Morgunblaðið - 04.01.2021, Síða 2

Sjálfboðaliðar frá samtökunum
SEEDS á Íslandi tóku sig til og tíndu
upp sprungna flugelda, grímur og
sígarettustubba í miðborg og vest-
urbæ Reykjavíkur í gær. „Það gekk
mjög vel, okkur fannst vera minna
flugeldarusl en í fyrra, en við söfn-
uðum miklu meira rusli þá,“ segir
Oscar Uscategui, yfirmaður SEEDS
á Íslandi, í samtali við Morgunblaðið.
Þó hafi mikið drasl verið skilið eftir,
sérstaklega leifar af flugeldakökum.
Um 25 manns frá samtökunum þrifu
í þrjá klukkutíma í kringum Tjörn-
ina og á Ægisíðu í gær. „Mögulega
var minna skotið upp í ár,“ segir
Oscar, en fyrir utan flugeldana hafi
áberandi margar grímur legið á
víðavangi. „Þær voru út um allt, í
runnum, trjám og jafnvel í Tjörn-
inni,“ segir hann. SEEDS hýsa sjálf-
boðaliða hér á landi sem koma alls
staðar að úr heiminum til að sinna
umhverfisverkefnum og náttúru-
vernd hérlendis. Nýársþrifin eru
skipulögð árlega og var auglýst eftir
hjálp á íslenskum Facebook-síðum í
ár til að virkja innfædda líka. „Það
var gaman fyrir erlendu sjálfboða-
liðana að fá tækifæri til að hitta Ís-
lendingana og sjá að einhverjir
þeirra vilji taka þátt í þessu verkefni
með okkur,“ segir Oscar.
jonn@mbl.is Morgunblaðið/Sigurður Ragnarsson
Erlendir sjálfboðaliðar tíndu upp rusl eftir gamlársdag
Rusl og
drasl víða
2 FRÉTTIRInnlent
MORGUNBLAÐIÐ MÁNUDAGUR 4. JANÚAR 2021
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Varnir tryggi byggðina
 Rætt um bráðaaðgerðir á Seyðisfirði á aukafundi sveitarstjórnar Múlaþings
 Sveitarstjórinn segir að markmið aðgerða sé að þar verði áfram öflugt samfélag
Helgi Bjarnason
helgi@mbl.is
Sveitarstjóri Múlaþings vill að brugð-
ist verði við aurskriðunum á Seyðisfirði
með vörnum þannig að byggðin geti
verið örugg til framtíðar. Rætt verði
við stjórnvöld um að gerðar verði al-
vöru ofanflóðavarnir, bæði vegna aur-
skriðna og mögulegra snjóflóða. Segist
Björn Ingimarsson sveitarstjóri vænta
þess að stjórnvöld bregðist við því með
jákvæðum hætti.
Tilefni samtals við sveitarstjórann
er ummæli Ágústs Guðmundssonar
jarðfræðings í fréttasamtali í Morgun-
blaðinu um að byggðin á Seyðisfirði sé
alltof útbreidd með tilliti til náttúrufars
og staðhátta. Hann ræddi um byggð í
innanverðum firðinum undir urðar-
hjöllum úr fornu urðarjöklasetri með
fíngerðu efni sem sé viðkvæmt fyrir
því að hlaupa fram eftir miklar rign-
ingar. Mikið tjón varð á mannvirkjum í
skriðum sem féllu á Seyðisfirði fyrir jól
en ekki urðu slys á fólki.
Byggðin ekki á förum
Björn Ingimarsson segir að ef til vill
hafi fólk ekki verið almennilega með-
vitað um hversu mikil hættan varð.
Það sem gerðist fyrir jól sýni að þetta
sé hættusvæði. Við því verði að bregð-
ast með vörnum til framtíðar. „Byggð-
in er ekkert á förum. Við bregðumst
við með það markmið að hér verði
áfram öflugt samfélag,“ segir Björn.
Spurður að því hvort byggt verði aftur
í skriðufarveginum segir hann of
snemmt að segja til um það. Fyrst
þurfi sérfræðingar að endurskoða
hættumat.
