Fréttablaðið - 31.07.2021, Blaðsíða 56

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg ehf.
DREIFING Póstdreifing ehf.
dreifing@postdreifing.is 550 5000
Óttars
Guðmundssonar
n Bakþankar
Frægasta fjölskyldudrama í
Íslendingasögum er hjónaband
þotufólksins Gunnars á Hlíðar­
enda og Hallgerðar langbrókar
Höskulds dóttur. Þau hittust á
Þingvöllum og ákváðu strax að gifta
sig. Hún var tvöföld ekkja en hann
reynslulítill í ástamálum. Samband
þeirra einkenndist af ósamlyndi
og óhamingju. Hallgerður hélt
framhjá Gunnari með náfrænda
hans. Hún lét húskarl sinn stela
mat á næsta bæ þegar engin inni­
stæða var á kortinu. Gunnar svaraði
með hefðbundnu ofbeldi og gekk
í skrokk á konu sinni. Hann sýndi
henni margvíslega lítilsvirðingu og
lét hana finna að vinskapur hans
við Njál nágranna skipti meiru en
hjónabandið. Smám saman súrnaði
heimilishaldið á Hlíðarenda og tor­
tryggni, beiskja og afbrýðisemi réðu
ríkjum. Þetta hjónaband endaði
með sorglegu uppgjöri og skilnaði.
Hjónabandsráðgjafi hefði fljót­
lega séð í hvað stefndi á Hlíðarenda.
Skilnaður er alltaf ferli en sjaldnast
skyndiákvörðun. Alls kyns smá­
atvik og breytingar á samskiptum
segja fyrir um gang ferlisins. Hjá
Gunnari og Hallgerði blikka fljót­
lega aðvörunarljós. Sambandið ein­
kennist af lygum og óheiðarleika.
Þau rífast og svívirða hvort annað
og fjarlægjast.
Heimilisóhamingja hefur
ekkert breyst í aldanna rás. Ég hef
margsinnis séð sögu Gunnars og
Hallgerðar endurtaka sig í nútíma­
samfélagi. Einkennin eru alltaf
þau sömu. Fólk fjarlægist þegar
sambandið einkennist af leyndar­
málum og óheiðarleika. Eftir því
sem lygavefurinn verður flóknari
eru framtíðarhorfur sambandsins
verri. Heiðarleiki og gagnsæi skipta
því jafn miklu í hjónaböndum sam­
tímans og hjá Gunnari og Hallgerði.
Leyndarmál og lygaþvæla tortíma
allri sálarró og eitra öll samskipti.
„Sannleikurinn mun gera yður
frjálsa,“ stendur í Jóhannesarguð­
spjalli. Það skiptir jafn miklu máli
nú og fyrir 2000 árum. n
Hjónabandsvandi
SUMARFRÍ
26 kr.
4 VIKUR
AFSLÁTTUR
Skráðu þig á orkan.is
FRÉTTIR, FÓLK &
MENNING
á Hringbraut