Fréttablaðið - 01.07.2021, Blaðsíða 40
RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg ehf.
DREIFING Póstdreifing ehf.
dreifing@postdreifing.is 550 5000
Eldhúsið mitt veitir mér engan
innblástur, heldur veldur það mér
kvíða.
Við Hófí, kærastan mín, keyptum
íbúð fyrir hálfu ári, en í eldhúsinu
ríkir enn óreiða. Þetta er ekkert
dramatískt. Það stendur aldrei
hrúga af óhreinu leirtaui upp úr
vaskinum, það lekur ekkert og það
er ekkert að mygla í ruslinu. Ekkert
dramatískt. Stundum eru diskarnir
í efri hillunni, stundum í neðri,
kaffikvörnin er óaðgengileg og
kaffið er heimilislaust.
Þetta stendur til bóta, þetta átti
aldrei að vera svona. Við vorum
aldrei ánægð með eldhúsið þar sem
við bjuggum áður og vorum ákveð-
in í að standa okkur betur. Síðan
fluttum við og það var áfall, en ég
las að 60% fólks finnist flutningar
vera það erfiðasta sem það upplifir.
Við fluttum og jöfnuðum okkur —
og eldhúsið sat á hakanum.
Síðan fórum við að vinna. Við
vinnum bæði sjálfstætt og vitum
yfirleitt ekki hvernig næsta vika
verður, og allar vikur sem við
höfum eyrnamerkt eldhúsinu hafa
farið í sandinn. Alla morgna geri
ég graut í eldhúsinu sem veitir mér
engan innblástur. Suma morgna er
kaffið í glugganum og aðra hjá elda-
vélinni og enn aðra hjá ísskápnum.
En við gerum þetta í næstu viku,
sem fer í sandinn, en við gerum
þetta í næstu viku, en tíminn fer í
sandinn, en við gerum þetta í næstu
viku og ég fatta að lífið er á hrað-
siglingu og ekkert sem ég geri getur
hægt á henni.
Önnur vika gengur í garð og ég
geri andlausan hafragraut og svip-
ast um eftir kaffinu og ég finn það í
líkamanum að einn daginn mun ég
deyja, en í næstu viku komum við
eldhúsinu í stand. ■
Eldhúsið mitt
Stefáns Ingvars
Vigfússonar
■ Bakþankar
MatarKlipp
Nova
Skoraðu hungrið á hólm!
Nældu þér í MatarKlipp í Nova Appinu. Þú færð
fjórar máltíðir á 5.990 kr. og getur hámað í þig
alls konar hamborgara, pizzur, pítur, bökur og
vefjur af matseðli á ótal veitingastöðum!
Verði þér að bragðgóðu!
Fjórar
máltíðir á
5.990 kr.