Fréttablaðið - 01.07.2021, Blaðsíða 36

AUGLÝSINGADEILDIR – AUGLÝSINGASTJÓRI: Gústaf Bjarnason gustaf@torg.is, ALMENNAR AUGLÝSINGAR: SÍMI 550 5050:
Auður Húnfjörð audur@frettabladid.is, Hjördís Zoëga hjordis@frettabladid.is, Hlynur Þór Steingrímsson hlynur@frettabladid.is , Reynir Elís Þorvaldsson reynir@frettabladid.is,
Örn Geirsson orn@frettabladid.is FÓLK/SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, Ruth Bergsdóttir ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056:
Hrannar Helgason hrannar@frettabladid.is, TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Hún amma mín hefur
einstakan fatasmekk
og elskar góð efni. Silki
er í algjöru uppáhaldi
hjá henni.
Rakel Mjöll hefur verið
búsett í London síðustu ár,
en flúði ástandið í borginni
til Íslands. Hún er söngkona
sveitarinnar Dream Wife, sem
nýtur mikilla vinsælda. Rakel
opnar í kvöld sýningu á silki-
flíkum sem hún hefur unnið
í COVID-ástandinu, í Gallerí
Flæði.
steingerdur@frettabladid.is
Tónlistar- og myndlistarkonan
Rakel Mjöll Leifsdóttir varð að
yfirgefa London, heimaborg sína
síðustu 8 árin, þegar heimsfaraldur-
inn fór að taka sinn toll og setja sinn
svip á lífið í borginni. Hún hefur því
eytt síðastliðnu ári á landinu.
„Ég kom heim frá London í fyrstu
bylgju faraldursins, því borgin fór í
„lockdown“ og nú er liðið meira en
ár frá því. Ég pakkaði í litla tösku og
hélt að ég myndi vera bara í nokkrar
vikur en það breyttist náttúrulega.
Vissulega voru þetta mikil viðbrigði
því ég hef búið í Englandi í átta ár og
starfað innan tónlistargeirans, þar
sem ég eyddi meirihluta af árinu
í að ferðast milli landa og spila á
ýmsum hátíðum og stöðum,“ segir
Rakel, en hún hefur náð gífurlegum
vinsældum með hljómsveit sinni
Dream Wife, sem hefur spilað á
stærstu tónleikahátíðum heims.
„Það tók tíma að venjast því að
lifa mun rólegra lífi. En ég er svo
gríðarlega þakklát fyrir að geta
hafa eytt síðastliðnu ári hér heima
í Reykjavík og notið þess að vera í
fjölskyldufaðmi, upplifa öryggið
hér heima í engri keppni við tímann
eins og í London,“ segir hún.
Íslendingar heppnir
Hún hefur þó farið nokkrum sinn-
um til London síðastliðið ár.
„Þá til þess að fara í mánaðar-
legar skrif búðir eða hljóðverstíma
með hljómsveitinni og þá skynja ég
hvað ég og íslenska þjóðin höfum
nú haft það gott að hafa aldrei þurft
að upplifa þessar miklu lokanir og
eymdina, líkt og í Bretlandi. En nú
er þetta allt á réttri leið.“
Alice og Bella, sem eru með Rakel
í Dream Wife, eru í London.
„Svo mín vinna fer mikið fram
í gegnum tölvuskjá þessa dagana.
Mér fannst ég vera orðin hálf súr
að vinna svona mikið með tölvu,
svo ég vildi vinna með höndunum
líka, til að jafna þetta út. Ég fann að
með því að prjóna eða sauma hélt
ég betur einbeitingu og auðveldaði
hugmyndavinnuna. Eitt leiddi af
öðru og ég hóf að sauma silkikjóla
og -flíkur.“
Líður best í silki
Rakel hefur alls ekki setið auðum
höndum. Hún hefur nýtt tímann
til að sinna ástríðu sinni og fór að
sauma f líkur úr lífrænu silki, en
hún hefur alltaf haldið mikið upp á
silkiklæðnað. Í kvöld mun hún sýna
afraksturinn í Gallerí Flæði.
