Fréttablaðið - 17.06.2021, Side 30

Cristiano Ronaldo lækkaði
virði hlutabréfa Coca Cola
um tæp tvö prósent með
nokkurra sekúndna gjörn­
ingi sem vakti gríðarlega
athygli. Björn Berg Gunnars­
son segir þetta til marks um
þau áhrif sem stórstjörnur
hafa á afkomu stórfyrirtækja.
hjorvaro@frettabladid.is
FÓTBOLTI Uppátæki portúgalska
knattspyrnumannsins Cristianos
Ronaldo á blaðamannafundi í
kringum leik portúgalska liðsins
í lokakeppni Evrópumótsins, þar
sem hann færði Coca Cola f löskur
sem stillt hafði verið upp fyrir
framan hann og hvatti áhorfendur
til þess drekka vatn í stað kóks,
vakti alheimsathygli.
Hvatning Ronaldos varð til þess
að virði hlutabréfa Coca Cola lækk­
aði um tæp tvö prósent eða um 500
milljarða íslenskra króna. Þetta
sýnir svart á hvítu áhrif stórstjarna
og annarra áhrifavalda á af komu
fyrirtækja.
„Það er alveg klárt mál að uppá­
tæki Ronaldos hefur bein áhrif á
hlutabréfaverð Coca Cola og það
er mjög athyglisvert. Þess ber hins
vegar að geta að það er ekkert
óeðlilegt að hlutabréfaverð Coca
Cola sveif list á milli daga, það ger­
ist reglulega og ekki er víst að þetta
hafi marktæk áhrif til lengri tíma.
Aftur á móti er það eftirtektar­
vert hversu mikil áhrif stórstjörnur
hafa og hversu fyrirtæki eru ber­
skjölduð fyrir því sem þær ákveða
að gera,“ segir Björn Berg Gunn­
arsson, deildarstjóri greiningar
Íslandsbanka.
Fyrirtækin eru berskjölduð
„Það má ekki gleyma því að þetta er
ekki bara einhver stórstjarna. Þetta
er Ronaldo, sem er með um það bil
hálfan milljarð fylgjenda á sam­
félagsmiðlum og er gríðarlega stór
stjarna með stuðningsmenn sem
taka hann mjög alvarlega. Það að
hann geri þetta með jafn skýrum
hætti og á jafn stóru sviði, gerir
þetta enn áhrifaríkara en ella.
Það er fróðlegt að sjá að nokk­
urra sekúndna gjörningur Ronald­
os, hvort sem hann var fyrir fram
ákveðinn eða ekki, hafi svona mikil
áhrif. Þó þetta veki óneitanlega
athygli á vörumerkinu, sem í sjálfu
sér getur verið jákvætt, er ekki úti­
lokað að fylgjendur hans og aðdá­
endur taki þessu sem skýrum skila­
boðum,“ segir Björn Berg.
„Þarna sjáum við líka ástæðu
þess að fyrirtæki eru í meira mæli
að nota áhrifavalda til þess að aug­
lýsa vörur sínar. Það hefur bein
áhrif á fólk að sjá hvaða vörur
stórstjörnur segjast velja frekar
en aðrar. Þetta er hvorki í fyrsta
né síðasta skipti sem stórstjörnur
hafa áhrif á það hvernig stórfyrir­
tækjum vegnar til skamms tíma
litið.
Coca Cola brást hárrétt við
Viðbrögð Coca Cola, að senda út hóf­
stemmda yfirlýsingu, sem var afar
innihaldsrýr, sýnir að fyrirtækið
ætlar sér ekki í þennan slag, enda
lítið upp úr því að hafa. Það væri alls
ekki þeim til framdráttar að hjóla
í Ronaldo eða setja fram á sjónar­
sviðið einhverja aðra stórstjörnu
sem mærir vöru þeirra í andstöðu
við portúgölsku fótboltahetjuna.