Sveitarstjórn Múlaþings mun koma
saman til aukafundar næstkomandi
miðvikudag og reiknar sveitarstjórinn
með því að rætt verði um bráðaaðgerð-
ir.
Björn segir að nú sé lögð áhersla á
hreinsunarstarf. Það taki töluverðan
tíma og reiknar hann með að tímalína
verði kynnt í dag. Forgangsverkefnið
sé að hreinsa götur svo hægt sé að
komast í gegnum bæinn. Vonast Björn
til að það sjái fyrir endann á því í lok
vikunnar. Búast megi við að starf að
hreinsun muni þó taka mánuði.
Ekki botnlangajarðgöng
Ágúst Guðmundsson telur varhuga-
vert að leggja í þann kostnað sem fylgi
því að gera „botnlangajarðgöng“ til
Seyðisfjarðar eins og nú er stefnt að
fyrir 40 milljarða án þess að skoða mál-
ið heildstætt. Björn segir að vissulega
fylgi ákveðin hætta jarðgangagerð en
hann treysti Vegagerðinni til að meta
þá þætti faglega. Hann mótmælir því
að jarðgöngin verði botnlangajarðgöng
því miklir flutningar fari um höfnina á
Seyðisfirði. Þá sé hugsunin sú að halda
áfram með jarðgöng úr Seyðisfirði nið-
ur á firði.
Morgunblaðið/Eggert
Seyðisfjörður Mikið eignatjón varð
í aurskriðunum fyrir jól.
Aron Þórður Albertsson
aronthordur@mbl.is
Kársnesskóli í Kópavogi hefur verið
jafnaður við jörðu. Ekkert er eftir af
byggingu skólans, en ákvörðun var
tekin um að rífa hann í kjölfar myglu
sem þar kom upp. Verkið hefur
gengið vel og er á áætlun. Þetta stað-
festir Björg Baldursdóttir, skóla-
stjóri Kársnesskóla, í samtali við
Morgunblaðið.
Unnið er að byggingu nýs Kárs-
nesskóla við Skólagerði, sem hýsa
mun grunn- og leikskóla. 4,1 millj-
arði króna verður varið í þá fram-
kvæmd á næstu fjórum árum, þar af
milljarði á þessu ári. Þetta kemur
fram í fjárhagsáætlun Kópavogs-
bæjar.
Nýr skóli 5.750 fermetrar
Er þetta ein stærsta framkvæmd
bæjarins á árinu.
Framkvæmdaáætlun gerir ráð
fyrir að verklok byggingarinnar
verði í maí 2023, en nýr Kársnesskóli
verður 5.750 fermetrar að flatarmáli.
Þar til skólinn er risinn verða lausar
skólastofur nærri Vallargerði nýttar
fyrir starfsemi skólans, en þær hafa
verið í notkun undanfarin ár.
Kársnesskóli hefur
verið jafnaður við jörðu
 Verkið gengur vel og er á áætlun  Nýr skóli í byggingu
Ljósmynd/Aðsend
Enginn Kársnesskóli Þar sem áður
var skóli er nú einungis malbik.
„Það þarf ekki jarðfræðing til
að benda á það að vegurinn frá
Strákagöngum í Almenninga
sígur, um tugi sentimetra á ári
sums staðar. Það næst ekki að
halda bundnu slitlagi, það
brotnar alltaf,“ segir Elías Pét-
ursson, bæjarstjóri Fjallabyggð-
ar, og tekur undir þau ummæli
Ágústs Guðmundssonar jarð-
fræðings að Siglufjarðarvegur
við Strákagöng sé í mikilli
hættu og geti tekið af. Á veg-
inum er einnig snjóflóðahætta
og erfitt að halda honum opn-
um. Segir Elías að göng úr
Siglufirði í Fljótin séu eina leið-
in framhjá þessum vanda. Segir
hann þetta mikilvæga tengingu
Siglufjarðar en einnig fyrir
Fljótamenn sem margir sæki
þjónustu til Siglufjarðar.
Jarðgöng
eina lausnin
SIGLUFJARÐARVEGUR