„Amma og mamma hafa deilt
ást sinni á silki með mér frá því ég
var lítil. Þær hafa alltaf kunnað að
klæða sig, en það er af því að þær
skoða frekar úr hvaða efni flíkin er
unnin heldur en sniðið, eða hvort að
hún sé merkjavara. Að efnið hjálpi
frekar sniðinu. Efni eins og lífrænn
bómull, silki og lín endast betur. Ég
hef líka alltaf verið með frekar við-
kvæma húð og á erfitt með að klæð-
ast ýmsum gerviefnum. Mér líður
einfaldlega best þegar ég er í silki.“
A mma Rakelar er Guðr ú n
Ásmundsdóttir, ein af ástsælustu
leikkonum þjóðarinnar.
„Hennar silkisafn er einstakt og
ég hef verið svo heppin að hún hefur
laumað að mér flíkum úr því safni
í gegnum tíðina. Hver f lík er með
sína sögu. Hún amma mín hefur
einstakan fatasmekk og elskar góð
efni. Silki er í algjöru uppáhaldi
hjá henni. Hún kenndi mér ýmsar
aðferðir við að þvo silki og rétta
úr því þegar ég var unglingur. Við
erum alltaf að kenna hvor annarri
eitthvað nýtt,“ segir Rakel og brosir.
Treystir flæðinu
Rakel vinnur einvörðungu með
lífrænt silki, þar sem henni finnst
mikilvægt að þekkja uppruna efnis-
ins og hvernig það var framleitt.
„Silkið sem ég vinn með er efni
sem er OEKO og ODM umhverfis-
vottað, lífrænt mórberjasilki. Það
þýðir að engin eiturefni koma
nálægt framleiðslunni frá því að
silkiormarnir borða mórberjalaufin
sín, þar til efnið er litað. Fólkið sem
vinnur efnin gerir það við góðar
aðstæður og fær mannsæmandi
laun.“
Finnst þér myndlistarmenntun
þín hjálpa þér við fatahönnunina?
„Hún hefur hjálpað mér mikið
í gegnum tíðina í ýmsum verk-
efnum sem ég hef tekið að mér. Að
hafa ekki þennan ótta við að byrja
á nýjum verkefnum. Það er svipað
með tónlistina. Það er mikilvægt að
treysta flæðinu og ferlinu,“ útskýrir
Rakel.
Saknar þess að spila
Rakel segist sakna þess mikið að
koma fram með Dream Wife og var
vön að ferðast heimshorna á milli
með sveitinni.
„Það er ótrúlegt hvað tíminn
líður hratt. Ég sakna þess mikið að
koma fram á tónleikum og upplifa
þessa einstöku orku sem myndast
í salnum. Nú í síðustu viku fram-
lengdi breska ríkisstjórnin sam-
komutakmarkanir til loka sumars,
svo slatta af tónlistarhátíðum sem
ég átti að spila á hefur aftur verið
frestað, eða þeim algjörlega aflýst.
En þannig er það nú, öryggið skiptir
mestu máli. Það verður ljúft að spila
þegar tíminn kemur. Krossum
fingur og tær að við fáum nú loks að
mega spila. Annars mun bara önnur
fatalína sjá dagsins ljós,“ segir Rakel
og hlær. n
Ástríðan á silki fékk loks
að blómstra í faraldrinumSTÆRRI
PIZZUR
LÆGRA
VERÐ
Fjarðargata 11 · Dalvegur 32b
Rakel er að hanna þessa silkikjóla sem hún dressaði sig og ömmu sí na upp í .
FRÉTTABLAÐIÐ/EYÞÓR
24 Lífið 1. júlí 2021 FIMMTUDAGURFRÉTTABLAÐIÐ