Fréttablaðið - 27.08.2021, Blaðsíða 18

Kine-tæknin
hraðar bata og er
tímamótauppgötvun í
heilbrigðismálum. Við
þurfum að auka gæði í
sjúkraþjálfun og Kine-
tæknin er ein leið til að
bæta færni þeirra sem
hafa stoðkerfisvanda-
mál.
Gauti Grétarsson
Kiso er íslenskt nýsköpunar-
fyrirtæki sem þróað hefur
þráðlaust sEMG og fleiri
tæknilausnir til notkunar
í endurhæfingu og íþrótta-
þjálfun undir merkinu Kine.
Meðal viðskiptavina eru
NASA, knattspyrnurisinn
Chelsea og Össur.
„Þráðlausi sEMG-búnaðurinn
hefur reynst dýrmætt tæki til að
greina og meðhöndla vandamál
tengd vöðvavirkni stoðkerfisins
og með KineLive fá sjúkraþjálfarar
tæki sem gerir þeim kleift að auka
árangur sinn og hjálpa skjól-
stæðingum sínum að fá hraðari
og langvarandi árangur. Starf
sjúkraþjálfara snýst að langmestu
leyti um að skilja og laga hreyfi-
getu skjólstæðinga sinna. Til þess
eiga þeir ýmis tæki og tól, svo sem
heita og kalda bakstra, nudd, laser
og örbylgju, en skort hefur tækni
sem metur árangurinn. Þar kemur
KineLive til sögunnar,“ upp-
lýsir Baldur Þorgilsson, forstjóri
KisoInc.
Kemur jafnvægi á ójafnvægi
KineLive hefur tvíþætta virkni.
Annars vegar geta sjúkraþjálfarar
greint vöðvaójafnvægi hjá skjól-
stæðingum sínum og hins vegar
nýtist KineLive til að þjálfa og
finna réttar æfingar til að komast
úr ójafnvæginu.
„Kine-tæknin virkar þannig að
ég set skynjara á vöðva skjólstæð-
inga minna og fylgist með hvaða
vöðvar starfa á hverjum tíma. Með
því get ég og skjólstæðingurinn
áttað sig á því hvort vöðvi sem á
að vera virkur taki raunverulega
þátt í hreyfingunni. Út frá því get
ég þróað aðferðir til að vöðvarnir
nái betri virkni og viðkomandi
getur séð á tölvuskjá hvað hann
er að gera rangt og lært betur inn
á hvaða vöðva hann á virkja með
ákveðnum hreyfingum,“ útskýrir
Gauti Grétarsson, sjúkraþjálfari
hjá Sjúkraþjálfun Reykjavíkur.
Gauti hefur notað Kine-tæknina
frá árinu 2006 og segir árangurinn
frábæran fyrir skjólstæðinga sína
enda sé í sumum tilfellum hægt að
finna lausnina mun hraðar.
„Kine-tæknin hraðar bata því
ef fólk veit ekki hvar veikleikar
þess liggja er þrautin þyngri að
ná framförum. Kine sýnir svart
á hvítu hvað er eðlilegt og hvað
er óeðlilegt. Sem dæmi má nefna
að þeir sem eru slæmir í baki eru
yfirleitt með lélega rassvöðva en
með hjálp tækninnar get ég kennt
viðkomandi að nota rassvöðvana
rétt í hreyfingu í stað bakvöðva til
að halda sér uppi.“
Gauti, sem starfar mikið með
íþróttafólki, segir Kine koma í veg
fyrir gnótt íþróttameiðsla.
„Hjá íþróttafólki mæli ég
gjarnan styrkleikamun á rass-
vöðvum vinstra og hægra megin
allt frá einum upp í sex. Ef rass-
vöðvarnir eru ekki með í leiknum
skapast mikið ójafnvægi sem gefur
vísbendingu um að viðkomandi
sé ekki að gera æfingarnar rétt.
Bylting sem hraðar bata í stoðkerfi
Gauti Grétars-
son, sjúkra-
þjálfari hjá
Sjúkraþjálfun
Reykjavíkur,
við skjá sem
sýnir meðal
annars hvaða
vöðvar eru virkir
í æfingum með
Kine-tækni.