Þeir munu bara nota þá taktík
held ég að láta þetta atvik gleymast
og vonast til þess að þetta hafi bara
verið stormur í kókglasi og hlut­
hafar tapi ekki á þessu. Bréfin hafa
jú hækkað síðan þá, þannig að tap
hluthafanna verður ekki jafn mikið
og fram kom í fyrstu fréttum fjöl­
miðla um málið.
Þetta sýnir okkur þó áhrifa­
mátt stórstjarnanna. Svona dæmi
styrkja væntanlega enn frekar
samningsstöðu þeirra við gerð
auglýsingasamninga og sýna fyrir­
tækjum hve gífurleg áhrif skærustu
stjörnurnar hafa. Samstarf við slíka
aðila getur eðlilega haft mikil áhrif
á fjárhag fyrirtækja,“ segir sérfræð­
ingurinn um fjármál í íþróttum. n
Mun enda sem stormur í kókglasi
Ronaldo hefur áður lýst yfir óánægju sinni með gosneyslu elsta sonar síns, Cristianos yngri, en hann var um tíma eitt af andlitum Coca Cola. FRÉTTABLAÐIÐ/GETTY
hjorvaro@frettabladid.is
ÓLYMPÍULEIKAR Stjórn Íþróttasam­
bands fatlaðra hefur valið þá fjóra
einstaklinga sem verða fulltrúar
Íslands á Paralympics í Tókýó í haust.
Frjálsíþróttafólkið Bergrún Ósk
Aðalsteinsdóttir og Patrekur Andr­
és Axelsson frá FH og svo sundfólkið
Már Gunnarsson frá ÍRB og Thelma
Björg Björnsdóttir frá ÍFR fara fyrir
hönd Íslands til Tókýó.
Af þeim fjórum keppendum sem
valdir hafa verið til verkefnisins eru
Bergrún, Már og Patrekur öll að fara
að keppa á sínum fyrstu leikum, en
Thelma Björg synti fyrir Íslands
hönd í Brasilíu árið 2016. .
Það er enn von um að Ísland geti
sent fleiri keppendur til Tókýó.Þor­
steinn Halldórsson gæti komist
inn á leikana með góðum árangri í
lokaúrtökumóti fyrir ÓL. Þorsteinn
keppti fyrstur Íslendinga í bogfimi á
Paralympics í Ríó árið 2016. n
Fjórir nú komnir
með farseðil á ÓL
Már og Bergrún Ósk keppa fyrir
hönd Íslands í Tókýó í haust.
Björn Berg
Gunnarsson,
deildarstjóri í
greiningardeild
Íslandsbanka
hjorvaro@frettabladid.is
FÓTBOLTI Sívaxandi þáttur í utan­
umhaldi fótboltaliða er taktísk
greining út frá upptökum á æfing­
um og leikjum liða, leikgreining og
ýmiss konar gagnagreining.
Arnar Þór Viðarsson segir að þegar
hann tók við sem yfirmaður knatt­
spyrnumála hjá knattspyrnusam­
bandi Íslands, KSÍ, árið 2019 hafi
staða mála verið greind hvað þennan
hluta varðar hjá sambandinu.
Þá hafi komið í ljós að þessu var
töluvert ábótavant og síðan þá hafi
verið stigin skref í átt til þess að bæta
úr því.
„Það var alveg ljóst að við þurftum
að bæta þennan þátt svo um munaði
til þess að dragast ekki aftur úr með
þróun okkar fótboltamanna.
Fyrsta skrefið var að útvega okkur
búnaðinn og nú eru allir vellir lið­
anna í Pepsi Max­deildinni komnir
með myndavél sem getur tekið upp
efni sem nýst getur við taktíska
greiningu og tölfræðiúrvinnslu úr
leikjum,“ segir Arnar Þór.
„Félögin í Pepsi Max­deildinni
eru svo komin með aðgang að sams
konar GPS­vestum og VEO mynda­
vélum og úrvinnsluforriti þannig
að nú eru þau gögn og þær tölur sem
félögin vinna með samanburðarhæf.
