Morgunblaðið - 04.01.2021, Síða 11

FRÉTTIR 11Innlent
MORGUNBLAÐIÐ MÁNUDAGUR 4. JANÚAR 2021
Skoðið // hjahrafnhildi.is
ÚTSALAN ER HAFIN
30-50%
AFSLÁTTUR
Engjateigi 5 // 581 2141 // hjahrafnhildi.is
Söfnum í neyðarmatarsjóð til matarkaupa
hjá Fjölskylduhjálp Íslands
fyrir þá fjölmörgu sem lægstu
framfærsluna hafa.
Þeim sem geta lagt okkur lið
er bent á bankareikning
0546-26-6609,
kt. 660903-2590.
Fjölskylduhjálp Íslands, Iðufelli 14 Breiðholti
og Baldursgötu 14 í Reykjanesbæ.
Neyðarsöfnun í matarsjóðinn
Guð blessi ykkur öll
Jón Sigurðsson Nordal
jonn@mbl.is
Steingrímur J. Sigfússon, forseti
Alþingis, segir árið 2020 hafa verið
eitt það óvenjulegasta sem hann
hefur upplifað síðan hann tók sæti
á þingi árið 1983. Miklar breyt-
ingar hafi orðið
á starfi þingsins
á nýliðnu ári, en
vel hafi tekist í
heildina. „Það
hefur mætt mik-
ið á okkar
starfsfólki og
það hefur svo
sannarlega stað-
ið sig. Og reynd-
ar hefur þingið í
heild sinni stað-
ist þessa prófraun mjög vel,“ segir
Steingrímur í samtali við Morg-
unblaðið. Hann segir það tímabil
sem helst nálgast árið 2020, hvað
annir þingsins varðar, vera eftir
efnahagshrunið árið 2008.
„Auðvitað er það svolítið merki-
legt að upplifa svona stóra atburði
aftur á sínum ferli, ég hélt að ég
væri búinn með minn skammt eftir
hrunið og árin þar á eftir, en svo
kemur þetta,“ segir Steingrímur,
en hann hyggst ekki gefa kost á
sér til að leiða framboð Vinstri-
hreyfingarinnar – græns framboðs
í næstu alþingiskosningum, sem
fram fara 25. september á þessu
ári. „Þetta er bara viðbót við þeg-
ar fjölbreyttan feril að gera þessa
hluti núna í lokin. Þá er bara að
reyna að standa sig í því og ég
vona að reynsla mín og þekking í
sambandi við þingið hafi frekar
verið hjálpleg en hitt við þessar
aðstæður.“
Þing haldið með breyttu sniði
Alþingi þurfti, eins og allar aðr-
ar stofnanir og fyrirtæki á landinu,
að aðlagast breyttum starfsháttum
í ljósi veirufaraldursins. Stein-
grímur segir það hafa verið leyst
vel af hendi, blessunarlega, þar
sem þingið hafi átt afar annríkt á
árinu sem var að líða. „Að lang-
mestu leyti hefur tekist að láta
starfið ganga eðlilega fyrir sig,
sérstaklega núna í haust. En auð-
vitað hefur það markast mikið af
þessum mikla fjölda Covid-mála
sem hafa bæst við venjuleg störf.
Við erum búin að afgreiða hátt á
fimmta tug mála sem tengjast við-
brögðum við þessum faraldri, og
auðvitað hefur það skipt sköpum
að þingið hefur verið til staðar til
að gera það,“ segir hann. „Það eru
t.d. engin fordæmi fyrir því að á
einu og sama árinu séu fimm fjár-
aukalög samþykkt. Þetta hefur
verið mjög sérstakt en í það heila
tekið finnst mér þetta hafa gengið
ótrúlega vel. Starfsfólk þingsins
hefur unnið alveg gríðarlegt
starf.“
Starfhæft allan faraldurinn
Steingrímur segir það mjög gott
ef Alþingi tekst að halda sér starf-
hæfu í gegnum allan veirufarald-
urinn. „Það er búið að vera meg-
inmarkmiðið með öllum þessum
aðgerðum að þingið héldist alltaf
ályktunarbært,“ segir hann. „Ég
er nú líka stoltur af því að hafa
ekki þurft að framselja neitt vald
eða setja lýðræðinu neinar skorð-
ur, sem hefur ekki verið reyndin
alls staðar. Sum lönd hafa gengið
býsna langt í því að færa mönnum
vald til að stjórna með tilskipunum
eða þrengt að þinginu í þeim skiln-
ingi að kannski sárafáir þingmenn
greiði atkvæði fyrir hönd allra
hinna,“ segir Steingrímur.
