.
Atvinnuleysi leiðir oft til félags-
legrar einangrunar og skaðar sjálfs-
traustið. Ekki síst hér á landi þar
sem hátt atvinnustig hefur verið
einkenni þjóðarinnar og samræður
ókunnugra hefjast oftar en ekki á
orðunum: „Við hvað starfar þú?“
Þátttaka í atvinnulífinu er eins-
konar aðgangskort að samfélaginu
og hluti af sjálfsmynd.
Þeir sem búa við atvinnuleysi
til langs tíma glíma oftar en ekki
við neikvæðar aukaverkanir þess.
Aukaverkanir sem hafa áhrif á alla
fjölskylduna, ekki síst börn og ung-
menni. Mörg börn á Suðurnesjum
búa við það ástand að annað for-
eldri eða bæði
eru atvinnu-
laus . Gæta
þarf vel að börnum á heimilum þar
sem einstætt foreldri eða báðir for-
eldrar hafa misst vinnu.
Um leið og unnið er að fleiri at-
vinnutækifærum á Suðurnesjum
þarf að huga að aukinni aðstoð við
þessar fjölskyldur og styrkja sam-
starf milli þjónustustofnana, svo
sem félagsþjónustu, Vinnumála-
stofnunar og heilsugæslunnar.
Alls ekki má láta atvinnulaus ung-
menni afskiptalaus heldur virkja
þau til athafna í gegnum stofnanir
svæðisins.
Neikvæð áhrif kreppunnar koma
skýrast í ljós í afleiðingum atvinnu-
leysis á einstaklinga og fjölskyldur.
Langtímaatvinnuleysi getur leitt til
fátæktar og dæmin sýna að fátækt
barn er líklegt til að vera fátækur
fullorðinn. Varanlegar afleiðingar
fátæktar eru því bæði skaðlegar
börnum og fullorðnum og mikið í
húfi að komið verði í veg fyrir að
heimilin verði fátæktinni að bráð.
Það er skylda stjórnvalda að
leggja Suðurnesjamönnum lið.
Styrkja menntastofnanir, félags-
þjónustuna, heilsugæsluna, lög-
regluna og sóknaráætlanir svæð-
isins og uppbyggingasjóði. Við
jafnaðarmenn viljum leggjast á ár-
arnar til að greiða götu fjölbreyttra
og skynsamlegra atvinnutækifæra
og horfa á lausnir ekki síst út frá
sjónarhóli barna.
Oddný G. Harðardóttir,
þingmaður Samfylkingarinnar
í Suðurkjördæmi.
Reykjanesið er
svæði tækifæranna
Íslendingar hafa tækifæri til að byggja upp nýjan grænan iðnað á sviði þör-
ungavinnslu. Hér landi eru kjöraðstæður á heimsvísu, hreinn sjór og stór
hafsvæði. Fjárfestar eru áhugasamir en lagaumgjörðin og regluverkið er enn
ekki nógu gott. Alþingi þarf að skapa trausta umgjörð um þennan iðnað og
skapa skýra stefnu. Fyrir Alþingi liggur þingsályktunartillaga þess efnis frá
þingflokki Framsóknarflokksins.
Vaxandi markaður
Heimsmarkaður fyrir þör-
unga er stór og fer vaxandi.
Samkvæmt skýrslu Report
Linker um heimsmarkað
fyrir þörunga frá júlí 2020
er áætluð velta árið 2020
fyrir þörungaprótein 912,8
millj. dala og því spáð að
hann vaxi í 1,3 milljarða dala árið
2027. Þá kemur einnig fram í skýrsl-
unni að það sé vaxandi eftirspurn
eftir matvæla- og drykkjarafurðum
sem byggðar eru á þörungum. Efni úr
þeim má finna í mörgum matvæla-
tegundum, snyrtivörum og iðnaðar-
vörum eins og málningu, dekkjum o.fl.
