Morgunblaðið - 02.03.2021, Page 10

10 FRÉTTIRInnlent
MORGUNBLAÐIÐ ÞRIÐJUDAGUR 2. MARS 2021
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur
Ingunnarskóli og Seljaskóli komust áfram í úrslit hæfi-
leikakeppninnar Skrekks í gær þegar fyrstu undan-
úrslit voru haldin í Borgarleikhúsinu. Áfram verður
keppt til úrslita í kvöld og annað kvöld.
Átján grunnskólar taka þátt í Skrekk í ár, sex þeirra
stigu á svið í gærkvöldi. Átta skólar munu svo keppa til
úrslita þann 15. mars. Um 400 unglingar taka þátt í á
frumsömdum atriðum sinna skóla og spreyta sig í leik-
list, söng, dansi, hljóðfæraleik, búningahönnun, förðun
ljósum, hljóði og annarri sviðsvinnu.
Á myndinni má sjá atriði Ingunnarskóla sem ber
heitið „Af hverju má ég ekki bara vera ég?“
Morgunblaðið/Árni Sæberg
Ingunnarskóli og Seljaskóli í úrslit
Fyrstu undanúrslit Skrekks
Ekki reyndist vera mikill munur á
umferðinni á götum höfuðborgar-
svæðisins í nýliðnum mánuði saman-
borið við febrúarmánuð fyrir ári,
sem var seinasti mánuðurinn áður en
faraldur kórónuveirunnar breiddist
út hér á landi. Samkvæmt yfirliti
Vegagerðarinnar var umferðin á
höfuðborgarsvæðinu í seinasta mán-
uði tæplega einu prósentustigi minni
en í febrúar fyrir ári.
Sjá má af mælingum Vegagerðar-
innar að umferðin yfir þrjú lykilmæl-
isniðin á höfuðborgarsvæðinu reynd-
ist 0,8% minni í nýliðnum febrúar
miðað við sama mánuð á síðasta ári,
að því er segir í umfjöllun um um-
ferðina í seinasta mánuði. „Mest
dróst umferð saman um lykilmælisn-
ið á Hafnarfjarðarvegi eða um 6,3%
en 2,8% aukning varð aftur á móti
um mælisnið á Reykjanesbraut,“
segir þar. Að meðaltali fóru rúmlega
162 þúsund ökutæki um lykilmæli-
snið Vegagerðarinnar á degi hverj-
um í febrúar. Til samanburðar voru
þau 163.581 í sama mánuði í fyrra og
rúmlega 165 þúsund í febrúar árið
2019 en meðalumferðin í seinasta
mánuði var öllu meiri en á árunum
þar á undan. Þannig fóru t.d. rúm-
lega 154 þúsund ökutæki um mæli-
sniðin í febrúar árið 2018.
Ef litið er á þróun umferðarinnar
á seinustu mánuðum kemur í ljós að
frá áramótum hefur umferðin á höf-
uðborgarsvæðinu dregist saman um
3,5 prósent miðað við sömu mánuði í
fyrra. Umferðin í síðustu viku var
aðeins minni en í vikunni á undan en
var hins vegar 0,7% meiri en í sömu
viku fyrir ári.
Nær vart sama þunga á árinu
„Haldist einkenni umferðarinnar
svipuð og í meðalári og verði ekki
fyrir frekari truflunum vegna Covid-
faraldursins en orðið er gæti um-
ferðin aukist um 8% nú í ár miðað við
síðasta ár. Verði af slíkri aukningu
myndi umferðin samt sem áður enda
í að vera um 3% undir því sem hún
var árið 2019. Þannig að eftir tvo
fyrstu mánuði ársins er ekki útlit
fyrir að umferðin nái sama þunga og
mældist fyrir Covid-faraldurinn,“
segir í frétt Vegagerðarinnar.