FRÉTTABLAÐIÐ/
ÓTTAR GEIRSSON
Sú villa þróast svo áfram til hins
verra ef ekkert er að gert. Það
sama á við um eldra fólk; oftar en
ekki sést kerfismunur á vöðvum
þess og önnur hlið líkamans er
ekki eins virk og hin. Þetta ágerist
með árunum því við erum ýmist
rétthent eða örvhent og hlýðum
annarri hlið líkamans án þess að
vita það,“ greinir Gauti frá.
Mikilvæg tækni til hraðari bata
Kine-tæknin er tímamótauppgötv-
un þegar kemur að endurhæfingu,
en til þess að hún fái brautargengi
þarf hún að vera niðurgreidd af
Sjúkratryggingum.
„Það er alltaf verið að tala um
nýsköpun í heilbrigðismálum og
þetta tæki er raunveruleg bylting.
Ég hreinlega gæti ekki starfað án
þess að hafa upplýsingarnar sem
ég hef í gegnum Kine og ég nota
það í allri kennslu og fyrirlestrum,“
segir Gauti, sem hélt fyrirlestur
um Kine-tæknina fyrir Breska
Ólympíusambandið árið 2012,
þegar það innleiddi tæknina.
„Allir vita að Bretar náðu sínum
besta árangri á Ólympíuleikunum
2012 og að þeir notuðu meðal
annars þessa tækni til að mæla
sitt íþróttafólk. Þá hefur Kine-
Live verið beitt í endurhæfingu á
leikmönnum í Meistaradeildinni
og þýsku Bundesligunni með
frábærum árangri. Þrátt fyrir það
hafa heilbrigðisyfirvöld hér ekki
séð mikilvægi þessarar tækni fyrir
sína skjólstæðinga. Við þurfum að
auka gæði í sjúkraþjálfun og Kine-
tæknin er ein leið til þess að bæta
færni þeirra sem hafa stoðkerfis-
vandamál,“ segir Gauti. n
Sjá nánar á kisoinc.com
Hugbúnaðarlausn On to
Something opnar fyrir
nýtingu afgangsefna innan
hringrásarhagkerfisins.
starri@frettabladid.is
Nýsköpunarfyrirtækið On to
Something (OTS) er alþjóðlegur
rafrænn viðskiptavettvangur
fyrir fagaðila þar sem afgangsefni
ganga kaupum og sölum. Um er að
ræða hugbúnaðarlausn sem opnar
á og mótar skapandi farvegi fyrir
hreina strauma afgangsefna með
verðmætasköpun og sjálf bærni
að leiðarljósi, segja stofnendur
þess, María Kristín Jónsdóttir og
Sara Jónsdóttir. „Inn á OTS skrá
fyrirtæki, stofnanir og sveitar-
félög afgangsefni sín og opna
fyrir mögulega nýtingu þeirra og
veita hvert öðru og frumkvöðlum,
skapandi greinum, vísinda- og
háskólasamfélaginu aðgang að
hráefnum og upplýsingum sem
hingað til hefur verið erfitt að
nálgast,“ segir María Kristín. Þar
myndast því mikilvægur gagna-
grunnur sem getur nýst með
afar fjölbreyttum hætti auk þess
að kortleggja og veita yfirsýn í
úrgangsmálum bætir Sara við.
„Við ætlum okkur að færa þennan
markað upp á yfirborðið, gera
hann aðgengilegan og ekki síður
aðlaðandi. OTS mun jafnframt
miðla árangurssögum og verk-
efnum sem unnin eru innan
hringrásarhagkerfisins öðrum til
innblásturs og hvatningar.“
Reynsla úr skapandi geiranum
María Kristín og Sara kynntust
þegar þær unnu báðar í Miðstöð
hönnunar og arkitektúrs. María
Kristín var þá ritstjóri og listrænn
stjórnandi HA, fagtímarits um
hönnun og arkitektúr, og Sara
stjórnandi HönnunarMars og verk-
efnastjóri Hönnunarverðlauna
Íslands. „Við höfum báðar mikla
reynslu af fjölbreyttum störfum
innan skapandi geirans þar sem
nýsköpun er einn helsti drif-
krafturinn. Við höfum hrint af stað
mýmörgum nýjum verkefnum og
komið snemma að öðrum og keyrt
þau áfram.“
Báðar hafa þær hannað hluti,
rými og konsept, stofnað fyrir-
tæki, komið að uppbyggingu nýrra
vörumerkja, komið ólíkum
hátíðum og sýningum á koppinn
og þróað aðrar. „Það má því segja
að við höfum sannarlega komið
nálægt nýsköpun áður þótt far-
vegurinn hafi verið annar en nú.“
Fengu áskorun
Hugmyndin að On to Something
kviknaði eftir að skorað hafði verið
á þær að þróa hugmynd og sækja
um í Hringiðu, viðskiptahraðli
sem snýr að hringrásarhagkerfinu.
