Víkurfréttir - 10.02.2021, Blaðsíða 14
Góður árangur sundfólks
á Reykjavíkurleikunum
Það var mikill kraftur í sundfólki ÍRB á Reykjavíkurleikunum (RIG) en þetta var fyrsta opna sundmótið sem
haldið hefur verið síðan í júlí. Miklar bætingar og stórgóður árangur hjá sundfólkinu. Fannar Snævar Hauksson
vann sigur í 100m og 200m flugsundi. Þar náði hann lágmörkum inn í unglingalandsliðshóp SSÍ. Katla María
Brynjarsdóttir náði lágmörkum inn í Framtíðarhóp SSÍ þegar hún kom þriðja í mark í 800m skriðsundi. Bestum
árangri náðu þau Már Gunnarson og Eva Margrét Falsdóttir.
Eva Margrét tryggði tryggði sig inn á
Evrópumeistaramót unglinga í sumar
Eva Margrét Falsdóttir kom langfyrst í mark í tveimur
greinum, 400m fjórsundi þegar hún sigraði greinina á
tímanum 5:03,37, og 200m bringusundi þegar hún synti
á tímanum 2:37,57. Í báðum greinunum náði hún lág-
mörkum á Evrópumeistaramót unglinga (EMU) sem
áætlað er að fari fram 6.–11. júlí í sumar. Ekki hefur verið
staðfest hvar mótið mun fara fram. Hún var einnig hár-
breidd frá EMU lágmarki í 400m skriðsundi sem var
aukagrein hjá henni, þar endaði hún önnur eftir mjög
spennandi keppni. Eva Margrét varð jafnframt fjórði
stigahæsti sundmaður Reykjavíkurleikanna í sundi.
Þrjú Íslandsmet Más
Már setti þrjú Íslandsmet um helgina, eitt í 50m bak-
sundi og tvö í 200m baksundi. Góð staðfesting fyrir
hann á forminu en Már stefnir á góðan árangur á Ól-
ympíuleikunum í sumar.
Már sagði á Facebook að frammistaða sín á Reykjavík-
urleikunum nú um helgina væri sú besta til lengri tíma.
„Samtals þrjú Íslandsmet. En það sem ég er stoltastur
af er sekúndu bæting í 50m baksundi. Frábær undir-
búningur fyrir komandi tíma.“
Már Gunnarsson ásamt
Steindóri Gunnarssyni,
yfirþjálfara sunddeildar ÍRB.
Myndir: ÍRB
Árangur Evu Margrétar Falsdóttur á
Reykjavíkurleikunum tryggði henni
þátttökurétt á Evrópumót unglinga.
Þróttarar sigurvegarar b-deildar
Fótbolta.net-mótinu í knatt-
spyrnu lauk um helgina. Þrótt-
arar sigruðu Selfyssinga 6:2 eftir
að hafa komist á ævintýralegan
hátt í úrslitaleik B-deildar en til
þess þurftu þeir sjö marka sigur
gegn Vestra í síðasta leik riðilsins.
Þróttur lék gegn Selfossi síð-
asta föstudag á Fylkisvellinum
í úrslitaleik B-deildar. Þróttarar
byrjuðu betur og komust yfir á 18.
mínútu með marki Hauks Leifs
Eiríkssonar. Selfyssingar jöfnuðu
undir lok fyrri hálfleiks en í upp-
hafi þess síðari kom Arnar Sig-
þórsson Þrótti aftur yfir með
marki úr vítaspyrnu auk þess sem
Selfyssingar misstu mann af velli
með rautt spjald. Þótt Þróttarar
væru manni fleiri jafnaði Selfoss
leikinn aftur þegar Örn Rúnar
Magnússon varð fyrir því óláni
að skora sjálfsmark (‘60). Við að
fá á sig sjálfsmark settu Þróttarar
í fluggírinn og skoruðu fjögur
mörk á síðasta hálftímanum til
að tryggja sigur í deildinni.
Mörk Þróttar: Haukur Leifur
Eiríksson (‘18), Arnar Sigþórsson
(‘45, víti), Unnar Ari Hansson
(‘63), Alexander Helgason (‘78,
‘87) og Eyjólfur Arason (‘85).