omfr@mbl.is
Örlítið minni umferð en fyrir ári
 Talið er að umferðin gæti aukist um átta prósent á þessu ári frá í fyrra á höfuð-
borgarsvæðinu  Umferðin í seinustu viku lítið eitt meiri en í sömu viku í fyrra
Umferð á höfuðborgarsvæðinu í febrúarmánuði
Summa meðalumferðar (þúsundir) fyrir lykilmælisvæði 2005-2021
200
175
150
125
100
75
50
2005 2007 2009 2011 2013 2015 2017 2019 2021
Heimild: Vegagerðin
112
132
122
133
165 162
164
Toyota Yaris hefur verið valinn bíll
ársins 2021 í Evrópu. Bíllinn var val-
inn af dómnefnd 59 blaðamanna á
sviði farartækja í Evrópu, en um er
að ræða fjórðu kynslóð af tegund-
inni Yaris, en fyrsta kynslóðin sem
kom út árið 2000 fékk einmitt sömu
verðlaun þá. Toyota hafði þá ekki
fengið slíka viðurkenningu áður.
Dómnefndin lofaði sérstaklega
hybrid-tækni Yarisins auk þess sem
vakin var sérstök athygli á lágu kol-
efnisspori bifreiðarinnar og viðráð-
anlegu verði hennar. Í tilkynningu
segir að umsögn dómnefndarinnar
skýri vel hvers vegna 80% þeirra
sem kaupa Yaris velji hybrid-útgáfu
bifreiðarinnar. Niðurstaða dóm-
nefndarinnar var tilkynnt aðeins fá-
einum dögum eftir að Yarisinn var
útnefndur sem mest seldi bílinn í
Evrópu í fyrsta sinn.
Morgunblaðið/Kristinn Magnússon
Bíllinn Toyota Yaris er vinsæll á Íslandi.
Toyota Yaris bíll ársins
Jósef Friðrik Ólafsson,
fyrrverandi yfirlæknir
St. Jósefsspítala í
Hafnarfirði, lést á
hjúkrunarheimilinu
Boðaþingi í Kópavogi
þann 15. febrúar, 91 árs
að aldri.
Jósef fæddist í
Reykjavík 24. ágúst
1929, sonur hjónanna
Sigurlaugar Ein-
arsdóttur og Ólafs Her-
manns Einarssonar.
Jósef var næstelstur
sex systkina.
Eftir að Jósef lauk stúdentsprófi
frá MR árið 1950 nam hann lækn-
isfræði við Háskóla Íslands, hann
lauk embættisprófi vorið 1957. Að
loknu kandidatsári og héraðs-
skyldum hér heima lá leiðin til Sví-
þjóðar þar sem hann aflaði sér sér-
menntunar í lyflæknisfræði. Hann
starfaði á nokkrum sjúkrahúsum í
Svíþjóð, þar til hann hélt heim til
starfa sem yfirlæknir lyflækn-
ingadeildar við St. Jósefsspítala í
Hafnarfirði vorið 1963.
Tvö elstu börn Jósefs
og Sólveigar fæddust í
Svíþjóð en þriðja barn-
ið fæddist eftir heim-
komuna til Íslands
haustið 1964. Jósef
vann allan sinn starfs-
feril við St. Jósefsspít-
ala og var auk þess
með læknastofu, fyrir
utan hlé árið 1971 þeg-
ar hann tók að sér af-
leysingastöðu héraðs-
læknis í Ólafsfirði.
Jósef gegndi stöðu yf-
irlæknis Jósefsspítala frá 1993 til
1996 og starfaði sem læknir til árs-
ins 2000 þegar hann lét af störfum
sökum aldurs.
Jósef kvæntist Sólveigu (Ollý) Ás-
geirsdóttur húsmæðrakennara (f.
27.06. 1933, d. 03.04. 2015) þann 3.
september 1955. Börn Jósefs og Sól-
veigar eru: Sólveig Birna, Ólafur
Mar og Snorri. Fyrir átti Sólveig Ás-
laugu sem var ættleidd af foreldrum
Sólveigar.
Andlát
Jósef Ólafsson
Karlmaður var í gær úrskurðaður í
átta daga farbann í Héraðsdómi
Reykjavíkur í tengslum við mann-
drápsmál í Rauðagerði. Farið var
fram á farbannið á grundvelli rann-
sóknarhagsmuna. Viðkomandi
hafði áður setið í gæsluvarðhaldi og
átti það að renna út næstkomandi
miðvikudag. Eins og fram hefur
komið er rannsókn málsins afar
umfangsmikil. Nú fer lögregla yfir
símagögn sem því tengjast.
Úrskurðaður í átta daga farbann