„Saman fórum við því að spá og
spekúlera, hittum fullt af fólki og
tókum púlsinn á ýmsum vinklum
sem okkur þóttu áhugaverðir. Við
höfum báðar í kjarnanum okkar
þörf fyrir að vinna að málefnum
og verkefnum sem skipta máli og
hafa jákvæð og umbreytandi áhrif
í stóra samhenginu. Hér var tæki-
færi til að skoða hæfileika okkar og
reynslu og sjá hvernig þeir nýttust í
öðru og stærra samhengi.“
Hugmyndin þroskaðist hratt
Þær voru sammála um að þróa
hugmynd sem kveikti eldmóð
í þeim báðum og innihéldi þau
element sem hafa gefið þeim
drifkraft í fyrri verkefnum, svo
sem skapandi hugsun, hönnun og
framsetning, umhverfisvernd, að
tengja saman ólíka hópa og miðla
framúrskarandi verkefnum. „Við
vorum stöðugt að stilla af áttavit-
ann og rétta okkur af í þróuninni.
Hugmyndin varð að dansa við
okkar element og hafa möguleika
á að verða raunverulega til gagns.
Útkoman var frumhugmynd að On
to Something sem tók svo nokkra
kollhnísa í samtölum við mentora
og aðra stuðningsaðila innan hrað-
alsins og utan. Það var eflandi ferli
sem við hefðum ekki viljað missa
af enda þroskaðist hugmyndin
hratt og við stofnuðum fyrir-
tækið innan mánaðar frá lokadegi
Hringiðu.“
Mikil gróska í nýsköpun
Þótt þær komi báðar úr hönn-
unargeiranum og séu í raun að
stíga inn í nýtt umhverfi með
fyrirtæki sínu, segja þær þó að
margt sé svipað og snertif letirnir
séu margir. „Það mætti segja að
hönnun og nýsköpun gangi í raun
út á það sama, að skynja þarfir,
hugsa í lausnum og skapa eitthvað
nýtt eða bæta það sem fyrir er
en það tekur vissulega alltaf smá
tíma að átta sig á því hvernig hlut-
irnir virka í nýju samhengi. Það er
mikil gróska í nýsköpun á Íslandi
og víða er verið að þróa góðar
hugmyndir og mikilvæg verkefni.
Það eru margir og mismunandi
hraðlar í boði sem styðja við
fyrstu skrefin í slíkum verkefnum
og er það vel. Það er óhætt að segja
að hingað til hefur þetta verið
virkilega áhugavert og gefandi
ferli fyrir okkur þar sem fólk er
almennt mjög hvetjandi og tilbúið
að gefa af tíma sínum, reynslu og
þekkingu. Fyrir það erum við afar
þakklátar.“ n
Hugmyndin varð að kveikja eldmóð
Sara Jónsdóttir (t.v.) og María Kristín Jónsdóttir eru stofnendur nýsköpunarfyrirtækisins On to Something.
FRÉTTABLAÐIÐ/ÓTTAR
Það mætti segja að
hönnun og
nýsköpun gangi í raun út
á það sama, að skynja
þarfir, hugsa í lausnum
og skapa eitthvað nýtt
eða bæta það sem fyrir er
en það tekur vissulega
alltaf smá tíma að átta sig
á því hvernig hlutirnir
virka í nýju samhengi.
Sara Jónsdóttir og
María Kristín Jónsdóttir
6 kynningarblað 27. ágúst 2021 FÖSTUDAGURNÝSKÖPUN Á ÍSLANDI