Á Ásbrú er t.a.m. starfandi öflugt og
vaxandi fyrirtæki, Algalíf, sem ræktar
smáþörunga. Úr þeim er unnið verð-
mætt efni, astaxanthin, sem notað
er í eftirsótt fæðubótarefni. Vöxtur
í þörungaframleiðslu í heiminum
er áætlaður um 7,4% á ári til ársins
2024 og að veltan verði um 1,1 millj-
arður Bandaríkjadala árið 2024 sam-
kvæmt greiningu Sjávarklasans frá
nóvember 2019. Í þessari grein liggja
mýmörg áhugaverð tækifæri fyrir ís-
lenskt athafnalíf.
Súrefnisframleiðendur og
stútfullir of næringarefnum
Þegar rætt er um þörunga þá er ekki
bara átt við smáþörunga, eins og
Algalíf ræktar, heldur einnig þang og
þara sem vex villt allt í kringum landið
okkar fagra. Yfirheiti þessara merkilegu
lífvera, þ.e. þangs, þara og smáþörunga,
eru þörungar. Þörungar eru ekki bara
næringarrík fæða fyrir skepnur og
mannfólk heldur framleiða þeir líka
stóran hluta súrefnis jarðar, allavega
helming alls súrefnis og sumir vísinda-
menn segja um 90%. Þörungar hreinsa
sjóinn og þá má einnig nýta sem áburð.
Sumar smáþörungategundir eru olí-
uríkar og úr þeim er hægt að fram-
leiða lífeldsneyti sem endurnýtir kol-
tvísýring úr loftinu. Það er því ljóst að
sjálfbær öflun þörunga og
aukin nýting þeirra getur
hjálpað til við að minnka
álag á önnur vistkerfi jarð-
arinnar, draga úr áhrifum
loftslagsbreytinga og hafa
jákvæð áhrif á vistkerfi
hafsins. Við Reykjanesið
eru kjöraðstæður fyrir
öflun og verkun þangs og þara. Hér
eru miklar fjörur, hreinn sjór og mikið
pláss. Hér eru svo sannarlega tækifæri
fyrir duglegt fólk en löggjafinn þarf að
bæta umgjörðina svo að áhugasamir
hafi sterkan grunn til að byggja á, ef
þeir hyggjast fara út í fjárfestingar á
þessu sviði.
Hvernig getum við
bætt umgjörðina?
Greinarhöfundur hefur lagt fram
þingsályktunartillögu ásamt þingflokki
Framsóknar um að umhverfis- og auð-
lindaráðherra í samvinnu við sjávarút-
vegs- og landbúnaðarráðherra geri að-
gerðaáætlun um þörungaræktun sem
liggi fyrir eigi síðar en 1. mars 2021.
Einnig er kveðið á um að ráðherra
leggi fram tillögu til þingsályktunar
um stefnu stjórnvalda hvað varðar
þörungarækt eigi síðar en 1. maí 2021.
Flutningsmenn telja að sá tímarammi
ætti að vera nægilegur enda unnt að
líta til fordæma nágrannaþjóða okkar,
eins og Færeyja og Noregs, þar sem
reynsla er þegar komin á framkvæmd
sambærilegra lagaákvæða.
Með því að fjárfesta í menntun,
rannsóknum og frumkvöðlafyrir-
tækjum á þessu sviði getur Ísland
skapað sér sess á meðal forystuþjóða í
fullnýtingu þangs og þara og ræktunar
smáþörunga.
Áfram veginn!
Silja Dögg Gunnarsdóttir, þing-
maður Framsóknarflokksins.
Hlekkur á tillöguna:
althingi.is/altext/151/s/0049.html
Stóru málin í Suðurkjördæmi
Samgöngu-, atvinnu- og heilbrigðismál verða án efa stærstu kosninga-
málin í Suðurkjördæmi í kosningunum í haust. Skyldi engan undra enda
mikið verk þar að vinna í kjördæminu. Örugg atvinna, góðar samgöngur
og framúrskarandi heilbrigðisþjónusta eru allt grunnþættir sem þurfa að
vera í lagi ef samfélög eiga að vaxa og dafna.
