Starfsmannablaðið (B.S.R.B.) - 01.12.1951, Blaðsíða 15

ur hefir verið niður réttur launþega til sjálf-
krafa haekkunar kaupgjalds á miðju þessu ári,
ef vísitala framfærslukostnaðar hækkar um 5%
eða meira, hafi ríkisvaldið tekið á sig aukna
ábyrgð á því gagnvart launþegasamtökunum,
að gera allt, sem í þess valdi stendur, til þess að
stöðva frekari aukningu dýrtíðar.
Stjórnin væntir því þess, að ríkisstjórnin muni
gera sitt ítrasta til þess, að þeim mikilvægu
þáttum verðlagsins, er hún ræður yfir og þá
fyrst og fremst- fjárfestingu og útlánum banka
verði stjórnað svo, að sem mestum árangri verði
náð til þess að hefta verðbólguþróunina og munu
opinberir starfsmenn veita ríkisstjóminni sið-
ferðilegan stuðning til framkvæmda slíkra ráð-
stafana. Verði árangur þessara og annarra ráð-
stafana, er gerðar kunna að verða í efnahags-
málum hinsvegar sá, að opinberir starfsmenn
verði af þeim sökum verr úti en aðrar þjóðfélags-
stéttir, munu þeir að sjálfsögðu gera kröfu til
þess að fá slíkt leiðrétt með hækkuðu kaupi.
Loks vill stjórnin í þessu sambandi vekja sér-
staka athygli á samþykkt 13. þings bandalags-
. ins, er fylgir hérineð".
Á fundi sínum þann 19. marz s. 1. ítrekaði
bandalagsstjórnin þessa samþykkt á eftirfar-
andi hátt:
„Með tilvísun til samþykktar, er gerð var á
fundi stjómar B. S. R. B. þann 8. janúar s. 1. og
afhent hæstvirtri ríkisstjórn, hefir stjórn banda-
lagsins gert eftirfarandi ályktun á fundi sínum
19. rnarz 1951.
Frá því um áramót hefir vísitala framfærslu-
kostnaðar hækkað um 3 til 5 stig og munu meiri
hækkanir í vændum, bæði sökum verðhækkana
erlendis, svo og ráðstafana, er gerðar hafa verið
bátaútveginum til hjálpar.
Stjórn B. S. R. B. telur að kjör megin þorra
launafólks séu nú slík að frekari kjararýrnun
beri að afstýra eftir öllum hugsanlegum leiðum.
Fyrir því beinir bandalagsstjórnin þeim tihnæl-
um til hæstvirtrar ríkisstjórnar að hún láti nú
þegar fara fram sérfróða athugun á því, hvaða
leiðir kynnu að vera tiltækilegar til að tryggja
hlutfall milli launa og raunverulegs framfærslu-
kostnaðar, er ekki sé óhagstæðara en var um
síðast liðin áramót. Fulltrúar launþegasamtak-
anna eigi þess kost að fylgjast með niðurstöðum
þeirra athugana jafnóðum og þær liggja fyrir,
og verði þannig leitast við að finna grundvöll
til viðunandi úrlausnar kjaramálum launafólks.
Að öðru leyti ítrekar stjórn B. S. R. B. sam-
þykkt sína frá 8. jan. s. L, svo og samþykktir 13.
þings bandalagsins um dýrtíðarmál.
Leyfum vér oss í því sambandi að benda á
þær samþykktir þingsins, sem snerta sérstak-
lega endurskoðun framfærsluvísitölu ög launa-
greiðslur samkvæmt henni“.
Þegar samningar höfðu í lok maímánaðar tek-
ist milli atvinnureikenda og Alþýðusambandsins
um greiðslu dýrtíðaruppbótar á kaup, bar stjórn
bandalagsins þegar fram þá kröfu, að samsvar-
andi uppbót yrði greidd á laun opinberra starfs-
manna. Náðu þær kröfur fram að ganga með
setningu bráðabirgðalaga 30. júní 1951, um upp-
bætur á laun opinberra starfsmanna.
Launamálið.
Eins og kunungt er, hefir verið starfandi milli-
þinganefnd bandalagsins, er haft hefir með hönd-
um endurskoðun á frumvarpi því til launalaga,
er samið var á vegum launalaganefndarinnar frá
1950. Skýrði milliþinganefndin frá helztu niður-
stöðum sínum á fulltrúafundi þann 27. apríl s. 1.
í september s. 1. gekk stjórn bandalagsins á fund
Eysteins Jónssonar frjármálaráðherra, og bar fram
þá ósk, að stjórnarráðið skipaði menn af sinni
hálfu, til athugunar á tillögum milliþinganefnd-
arinnar, er þær lægju fyrir, og yrðu hafnir samn-
ingar við stjórn bandalagsins um það, hverjar
af breytingartillögum milliþinganefndarinnar
yrðu teknar til greina í væntanlegu launalaga-
frumvarpi. Varð fjármálaráðherra við þessum
óskum, en þar sem milliþinganefndin hefir enn
eigi skilað áliti er þetta er skrifað, hafa samn-
ingaumleitanir þessar enn eigi hafist.
Formaður bandalagsins vann hinsvegar að því
fyrir hönd bandalagsstjórnarinnar að fá fram-
gengt kröfum F. í. S. um launahækkun til nokk-
urra starfsmanna. Náðist um þetta samkomulag
í janúar s. 1. og voru þá 8 starfsmenn hækkaðir
í launum.
Réttindi og skyldur opinberra starfsmanna.
Milliþinganefnd starfaði samkvæmt ákvörðun
síðasta bandalagsþings að athugun á fmmvarpi
Gunnars Thoroddsens borgarstjóra, um réttindi
og skyldur opinberra starfsmanna. Skilaði nefnd-
in áliti um miðjan október. I september s. 1.
ræddi formaður bandalagsins við Bjarna Bene-
diktsson dómsmálaráðherra, um möguleika á því
að frumvarpið yrði lagt fyrir Alþingi það, er
nú situr. Stjórn bandalagsins taldi þó eigi rétt
að ganga frekar eftir því fyrr en álit milliþinga-
nefndar lægi fyrir, þar sem það er nú komið
fram, er nú allt undirbúið til þess að ganga
megi til endanlegra samninga um frumvarp þetta
við ríkisstjórnina.
Er og sérlega aðkallandi að svo megi verða,
þar sem talsvert hefir verið um árekstra við
ríkisvaldið á árinu út af þessum málum, einkum
í sambandi við uppsagnir og skipanir í stöður.
starfsmannablaðið 15