Morgunblaðið - 24.03.2021, Síða 10

10 FRÉTTIRInnlent
MORGUNBLAÐIÐ MIÐVIKUDAGUR 24. MARS 2021
Erum með þúsundir vörunúmera inn á vefverslun okkar brynja.is
Laugavegi 29 | sími 552 4320 | www.brynja.is | verslun@brynja.is
HÁGÆÐA EFNAVÖRUR
FRÁ LIBERON
Opi
ð vi
rka
dag
a fr
á 9-
18
lau
frá
10-1
6
Helgi Bjarnason
helgi@mbl.is
Landsnet hefur hafið undirbúning að
lagningu Holtavörðuheiðarlínu sem
liggja á frá tengivirkinu á Klafastöð-
um við Grundartanga og að nýju
tengivirki á Holtavörðuheiði. Ekki
hefur verið ákveðið hvar nýja línan
mun liggja en
meðal annars er
litið til þeirra há-
spennulína sem
fyrir eru, Vatns-
hamralínu 1 og
Hrútatungulínu 1
sem liggja úr
Hvalfirði í Hrúta-
fjörð.
Holtavörðu-
heiðarlína er liður
í styrkingu byggðalínunnar á milli
Suðvesturlands og Austurlands með
uppbyggingu 220 kV háspennulínu.
Framkvæmdir eru hafnar við Hóla-
sandslínu 3 og Kröflulínu 3 sem liggja
á milli Akureyrar og Fljótsdals og
unnið að mati á umhverfisáhrifum
Blöndulínu 3 sem tengir Akureyri við
Blönduvirkjun. Eftir er þá umrædd
Holtavörðuheiðarlína og önnur há-
spennulína frá Holtavörðuheiði að
Blönduvirkjun.
Elín Sigríður Óladóttir, samráðs-
fulltrúi Landsnets, segir að ekki sé
búið að ákveða staðsetningu nýs
tengivirkis á Holtavörðuheiði eða
línuleiðina. Það sé verkefni matsferlis
vegna umhverfismats. Tekur hún þó
fram að það sé stefna Landsnets að
nýta þau mannvirki sem fyrir eru.
Þess vegna sé núverandi línuleið einn
af þeim kostum sem skoðaðir verða.
Rætt við landeigendur
Landsnet er nú að hefja opið sam-
ráð við landeigendur og aðra hags-
munaaðila. Elín segir að þessa dag-
ana sé verið að hafa samband við alla
landeigendur á núverandi línuleið til
að kynna þeim verkefnið og bjóða
þeim á opinn fjarfund annað kvöld,
fimmtudag. Jafnframt er verið að
skipa verkefnaráð um framkvæmd-
ina, með sama hætti og Landsnet hef-
ur gert vegna stærri framkvæmda
síðustu árin. Verður fulltrúum frá
sveitarfélögunum fjórum, náttúru-
verndarsamtökum, atvinnuþróunar-
félögum, fræðasamfélaginu og fleir-
um boðið að taka sæti í því. Fyrsti
fundur verkefnaráðsins veður einnig
á morgun. Segir Elín að á fyrsta fundi
verði framkvæmdin kynnt, sagt frá
samráðsferlinu og hvernig
umhverfismat fer fram. Reikna megi
með því að verkefnaráðið fundi frekar
oft í upphafi. Það mun starfa út undir-
búnings- og framkvæmdatímann.
Undirbúa nýja línu
yfir Holtavörðuheiði
- Liður í styrkingu byggðalínu - Samráðsferli að hefjast
Holta-
vörðu-
heiði
Borgarnes
Akranes
Holtavörðu-
heiðarlína
Lega núverandi
háspennulína
Klafastaðir
(Grundartangi)
BORGAR-
FJÖRÐUR
Elín Sigríður
Óladóttir
Morgunblaðið/Einar Falur
Háspenna Ný lína af þessari gerð
verður lögð yfir Holtavörðuheiði.
Höskuldur Daði Magnússon
hdm@mbl.is
Tæplega 4.000 manns hafa í vikunni
fengið seinni skammtinn af Pfizer-
bóluefninu í Laugardalshöll. Að sögn
Ragnheiðar Óskar Erlendsdóttur,
framkvæmdastjóra hjúkrunar hjá
Heilsugæslu höfuðborgarsvæðisins,
er um fólk fætt 1939 og eldra að
ræða. Að auki fá um eitt þúsund
manns sem fæddir eru árið 1945
bóluefni frá Moderna í vikunni.
Í næstu viku verður haldið áfram
að gefa seinni skammtinn af bóluefni
Pfizer. Þá verður lokið við að bólu-
setja árganga 1940, 1941 og 1942 að
sögn Ragnheiðar, alls um 3.000
manns. „Hugsanlega náum við eitt-
hvað að bæta við það, narta aðeins í
’46-árganginn,“ segir hún.
Ragnheiður segir að útlit sé fyrir
að staðan batni til muna eftir páska.
„Þá fer þetta að glæðast, mér sýnist
að skammturinn tvöfaldist til okkar.
Þá höfum við nóg til að endurbólu-
setja þessa hópa og ná nokkrum ár-
göngum eftir það. Ég hugsa að
fyrstu tvær vikurnar eftir páska
náum við alla vega niður að 70 ára
markinu.“
Enn er óvíst hvenær hægt verður
að ljúka bólusetningu á heilbrigðis-
starfsmönnum utan stofnana að sögn
Ragnheiðar. Beðið er eftir ákvörðun
sóttvarnalæknis um AstraZeneca-
bóluefnið. Sama gildir með hóp fólks
64 ára og yngri sem er með undir-
liggjandi áhættuþætti. Báðir þessir
hópar eru í biðstöðu.
Alls er nú búið að bólusetja 54.868
einstaklinga á Íslandi að því er fram
kemur á covid.is. Af þeim eru 16.906
fullbólusettir.
Morgunblaðið/Kristinn Magnússon
Bólusetning Fólk fætt 1939 og fyrr fékk seinni skammt af bóluefni Pfizer.
Staða bólusetninga
glæðist eftir páska