Atvinnumál
Suðurkjördæmi er kjördæmið þar
sem fall ferðaþjónustunnar bítur
hvað mest. Sama hvert þú ferð, við
hvern þú talar, allir nefna fall ferða-
þjónustunnar og þann vanda sem
við blasir. Staðan og tækifærin í at-
vinnumálum eru misjöfn eftir hvar
við stingum niður fæti í kjördæminu.
Ef við byrjum að líta til Suðurnesja
þá er staðan þar ekki góð. Atvinnu-
leysi mælist um 25% og útlit er
fyrir að það muni ekki dvína fyrr en
á þriðja ársfjórðungi þessa árs. Það
er reyndar fyrirséð að þessi staða
verði líklega aðeins til skamms tíma
vegna áhrifa Covid-19 á ferðaþjón-
ustu en skilaboðin eru engu að síður
skýr. Á Suðurnesjum þarf að skapa
fjölbreyttara atvinnulíf þannig að
högg í einni atvinnugrein risti ekki
svona djúpt og eru ýmis verkefni
því tengdu í bígerð, ber þar helst að
nefna byggingu skipaþjónustuklasa
við Njarðvíkurhöfn, hugmyndir
Samherja um fiskeldi í Helguvík og
þá þróun sem á sér stað hjá Kadeco
á Keflavíkurflugvelli. Viðreisn mun
alltaf styðja fjölbreytt atvinnulíf á
Suðurnesjum eins og kostur er og
leggja öllum góðum hugmyndum lið.
Ef horft er til sveitarfélaganna
á Suðurlandi þá er svipaða sögu
að segja þar, hrun í ferðaþjónustu
hefur haft afleiðingar og aukið at-
vinnuleysi á svæðinu. Það þarf því
að skapa störf og tækifæri á þessum
stöðum á næstu misserum. Efling
nýsköpunar og aukin áhersla á
skapandi greinar og tækniþróun er
þar lykilþáttur, sú stefna mun varða
leiðina upp úr Covid-ástandinu.
Ekki má gleyma því en að hafa
fasta atvinnu er hverjum einstaklingi
mikilvægt og snýst um mun meira
en einungis laun og bónusa, atvinna
skapar sjálfsvirðingu og lætur ein-
staklingi um leið líða sem hluta af
samfélaginu.
Samgöngumál
Samgöngumál eru íbúum Suðurkjör-
dæmis hugleikin og þarf að taka þau
föstum tökum svo að sú þróun sem
hefur átt sér stað á síðustu árum
haldi áfram. Áskorun um örugga
Reykjanesbraut hefur mikið verið
í umræðunni og á hinn svokallaði
Stopp hópur hrós skilið fyrir sína
baráttu, ég þori að fullyrða að án
hans baráttu væri málið ekki svona
langt á veg komið. Örugg Reykja-
nesbraut skiptir Suðurnesin miklu
máli en enn eru tveir kaflar á henni
sem bíða tvöföldunar, annars vegar
milli Flugstöðvar og Fitja og hins
vegar milli Hvassahrauns og Krísu-
víkurafleggjara. Þessir kaflar eru
komnir á samgönguáætlun og bíða
framkvæmda. Einbreiðar brýr í kjör-
dæminu eru margar og þeim þarf að
fækka eins og kostur er næstu árin
og koma þannig í veg fyrir alvarleg
slys. Krafa um bættar samgöngur
er víðar í kjördæminu, til að mynda
hefur verið ákall um betri tengingar
yfir Þjórsá, milli Árnes- og Rangár-
vallasýslu, og auk þess þarf að sinna
viðhaldi vega og vetrarþjónustu í
uppsveitum Árnessýslu mun betur
en nú er gert.
Ný brú yfir Ölfusá er á teikni-
borðinu og mun hún verða mikil
samgöngubót. Áform um byggingu
hennar hafa reyndar lengi verið í
umræðunni og stefnir allt í að brúar-
smíðin fari í einkaframkvæmd. Það
eru reyndar skiptar skoðanir á því
fyrirkomulagi en ef þessi mögu-
leiki mun flýta framkvæmdum þá
er þess virði að skoða hann. Sama
má segja um fyrirhuguð jarðgöng í
Reynisfjalli og hringveg um Mýrdal
en samkvæmt samgönguáætlun er
stefnt að leita til einkaaðila varðandi
fjármögnun.