Þröng á þingi
Flóknu kerfi var komið á í haust
svo að allir þingmenn gætu setið
þingfundi, en þingsalurinn er ekki
nógu stór til að rúma þá alla, 63,
með tveggja metra millibili. Stein-
grímur segir það hafa komið til
skoðunar að stækka þingsalinn
vegna þessa, þó slík framkvæmd
geti reynst flókin. „Það stendur
hvort sem er fyrir dyrum að end-
urnýja allan búnað í salnum, hann
er kominn mjög til ára sinna, hús-
gögnin eru frá 1987 og atkvæða-
greiðslukerfið frá 1992,“ segir
hann. „Við erum að skoða það
hvort einhverjir möguleikar séu á
að rýmka til, því menn vilja nú
helst halda í þennan sal frekar en
að byggja nýjan.“
Fjarfundir gangi ekki
Á liðnu ári nýttu margar stofn-
anir sér fjarfundarbúnað til að
draga úr smithættu, en Steingrím-
ur segir það ekki hafa verið val-
möguleika fyrir þingfundi, þrátt
fyrir að nefndarfundir hafi nánast
allir verið haldnir rafrænt síðan í
mars. „Stjórnarskráin er skýr með
þetta: Fundarstaðurinn er
Reykjavík og meirihluti þing-
manna þarf að vera staddur á
þingfundi til að hann sé álykt-
unarbær,“ segir Steingrímur. „Við
höfum borið okkur saman við hin
þjóðþingin á Norðurlöndum og
flestir túlka þetta eins, að það sé
ekkert val um þetta, það þurfa að
vera eiginlegir fundir í höfuðborg-
inni.“
Undanþága kom
ekki til greina
Aðspurður segir Steingrímur
það aldrei hafa komið til greina að
Alþingi fengi undanþágu frá sótt-
varnareglum svo hægt væri að
halda þing með hefðbundnum
hætti. „Við viljum sýna þá mynd
og senda skilaboð út í þjóðfélagið
að við séum sjálf að taka þetta al-
varlega,“ segir hann.
Þingið hafi staðist prófraunina vel
 Forseti Alþingis segist stoltur af því að þingið hafi haldist alveg starfhæft í gegnum veirufaraldurinn
 2020 eitt annríkasta ár í sögu þingsins  Þingsalur verður mögulega stækkaður, að sögn Steingríms
Steingrímur
J. Sigfússon
Áfram er í gildi óbreytt rýming á því
svæði á Seyðisfirði sem kynnt var
fyrir áramót vegna aurskriðna sem
þar hafa fallið.
Þrátt fyrir að upptakasvæði
skriðnanna sé ekki innan rýmingar-
reits, þá er áréttað í tilkynningu frá
almannavarnadeild ríkislögreglu-
stjóra að þar getur verið hættulegt
að fara um vegna lausra jarðlaga,
skriðubrúna og sprungna sem hafa
myndast. Í gær fóru eftirlitsaðilar
upp í Botnabrún og sprungur voru
skoðaðar auk þess sem gerðar voru
mælingar á hreyfingu jarðlaga. Eng-
in hreyfing mældist í gærmorgun en
hún hefur verið lítil sem engin
undanfarna viku.
Almannavarnadeild ríkislögreglu-
stjóra og lögreglustjórinn á Austur-
landi ásamt vettvangsstjórn og ráð-
gjöfum funduðu í gærmorgun vegna
hreinsunarstarfs á Seyðisfirði. Hlý-
indi gengu yfir og því var ekki hægt
að vinna af fullum krafti innan þess
svæðis þar sem stóra skriðan féll 18.
desember síðastliðinn.
Hreinsunar- og viðgerðarstarf var
þó unnið utan þess svæðis og búið í
haginn vegna fyrirhugaðrar vinnu.
Þá er veðurútlit gott og má búast við
að vinna fari af stað af fullum krafti í
dag.
Hættustig vegna
aurskriðna enn í gildi
 Óbreytt rýming enn í gildi  Hlýindi gengu yfir í gær
Aron Þórður Albertsson
aronthordur@mbl.is
„Þetta lítur alveg ótrúlega vel út
miðað við aðrar þjóðir í kringum
okkur. Það hlýtur að segja manni að
okkur gangi vel að taka þátt í þess-
um sóttvörnum,“ segir Thor Aspe-
lund, prófessor í líftölfræði við Há-
skóla Íslands. Vísar hann þar til
þróunar kórónuveirufaraldursins
hér á landi.
Segir hann að vel hafi tekist að
koma böndum á faraldurinn sem
virtist vera á uppleið um miðjan des-
embermánuð. Þá virðist sem Íslend-
ingar hafi farið eftir aðgerðum
stjórnvalda. „Fólk hefur verið að
nota grímur og við virðumst vera að
fara eftir þessum reglum. Okkur
hefur tekist að halda þessu niðri
þrátt fyrir að þetta hafi verið á upp-
leið um tíma.“
Óhugnanleg staða erlendis
Í nágrannalöndum Íslands, þar á
meðal Bretlandi og Írlandi, hefur
faraldurinn verið á mikilli siglingu.
Þúsundir einstaklinga greinast á dag
og spítalar eru undir miklu álagi.
„Þetta minnir okkur á að faraldurinn
getur farið á flug hvenær sem er. Við
þurfum að vera vakandi, en það virð-
ist ákveðinn x-factor hérna sem erf-
itt er að gera grein fyrir. Vöxturinn í
löndunum í kringum okkur er
óhugnanlegur,“ segir Thor.
Aðspurður segist Thor hafa
ákveðnar áhyggjur af næstu vikum.
Þannig geti smitum fjölgað þegar
samfélagið fer á fullt eftir jólahátíð-
ina. „Ég hef aðeins áhyggjur af opn-
un skólanna og því þegar samfélagið
fer á fullt. En við höfum lent í því að
þetta fari upp og þá náum við því
bara aftur niður.“
„Þetta lítur alveg
ótrúlega vel út“
 Faraldurinn getur þó farið á flug hvenær sem er
Morgunblaðið/Eggert
Grímuklædd „Við höfum lent í því að þetta fari upp og þá náum við því bara
aftur niður,“ segir Thor Aspelund, prófessor í líftölfræði við Háskóla Íslands.