Morgunblaðið - Sunnudagur - 17.01.2021, Side 28

28 MORGUNBLAÐIÐ SUNNUDAGUR 17.1. 2021
LESBÓK
TRÖLL Synd væri að segja að Chris gamli Holmes, sem
frægastur er fyrir að hafa verið gítarleikari W.A.S.P. á
gullaldarárum málmbandsins glysgjarna, hafi verið
áberandi í tónheimum hin síðari ár og misseri. Þeir sem
sakna kappans geta á hinn bóginn tekið gleði sína á ný
því fyrir helgina kom út flunkuný heimildarmynd um
hann, Mean Man: The Story Of Chris Holmes, eftir
Frakkana Antoine De Montremy og Laurent Hart. Hol-
mes flutti til Frakklands með viðkomu í Finnlandi árið
2014 og kveðst í samtali við Duke TV ekki hafa hug-
mynd um hvenær hann troði næst upp í heimalandi sínu,
Bandaríkjunum. Lítið sé þangað að sækja enda hlusti
æska þess lands bara á rapp og hipphopp. „Þetta eru
rokkleysingjar upp til hópa,“ sagði okkar maður.
Tíðindi af Holmesheiði
Chris Holmes
er ekki dauður
úr öllum æðum.
Wikimedia.org
PÖNK Enski leikstjórinn Danny Boyle
hyggst gera leikna sjónvarpsseríu í sex hlut-
um um pönkbandið goðsagnakennda Sex Pi-
stols. Þættirnir munu kallast Pistol og byggj-
ast á endurminningum Steve Jones
gítarleikara, Lonely Boy, sem komu út 2018.
„Hugsið ykkur að brjótast inn í heim The
Crown og Downton Abbey með félögunum og
öskra lögin ykkar og tjá gremjuna vegna alls
sem þetta stendur fyrir,“ sagði Boyle við The
Guardian. „Þarna sprakk bresk götumenning
út, þar sem venjulegt ungt fólk hafði sviðið
og tjáði angist sína og flaggaði tískunni. Og
allir urðu að horfa á, skelfast eða fylgja.“
Leiknir sjónvarpsþættir um Sex Pistols
Sex Pistols á hátindi ferils síns árið 1977.
AFP
Julie Andrews á marga aðdáendur.
Kafnaði næst-
um úr gleði
GLEÐI Julia Quinn, höfundur Brid-
gerton-ástarsagnanna, kveðst hafa
misst andann svo lengi þegar hún
frétti að stórleikkonan Julie And-
rews myndi ljá lafði Whistledown
rödd sína í sjónvarpsþáttunum eftir
bókaflokknum, að með réttu hefði
átt að úrskurða hana látna. Téðir
þættir hafa slegið í gegn á efnis-
veitunni Netflix og lýsir Quinn
ánægju sinni með aðlögunina í sam-
tali við breska blaðið The Guardi-
an. Það truflar hana til dæmis ekki
neitt að sumir karakterar hafi
breytt um litarhaft enda sé hún vön
því að „nákvæmnislögreglan“ andi
ofan í hálsmálið á henni en Bridger-
ton sögurnar eiga sér stað á önd-
verðri nítjándu öld.
Ég var að rápa í Sjónvarpi Sím-ans Premium að leita að ein-hverju áhugaverðu til að
horfa á og það var úlpan sem setti
öngulinn í mig. Ég mundi eftir henni
úr fyrstu seríunni. Sú ágæta sería,
sem ég sá fyrir einhverjum miss-
erum, var að vísu að mestu leyti í
móðu en ég mundi eftir úlpunni hans
Nellys Rowe, eins og ég hefði séð
hann seinast í gær. Klæðileg flík,
heiðgul léttdúnúlpa, sem söguhetjan
í Save Me fer nánast aldrei úr; sofn-
ar ósjaldan í henni á kvöldin.
Smám saman rifjaðist þetta allt
upp fyrir mér; dóttir Nellys hafði
horfið í fyrri seríunni og hann lá um
tíma undir grun enda var hún talin
hafa verið á leið til hans síðast þegar
til hennar spurðist. Nelly er löngu
skilinn við móðurina og hafði stimpl-
að sig út úr lífi dótturinnar.
Ekki kom dóttirin í leitirnar í
fyrstu seríunni og leitin heldur nú
áfram, sautján mánuðum síðar, og
Nelly er staðráðnari en nokkru sinni
í því að hafa upp á henni, með góðu
eða illu. Bjartsýnin hefur dofnað
mjög í kringum hann og barnsmóðir
hans viðurkennir að suma daga óski
hún þess að dóttir hennar sé látin,
fremur en að hugsa til þess að hún
hafi lent í klóm níðinga. Guð einn
veit hvað þeir kunna að gera henni.
Nelly heldur á hinn bóginn í von-
ina og allt hans líf snýst um leitina.
Hvað varð um
dóttur mína?
Feður leita í ofboði að horfnum dætrum sínum í
sjónvarpi um þessar mundir; bæði í bresku þátt-
unum Save Me Too og dönsku þáttunum DNA.
Eru þær látnar eða í klóm misindismanna?
Orri Páll Ormarsson orri@mbl.is
Rolf Larsen veltir vöngum í dönsku spennu- og ráðgátuþáttunum DNA.
Nordicdrama.com
Það er breski leikarinn og handrits-
höfundurinn Lennie James sem er
maðurinn á bak við Save Me og
Save Me Too. Hann á hugmyndina
og skrifaði handritið ásamt Daniel
Fajemisin-Duncan og Marlon
Smith, auk þess sem hann leikur
sjálfur aðalhlutverkið, Nelly Rowe.
Af öðrum leikurum í þáttunum má
nefna Suranne Jones, Leslie Man-
ville, Stephen Graham, Olivia Gray
og Jason Flemyng.
Höfundur dönsku þáttanna DNA er Torleif Hoppe. Anders W.
Berthelsen fer með aðalhlutverkið en íslenskir áhorfendur kannast
vel við hann úr þáttum á borð við Krónikuna og Glæpinn sem nutu
mikilla vinsælda hér um slóðir. Zofia Wichlacz leikur Julitu og
Charlotte Rampling Claire Bobain. Þá fer Olivia Joof Lewerissa
með hlutverk lögreglukonunnar Neel sem reynist Rolf Larsen betri
en engin í leit hans að sannleikanum.
Skrifar handritið sjálfur
Zofia Wichlacz leikur í DNA.
NÁNARI UPPLÝSINGAR:
Katrín Theódórsdóttir
Sími: 569 1105 kata@mbl.is
Heilsa& útivist
–– Meira fyrir lesendur
Nú er tíminn til að huga að betri
heilsu og bættum lífstíl.
Í blaðinu verður kynnt fullt af þeim
möguleikum sem í boði eru fyrir þá sem
stefn
PÖNTUN AUGLÝSINGA:
Fyrir þriðjudaginn 26. janúar.
fylgir Morgunblaðinu föstudaginn 29. janúar
SÉRBLAÐ