Núna á 21. öldinni skipta öruggar
samgöngur miklu fyrir þróun
byggðar á landsbyggðinni en oft er
talað um að samgöngur séu lífæð
hvers samfélags og forsenda þess að
byggðalög fái tækifæri til vaxtar. Því
skiptir miklu máli að standa vörð um
og tala fyrir uppbyggingu samgöngu-
mannvirkja í kjördæminu.
Heilbrigðismál
Aðgangur að öruggri og framúrskar-
andi heilbrigðisþjónustu eru almenn
mannréttindi og hluti af því að búa
í góðu samfélagi. Suðurkjördæmi er
þar engin undantekning. Staða Heil-
brigðisstofnunar Suðurnesja hefur
oft verið í umræðunni en henni er
ætlað að þjónusta um 27.000 íbúa.
Fjárframlög til hennar hafa ekki
fylgt íbúaþróun á Suðurnesjum
síðustu ára og hafa sveitarstjórnar-
menn og þingmenn oft bent á þessa
staðreynd en
ekkert virðist
vera viðhaft í
þeim efnum.
Þess má getið
að stofnunin
hefur löngum
fengið lang-
lægstu framlög
allra heilbrigðis-
stofnana á landinu miðað við höfða-
tölu, þrátt fyrir að lýðheilsuvísar
Embættis landlæknis sýni að meiri
þörf er fyrir heilbrigðisþjónustu á
hvern íbúa Suðurnesja en á öðrum
svæðum. Þessi staða hefur reynt
virkilega á starfsfólk stofnunarinnar
og haft mikil áhrif á rekstur hennar.
Álag á heilsugæslu Heilbrigðis-
stofnunar Suðurnesja hefur auk
þess aukist í takt við fjölgun íbúa
og er staðan þannig að erfitt getur
reynst að fá tíma hjá lækni. Því hafa
margir íbúar gripið til þess ráðs að
leita annað og er nú svo komið að
hluti þeirra eru skráðir á heilsu-
gæslustöð á höfuðborgarsvæðinu.
Íbúar Suðurnesja hafa í langan tíma
búið við þá staðreynd að eiga ekki
sérstakan heimilislækni á svæðinu
sem þeir geta leitað til í hvívetna.
Þetta er þróun sem verður að breyta
en hvað er til ráða? Einkareknar
heilsugæslustöðvar á höfuðborgar-
svæðinu hafa komið vel út og upp-
fyllt alla þjónustustaðla sem hið
opinbera hefur sett. Því gæti verið
skref í rétta átt að opna einkarekna
heilsugæslustöð á Suðurnesjum, þar
sem ríkið er þjónustukaupi og myndi
tryggja aðgang allra að þjónustunni.
Með þessari nýbreytni væri hægt að
minnka það álag sem nú ríkir á Heil-
brigðisstofnun Suðurnesja og gera
þannig öfluga stofnun enn betri.
Heilbrigðisstofnun Suðurlands
glímir einnig við fjárhagsvanda og
þarf nauðsynlega aukin fjárframlög
til þess að efla grunnþjónustu sína
og sín lögboðnu verkefni á svæðinu.
Til þess að gera Suðurkjördæmi
betur í stakk búið að mæta kröfum
framtíðarinnar þarf að rísa upp og
snúa þessari þróun við, það er krafa
fólksins.
Þessi stóru mál eru einungis nokkur
af þeim málum sem brenna á íbúum
Suðurkjördæmis. Kosningarnar í
haust munu því snúast um að skapa
tækifæri, hvar á landi sem er, og
byggja upp það samfélag sem okkur
hefur dreymt um svo lengi.
Arnar Páll Guðmundsson,
formaður Viðreisnar
í Reykjanesbæ.
vÍkurfrÉttir á SuðurNeSJuM Í 40 ár // 13