Mosfellingur - 01.04.2021, Page 12

- Bæjarblað allra Mosfellinga12
Ég gef
mÉr tíma
fyrir þig!
- fagleg og persónuleg þjónusta
Hringdu í 897-1533
davíð Ólafsson lög. fast.
david@fastborg.is
Þverholt 2 I Mosfellsbær 270 I Sími 525 6700 I mos.is
Mosfellsbær hefur tekið í gagnið nýjan ráðningarvef.
Öll laus störf hjá Mosfellsbæ og stofnunum
má sjá og sækja um á nýjum ráðningarvef:
www.mos.is/storf
Laus störf í Mosfellsbæ
Á undanförnum misserum hafa verið í
gangi margháttaðar framkvæmdir í íþrótta-
miðstöðinni að Varmá sem allar beinast að
því að gera umhverfi og aðstöðu íþróttaiðk-
enda og bæjarbúa sem allra besta.
Í lok síðasta árs tók Afturelding í gagnið
nýtt og glæsilegt skrifstofu- og fundarrými
sem staðsett er á 2. hæð í millibyggingu
milli fimleikahúss og salar 3. Rými sem
áður hýsti skrifstofur Aftureldingar hefur
nú verið endurinnréttað og hýsir nú að-
stöðu fyrir starfsmenn íþróttamiðstöðv-
arinnar.
Norðan við íþróttamiðstöðina hafa ver-
ið reistir gámaklefar sem nýtast deildum
Aftureldingar vel. Klefarnir tengjast sal 2
en nýtast einnig öllum útisvæðum til sam-
ræmis við þarfir Aftureldingar.
Framkvæmdum forgangsraðað
Um mitt síðasta ár var lokið við að skima
allt húsnæði íþróttamiðstöðvarinnar að
Varmá af sérfræðingum EFLU sem hluta
af verkefni sem fól í sér heildarskimun á
skólahúsnæði Mosfellsbæjar. Við þá skim-
un voru til skoðunar rakaskemmdir og
áhrif þeirra á gæði alls kennsluhúsnæðis
Mosfellsbæjar.
Í kjölfar skimunarinnar var ráðist í fram-
kvæmdir til þess að uppræta rakaskemmt
byggingarefni í íþróttamiðstöðinni og þeim
forgangsraðað í mikilvægisröð. Í fyrsta for-
gangi var allt kennsluhúsnæði og íverurými
barna. Þannig voru íþróttasalirnir ásamt
tveimur búningsklefum í fyrsta forgangi
og teknir í gegn fyrst. Framkvæmdir voru
einna mestar í sal 3 þar sem loft voru end-
urnýjuð og hljóðvist bætt. Gert er ráð fyrir
að viðhalds- og endurnýjunarframkvæmdir
að Varmá ljúki að mestu í ár.
Loks fengu tveir búningsklefar á svoköll-
uðum græna gangi gagngera andlitslyftingu
þar sem sett voru epoxý gólf og veggir auk
nýrra skápa. Í ár verða tveir klefar til við-
bótar endurnýjaðir með sama hætti.
Framkvæmdir við sundlaugina
Miklar aðgerðir voru einnig á síðasta ári
í sundlauginni að Varmá en þá var eldri
vélbúnaði skipt út og er nú komið nýtt og
fullkomnara stýrikerfi á potta laugarinnar.
Saunaklefi var endurnýjaður í sundlauginni
og settur var niður kaldur pottur.
Þessa dagana standa yfir endurbætur í
klefum undir kjallara sundlaugar þar sem
sett verður epoxí í hólf og gólf og samhliða
verða klefarnir lagaðir að þörfum knatt-
spyrnudeildarinnar.
Loks var ráðist í að bæta lýsingu við
frjálsíþróttavöllinn í vetur þannig að þeir
sem kjósa að hreyfa sig þar geta gert það á
upphitaðri hlaupabraut.
Samráðsvettvangur í gangi
Samráðsvettvangur Mosfellsbæjar og Aft-
ureldingar var settur á laggirnar árið 2018 í
þeim tilgangi að skapa formlegan vettvang
fyrir uppbyggingu og nýtingu Aftureldingar
á aðstöðu að íþróttamiðstöðinni að Varmá.
Á afmælisárinu 2019 þegar félagið átti 110
ára afmæli tók bæjarstjórn Mosfellsbæjar
ákvörðun um að gefa félaginu vinnu við
framtíðarskipulag svæðisins í afmælisgjöf.
Í framhaldinu var samráðsvettvangnum
falið að halda utan um þá vinnu. Verkfræði-
stofan EFLA hefur á undanförnum unnið
að mótun framtíðarskipulags íþróttasvæð-
isins. Skýrsla EFLU liggur nú fyrir ásamt
þarfagreiningu næstu ára og hefur verið
vísað til bæjarráðs Mosfellsbæjar og til að-
alstjórnar Aftureldingar til umfjöllunar.
Í samtali við Mosfelling segir Haraldur
Sverrisson bæjarstjóri að framkvæmdir síð-
ustu missera að Varmá séu margháttaðar
og byggi á skýrri forgangsröðun
Þær taki mið af þeim upplýsingum sem
aflað var með heildarskimun á öllu skóla-
og íþróttahúsnæði þar sem börn og ung-
menni dveljast við nám og æfingar.
Síðasti áfanginn í þessum framkvæmd-
um fer fram í sumar og í kjölfarið verður
hugað að næstu skrefum í þróun húsnæð-
isins í samvinnu við Aftureldingu.
Framtíðarskipulag svæðisins í mótun • Skýr forgangsröðun framkvæmda að Varmá
Margháttaðar framkvæmdir við
íþróttamiðstöðina að Varmá
Ný aðstaða fyrir
aftureldiNgu
gaNguriNN góði
tekiNN í gegNmúrviðgerðir að utaN
Nýir gámaklefarklefar 1 og tvö eNdurNýjaðir