Njarðvík 2:2 Haukar (3:4 í vítaspyrnukeppni)
Haukar unnu Njarðvík eftir
vítaspyrnukeppni í leik um
þriðja sæti B-deildar Fótbolta.
net mótsins þegarliðin mættust
í Reykjaneshöllinni.
Staðan eftir venjulegan leiktíma
var 2:2 og því þurfti vítaspyrnu-
keppni til að knýja fram úrslit.
Haukar höfðu betur þar og
unnu vítakeppnina 4:3 og brons-
verðlaunin því þeirra þetta árið.
Reynismenn hársbreidd frá því að komast
í úrslitaleik C-deildar
Elliði vann Reyni Sandgerði á Würth-vellinum í Árbænum og tryggði
sér þar með sæti í úrslitaleik deildarinnar með sigri í riðli 1. Reynir
endar í 2. sæti og leikur um bronsið.
Keflavík tapaði fyrir Gróttu
Grótta vann Keflavík 3:2 í leik um
fimmta sæti Fótbolta.net-mótsins
en leikurinn fór fram á Vivaldi-
vellinum síðasta föstudag.
Gróttumenn skoruðu tvö mörk
með stuttu millibili. Fyrra markið
kom á 20. mínútu og það síðara á
25. mínútu áður en Keflvíkingum
tókst að jafna með mörkum frá
þeim Jóhanni Þór Arnarssyni og
Ara Steini Guðmundssyni í þeim
síðari. Gróttumenn skoruðu sigur-
markið þegar fimm mínútur voru
til leiksloka og Keflavík endar því
í sjötta sæti A-deildar.
Keflvíkingar eiga því harma
að hefna þegar liðin mætast á
laugardaginn í fyrsta leik þeirra
í Lengjudeildinni.
Grindvíkingar léku ekki í úrslit-
unum þar sem þeir lentu í fjórða
sæti 2. riðils en aðeins þrjú lið
voru í 1. riðli. Grindavík lenti því í
sjöunda sæti.
Kvennalið Keflavíkur vann Gróttu í æfingaleik
Undirbúningur fyrir knatt-
spyrnutímabilið er líka á fullu
hjá stelpunum en stelpurnar
í knattspyrnuliði Keflavíkur
unnu góðan sigur, 4:0, á Gróttu
í Reykjaneshöllinni á laugar-
daginn.
Markaskorarar Keflavíkur voru
þær Eva Lind Daníelsdóttir (2),
Dröfn Einarsdóttir og Natasha
Anasi.
Þetta var síðasti æfingaleikur
liðsins fyrir Lengjubikarinn sem
hefst næstu á laugardag þegar
Keflavík leikur gegn Selfossi í
Reykjaneshöllinni.
Lengjubikarinn hefst um helgina
Keppni í Lengjubikarnum hefst
um næstu helgi þegar fyrstu
leikir í A-deildum karla og kvenna
verða spilaðir, allir leikir Suður-
nesjaliðanna fara fram á laugar-
deginum. Leikir í B-deildum
hefjast viku síðar og svo loks í
C-deildum um þriðju helgi.
Grindavík mætir HK í Kórnum
og hefst sá leikur klukkan 11:30.
Þá mætir karlalið Keflavíkur
Gróttu á Vivaldi-vellinum kl. 14:00.
Kvennalið Keflavík tekur svo á
móti Selfossi í Reykjaneshöllinni
klukkan 12:00 á laugardaginn.
Gummi Steinars hættur
Fyrrum markahrókur Keflvík-
inga, Guðmundur Steinarsson,
tilkynnti það í vikunni að hann
hygðist taka sér frí frá þjálfun en
hann hefur verið aðstoðarþjálfari
Ágústs Gylfasonar hjá Gróttu.
„Verður meiri
tími fyrir
golfið, það er
klárt,“ sagði
Gummi þegar
blaðamaður
Víkurfrétta
spurði út í tíðindin.
Alexander skoraði
tvö fyrir Þrótt.
Eva Lind, Dröfn og Natasha.
FIMMTUDAG KL. 20:30
HRINGBRAUT OG VF.IS
Miðvikudagur 10. febrúar 2021 // 6. tbl. // 42. árg.sport