Þá er aðbúnaðurinn hjá landslið­
unum orðinn umtalsvert betri en
hann var þegar ég hóf störf hjá KSÍ,“
segir landsliðsþjálfarinn enn fremur.
„Næsta skref er svo að þjálfa
íslenska einstaklinga, bæði þjálfara
og aðra sem hafa áhuga á þessum
hluta þjálfunar, í því að geta unnið
fyrir félögin og landsliðin okkar.
Hjá A­landsliðinu til að mynda
erum við Tom Joel sem sér um
líkamlega þjálfun á leikmönnum
og úrvinnslu gagna hvað líkamlegt
atgervi leikmanna varðar.
Við tökum upp allar æfingar
liðsins og það sama á við um yngri
landsliðið, og greinum þær og förum
yfir með leikmönnum. Svo höfum
við auðvitað aðgang að okkar eigin
leikjum.
Við kaupum hins vegar taktískan
leikgreiningarpakka á andstæðing­
um okkar sem við notum með okkar
eigin leikgreiningu sem við gerum
sjálfir,“ segir Arnar Þórm, sem mun
mæta á leiki Þýskalands og Norður­
Makedóníu á EM til þess að greina
þau lið fyrir komandi leiki liðanna
í undankeppni HM 2022.
„Það er hins vegar draumurinn
að geta verið með íslenskan leik­
greinanda í teyminu okkar og það er
ekkert launungarmál að við ræddum
við Bjarka Má Ólafsson um að taka
það starf að sér þegar við vorum að
mynda teymið í kringum A­lands­
liðið í janúar fyrr á þessu ári, en hann
var ekki laus á þeim tímapunkti.
Ég fagna þeirri umræðu sem Bjarki
Már hefur sett af stað um leikgrein­
ingu og gagnagreiningu hér heima
og því framtaki hans að leiða saman
þá sem hafa áhuga á þessu og halda
námskeið og fyrirlestra. Þetta er
eitthvað sem við munum taka inn í
þjálfaranámskeið KSÍ í meira mæli í
framhaldinu.
Þá er það mikið gleðiefni að
Skagamaðurinn Arnór Snær Guð­
mundsson hafi nýverið samið við
Noregsmeistara Bodö/Glimt um að
starfa sem fitnessþjálfari í akademíu
meistaranna.
Við viljum fjölga í flóru þeirra sem
sérhæfa sig á þessu sviði og við erum
að vona að samstarf KSÍ og Háskól­
ans í Reykjavík, um mælingar á leik­
mönnum yngri landsliðanna okkar,
leiði af sér fjölgun á sérhæfðum þjálf­
urum í líkamlegu atgervi og gagna­
greiningu,“ segir yfirmaður knatt­
spyrnumála hjá KSÍ.n
Þurfum núna að taka næsta skref í gagnagreiningu okkar
Arnar Þór Viðarsson, þjálfari A-
landsliðs karla. FRÉTTABLAÐIÐ/GETTY
kristinnpall@frettabladid.is
FÓTBOLTI Eiður Smári Guðjohnsen
er kominn í tímabundið leyfi frá
störfum sem þjálfari A­landsliðs
karla eftir að myndband af honum
undir áhrifum áfengis í miðbænum
fór í dreifingu. Eiður mun snúa aftur
í verkefni landsliðsins í haust og virð­
ist axla fulla ábyrgð á hegðun sinni.
„Það að vera fyrirmynd þýðir ekki
að ég sé fullkominn, ég er mann­
legur. Stundum tökum við rangar
ákvarðanir, sýnum af okkur dóm­
greindarleysi og gerum mistök, og
þá sérstaklega þegar áfengi spilar
inn í. Á lífsleið okkar þurfum við
öll að taka á ýmsum persónulegum
málum, og ég mun svo sannarlega
taka á mínum,“ segir Eiður Smári. n
Eiður heldur sig
til hlés um tíma
20 Íþróttir 17. júní 2021 FIMMTUDAGURÍÞRÓTTIR FRÉTTABLAÐIÐ 17. júní 2021 FIMMTUDAGUR